ಕರೊನಾ ಸೋಂಕು ತಡೆಯಲು ಸದ್ಯದ ಮಟ್ಟಿಗೆ ಯಾವುದೇ ಔಷಧ ಇಲ್ಲ. ಮಲೇರಿಯಾ ಔಷಧ ಹೈಡ್ರಾಕ್ಸಿಕ್ಲೋರೊಕ್ವಿನ್ ಮಾತ್ರೆ ಪರಿಣಾಮಕಾರಿಯಾಗಿ ಕೆಲಸ ಮಾಡಬಲ್ಲದು. ಇದನ್ನು ಸಾಕಷ್ಟು ದಾಸ್ತಾನು ಇರಿಸಿಕೊಳ್ಳಲು ಕೇಂದ್ರ ಸರ್ಕಾರ ರಫ್ತು ನಿಷೇಧ ಜಾರಿ ಮಾಡಿದೆ. ಈ ಬೆನ್ನಲ್ಲೇ ಮಾತನಾಡಿದ ಟ್ರಂಪ್, ಅಮೆರಿಕದಿಂದ ವಾಣಿಜ್ಯ ವ್ಯವಹಾರದ ಲಾಭ ಪಡೆಯುತ್ತಿರುವ ಭಾರತದ ಕ್ರಮ ಕೈಗೊಂಡರೆ ತಪ್ಪೇನು? ಎಂದಿದ್ದಾರೆ. ಭಾರತದ ಪ್ರಧಾನಿ ಜತೆ ಉತ್ತಮ ಸ್ನೇಹವಿದೆ. ಆದರೂ ರಫ್ತು ನಿಷೇಧ ಹೇರಿರುವುದು ಆಶ್ಚರ್ಯಕರ ಎಂದು ಪತ್ರಕರ್ತರ ಪ್ರಶ್ನೆಗೆ ಉತ್ತರಿಸಿದ್ದಾರೆ. ಸಾಂಕ್ರಾಮಿಕ ರೋಗವಾಗಿರುವ ಕರೊನಾ ವಿಶ್ವವ್ಯಾಪಿಯಾಗಿ, ಅನೇಕ ರಾಷ್ಟ್ರಗಳು ನಲುಗಿವೆ. ಆದ್ದರಿಂದ ಪ್ಯಾರಸೆಟಮಾಲ್ ಮತ್ತು ಹೈಡ್ರಾಕ್ಸಿಕ್ಲೋರೊಕ್ವಿನ್ ಮಾತ್ರೆಗಳನ್ನೇ ನೆಚ್ಚಿಕೊಂಡಿರುವ ರಾಷ್ಟ್ರಗಳಿಗೆ ಲಭ್ಯತೆಗೆ ಅನುಗುಣವಾಗಿ ಸೂಕ್ತ ಪ್ರಮಾಣದಲ್ಲಿ ಇವುಗಳನ್ನು ಪೂರೈಕೆ ಮಾಡಲಾಗುವುದು. ಆದರೆ, ದೇಶದ ಅವಶ್ಯಕತೆಗೆ ಮೊದಲ ಆದ್ಯತೆ ಎಂದು ಕೇಂದ್ರ ಸರ್ಕಾರ ಸ್ಪಷ್ಟಪಡಿಸಿದೆ.
