ಕೆಂಪು ಲಿಪ್​ಸ್ಟಿಕ್ ಬಳಸಿದರೆ ಕಠಿಣ ಶಿಕ್ಷೆ; ಮಹಿಳೆಯರು ಕಣ್ಣೀರು ಹಾಕುವುದು ಖಂಡಿತಾ...

ಬೆಂಗಳೂರು: ಮಹಿಳೆಯರು ಬಳಸುವ ಸೌಂದರ್ಯವರ್ಧಕ ಉತ್ಪನ್ನಗಳಲ್ಲಿ ಲಿಪ್​ಸ್ಟಿಕ್ ಬಹಳ ಮುಖ್ಯವಾಗಿದೆ. ಜಗತ್ತಿನಾದ್ಯಂತ ಕೋಟ್ಯಂತರ ಮಹಿಳೆಯರು ಇಷ್ಟಪಡುವ ಕೆಂಪು ಬಣ್ಣದ ಲಿಪ್​ಸ್ಟಿಕ್ ಉತ್ತರ ಕೊರಿಯಾದಲ್ಲಿ  ಬ್ಯಾನ್ ಆಗಿದೆ.

ಉತ್ತರ ಕೊರಿಯಾ ತನ್ನ ಆಡಳಿತಗಾರರ ನಿಯಮಗಳನ್ನು ಯೋಚಿಸದೆ ಅನುಸರಿಸುವ ದೇಶವಾಗಿದೆ. ಪ್ರಪಂಚದ ಉಳಿದ ಭಾಗಗಳಲ್ಲಿ ವಾಸಿಸುವವರಿಗೆ ಅಲ್ಲಿನ ಹಲವು ನಿಯಮಗಳು ವಿಚಿತ್ರವಾಗಿವೆ. ಸಹಜವಾಗಿ ಕಿಮ್ ತನ್ನ ದೇಶವಾಸಿಗಳಿಗೆ ಫ್ಯಾಶನ್ ಬಗ್ಗೆ ಅನೇಕ ನಿಯಮಗಳು ಮತ್ತು ನಿಬಂಧನೆಗಳನ್ನು ಹೊಂದಿಸಿದ್ದಾರೆ. ಫ್ಯಾಶನ್ ಆಧಾರದಲ್ಲಿ ದೇಶದ ಅಧ್ಯಕ್ಷ ಕಿಮ್ ಜಾಂಗ್-ಉನ್ ನಿಗದಿಪಡಿಸಿದ ನಿಯಮಗಳನ್ನು ದೇಶದ ಜನರು ಅನುಸರಿಸದಿದ್ದರೆ, ಅವರು ಕಠಿಣ ಶಿಕ್ಷೆಯನ್ನು ಎದುರಿಸಬೇಕಾಗುತ್ತದೆ.

ಕಿಮ್ ಜಾಂಗ್-ಉನ್ ನೇತೃತ್ವದ ಉತ್ತರ ಕೊರಿಯಾದ ಸರ್ವಾಧಿಕಾರಿ ರಾಜ್ಯವು ಜನರ ಸಾರ್ವಜನಿಕ ಮತ್ತು ಖಾಸಗಿ ಜೀವನವನ್ನು ನಿಯಂತ್ರಿಸುತ್ತದೆ. ಹೀಗಾಗಿ ಜಗತ್ತಿನಾದ್ಯಂತ ಜನಪ್ರಿಯವಾಗಿರುವ ಹಲವು ಮೇಕಪ್ ಉತ್ಪನ್ನಗಳನ್ನು ಆ ದೇಶದಲ್ಲಿ ನಿಷೇಧಿಸಲಾಗಿದೆ. ಲಕ್ಷಾಂತರ ಮಹಿಳೆಯರು ಇಷ್ಟಪಡುವ ಕೆಂಪು ಬಣ್ಣದ ಲಿಪ್‌ಸ್ಟಿಕ್ ಅನ್ನು ಉತ್ತರ ಕೊರಿಯಾದಲ್ಲಿ ನಿಷೇಧಿಸಲಾಗಿದೆ.

ಉತ್ತರ ಕೊರಿಯಾದಲ್ಲಿ ಮಹಿಳೆಯರು ಲಿಪ್‌ಸ್ಟಿಕ್ ಅನ್ನು ಹಾಕಬಹದು. ಆದರೆ ಅವರ ತುಟಿಗಳಿಗೆ ಮಾತ್ರ ಎಂದಿಗೂ ಕೆಂಪು ಲಿಪ್‌ಸ್ಟಿಕ್  ಅಷ್ಟೇ ಅಲ್ಲ, ಅನುಚಿತವಾಗಿ ಡ್ರೆಸ್ ಮಾಡುವ ಅಥವಾ ನಿಷೇಧಿತ ಮೇಕಪ್ ಧರಿಸುವ ಮಹಿಳೆಯರನ್ನು ಹಿಡಿಯಲು ಉತ್ತರ ಕೊರಿಯಾದ ಬೀದಿಗಳಲ್ಲಿ ಗಸ್ತು ತಿರುಗಲಾಗುತ್ತದೆ. ನಿಯಮಗಳ ಉಲ್ಲಂಘನೆಯೂ ಭಾರೀ ದಂಡಕ್ಕೆ ಕಾರಣವಾಗುತ್ತದೆ. ಉತ್ತರ ಕೊರಿಯಾದಲ್ಲಿ ಯಾವುದೇ ಮಹಿಳೆ ತನ್ನ ಕೂದಲಿಗೆ ಬಣ್ಣ ಹಚ್ಚುವಂತಿಲ್ಲ. ಮತ್ತು ಆ ದೇಶದ ಹೆಂಗಸರು ತಮ್ಮ ಕೂದಲನ್ನು ನೀಟಾಗಿ ಬಾಚಿಕೊಳ್ಳಬೇಕು ಇಲ್ಲವಾದಲ್ಲಿ ಶಿಕ್ಷಿಸಲಾಗುತ್ತದೆ ಎನ್ನಲಾಗಿದೆ.

ಕೆಂಪು ಲಿಪ್‌ಸ್ಟಿಕ್ ನಿಷೇಧದ ಹಿಂದಿನ ಕಾರಣವೇನು ಗೊತ್ತಾ?: ದೇಶದ ಸರ್ವಾಧಿಕಾರಿ ಕಿಮ್ ಜಾಂಗ್-ಉನ್ ಕೆಂಪು ಬಣ್ಣವನ್ನು ಬಂಡವಾಳಶಾಹಿ ಮತ್ತು ವ್ಯಕ್ತಿವಾದಕ್ಕೆ ಹೋಲಿಸುತ್ತಾರೆ. ಹೀಗಾಗಿ ಆ ದೇಶದ ಅಧ್ಯಕ್ಷರು ಕೆಂಪು ಲಿಪ್‌ಸ್ಟಿಕ್ ಅನ್ನು ಬಂಡವಾಳಶಾಹಿಯ ಸಂಕೇತವೆಂದು ಪರಿಗಣಿಸುತ್ತಾರೆ. ಕೆಂಪು ಬಣ್ಣವು ಶ್ರೇಷ್ಠವಲ್ಲ ಎಂಬ ಭಾವನೆಯನ್ನು ಸಂಕೇತಿಸುತ್ತದೆ ಎಂದು ಅವರು ನಂಬುತ್ತಾರೆ. ಹೀಗಾಗಿ ತನ್ನ ದೇಶದಲ್ಲಿ ವಾಸಿಸುವ ಯಾವುದೇ ವ್ಯಕ್ತಿ ತನಗಿಂತ ದೊಡ್ಡವರಾಗಬಾರದು ಎಂದು ಕಿಮ್ ಜಾಂಗ್ ಉನ್ ಅವರು ಕೆಂಪು ಬಣ್ಣದ ಲಿಪ್‌ಸ್ಟಿಕ್ ಅನ್ನು ನಿಷೇಧಿಸಿದರು.

ಇನ್ನೊಂದು ಪ್ರಮುಖ ನಿಯಮವೆಂದರೆ ಆ ದೇಶದ ಜನರು ಚೈನ್ ಅಥವಾ ಉಂಗುರಗಳಂತಹ ಯಾವುದೇ ಆಭರಣಗಳನ್ನು ಧರಿಸಬಾರದು. ಆಮದು ನಿಷೇಧಿಸಿರುವುದರಿಂದ ದೇಶದ ಜನರು ಉತ್ತರ ಕೊರಿಯಾದಲ್ಲಿ ತಯಾರಿಸಿದ ಸೌಂದರ್ಯವರ್ಧಕಗಳನ್ನು ಮಾತ್ರ ಬಳಸಬೇಕು.