ರೈಲಿನ ಕೊನೆ ಬೋಗಿ ಹಿಂದೆ ಬರೆದಿರುವ ಈ 'X' ಚಿಹ್ನೆಯ ಅರ್ಥವೇನು ಗೊತ್ತಿದ್ಯಾ? ಇಲ್ಲಿದೆ ನೋಡಿ ಉತ್ತರ | Train

Train Coach: ಭಾರತೀಯ ರೈಲ್ವೆ ಅತ್ಯಂತ ಹಳೆಯ ಹಾಗೂ ಅಗ್ಗದ ಬೆಲೆಯಲ್ಲಿ ಸಾಮಾನ್ಯ ಜನರಿಗೆ ಸುಖಕರ ಪ್ರಯಾಣ ನೀಡುವ ಸಾರಿಗೆ ವ್ಯವಸ್ಥೆ. ದಿನನಿತ್ಯ ಲಕ್ಷಕ್ಕೂ ಮೀರಿದ ಜನಸಂದಣಿ ರೈಲು ಪ್ರಯಾಣದ ಮೇಲೆ ಅವಲಂಬಿತವಾಗಿದೆ. ಬಸ್​, ವಿಮಾನಕ್ಕಿಂತ ರೈಲುಗಳಲ್ಲಿ ಪ್ರಯಾಣಿಸುವವರ ಸಂಖ್ಯೆ ನಮ್ಮಲ್ಲಿಯೇ ಹೆಚ್ಚು. ಕೆಲವರು ರೈಲಿನಲ್ಲಿ ಹೋಗುವುದನ್ನು ಎಂಜಾಯ್ ಮಾಡಿದ್ರೆ, ಇನ್ನೂ ಕೆಲವರು ಅದರ ಚಲಿಸುವಿಕೆಯನ್ನು ಆನಂದಿಸುತ್ತಾರೆ. ಆದರೆ, ಈ ರೈಲಿನ ಕೊನೆ ಬೋಗಿಯ ಮೇಲೆ ಬರೆಯಲಾದ ಎಕ್ಸ್ ಚಿಹ್ನೆ ಬಹುತೇಕರಲ್ಲಿ ಇಂದಿಗೂ ಗೊಂದಲವಾಗಿಯೇ ಉಳಿದಿದೆ ಎಂದೇ ಹೇಳಬಹುದು.

ರೈಲುಗಳಲ್ಲಿನ ವಿವಿಧ ಚಿಹ್ನೆಗಳು ಮತ್ತು ಗುರುತುಗಳ ಬಗ್ಗೆ ತಿಳಿದುಕೊಳ್ಳಲು ಅನೇಕ ಪ್ರಯಾಣಿಕರು ಕುತೂಹಲ ಹೊಂದಿರುತ್ತಾರೆ. ಅದರೊಳಗಿರುವ ಕೆಂಪು ಬಣ್ಣದ ಚೈನ್​ ಏಕೆ ನೀಡಲಾಗಿದೆ? ಅದನ್ನು ಬಳಸುವುದು ಯಾವಾಗ ಎಂಬ ಕುತೂಹಲಕಾರಿ ಸಂಗತಿಯನ್ನು ತಿಳಿಯಲು ಉತ್ಸುಕರಾಗಿರುತ್ತಾರೆ. ಆ ನಿಟ್ಟಿನಲ್ಲಿ ನೋಡುವುದಾದರೆ, ರೈಲಿನ ಕೊನೆಯ ಬೋಗಿಯಲ್ಲಿ ದೊಡ್ಡದಾಗಿ "ಎಕ್ಸ್" ಚಿಹ್ನೆ ನಮ್ಮ ಕಣ್ಣಿಗೆ ಬೀಳುತ್ತದೆ. ವಾಸ್ತವವಾಗಿ, ಮೊದಲ ನೋಟದಲ್ಲಿ, ಇದು ಕೇವಲ ಒಂದು ಡಿಸೈನ್ ಇರಬಹುದು ಅಥವಾ ಎಚ್ಚರಿಕೆ ಎಂದು ಕಾಣಿಸಬಹುದು. ಅಸಲಿಗೆ, ಇದರ ಹಿಂದಿರುವ ಉದ್ದೇಶ ಬೇರೆಯೇ ಇದೆ.

ಈ ಚಿಹ್ನೆಯು ರೈಲು ಕಾರ್ಯಾಚರಣೆಗಳ ಸುರಕ್ಷತೆ ಮತ್ತು ದಕ್ಷತೆಯನ್ನು ಖಚಿತಪಡಿಸಿಕೊಳ್ಳುವಲ್ಲಿ ನಿರ್ಣಾಯಕವಾಗಿದೆ. ಕೊನೆಯ ಕೋಚ್‌ನಲ್ಲಿರುವ "ಎಕ್ಸ್" ಚಿಹ್ನೆಯ ಪ್ರಾಥಮಿಕ ಉದ್ದೇಶವೆಂದರೆ, ಇಡೀ ರೈಲು ಯಾವುದೇ ಕೋಚ್‌ಗಳನ್ನು ಬಿಟ್ಟು ಹೋಗದೆ, ನಿಲ್ದಾಣದ ಮೂಲಕ ಹಾದುಹೋಗಿದೆ ಎಂದು ಖಚಿತಪಡಿಸಿಕೊಳ್ಳುವುದು. ಈ ಗುರುತು ರೈಲ್ವೆ ಅಧಿಕಾರಿಗಳಿಗೆ ದೃಶ್ಯ ಸಂಕೇತವಾಗಿ ಕಾರ್ಯನಿರ್ವಹಿಸುತ್ತದೆ ಎಂದು ರೈಲ್ವೆ ಅಧಿಕಾರಿಗಳು ಮಾಹಿತಿ ನೀಡಿದ್ದಾರೆ.

ಇದನ್ನೂ ಓದಿ: ರಾಜ್ಯಸಭಾ ಸದಸ್ಯರ ಅಪಾರ್ಟ್​ಮೆಂಟ್​ನಲ್ಲಿ ಭಾರಿ ಅಗ್ನಿ ಅವಘಡ; ಹೊತ್ತಿ ಉರಿದ ಮನೆಗಳು| Massive Fire

ರೈಲಿನಿಂದ ಕೋಚ್ ಬೇರ್ಪಟ್ಟ ಅಪರೂಪದ ಸಂದರ್ಭದಲ್ಲಿ, ಕೊನೆಯ ಕೋಚ್‌ನಲ್ಲಿ "X" ಇಲ್ಲದಿರುವುದು ತುರ್ತು ಪರಿಸ್ಥಿತಿಯ ತಕ್ಷಣದ ಸೂಚಕವಾಗಿ ಕಾರ್ಯನಿರ್ವಹಿಸುತ್ತದೆ ಎಂದು ಹೇಳಲಾಗಿದೆ. ಇದು ರೈಲ್ವೆ ಅಧಿಕಾರಿಗಳಿಗೆ, ಕೋಚ್​ ಬಿಟ್ಟುಹೋದ ರೈಲು ನಿಲ್ದಾಣವನ್ನು ಸಂಪೂರ್ಣವಾಗಿ ಹಾದುಹೋಗಿಲ್ಲ ಎಂಬುದನ್ನು ತ್ವರಿತವಾಗಿ ಗುರುತಿಸಲು ಅನುವು ಮಾಡಿಕೊಡುತ್ತದೆ ಮತ್ತು ಸಮಸ್ಯೆಯನ್ನು ಗುರುತಿಸಿ, ತುರ್ತಾಗಿ ಬಗೆಹರಿಸಲು ಸೂಚನೆ ನೀಡುತ್ತದೆ. ಈ ವಿಧಾನವು ಪ್ರಯಾಣಿಕರು ಮತ್ತು ರೈಲ್ವೆ ಸಿಬ್ಬಂದಿಯ ಸುರಕ್ಷತೆಯನ್ನು ಖಚಿತಪಡಿಸಿಕೊಳ್ಳುವ ವಿಧಾನವಾಗಿದೆ,(ಏಜೆನ್ಸೀಸ್).

https://www.vijayavani.net/bbk12-first-finale-is-on-fire