Friendship Tips: ಚಿಕ್ಕವರಿದ್ದಾಗ ಸ್ಕೂಲ್‌, ಟ್ಯೂಷನ್‌, ಕಾಲೇಜು ಅಂತ ಫ್ರೆಂಡ್ಸ್ ಆಗೋದು ತುಂಬಾ ಈಸಿ. ಪ್ರತಿದಿನ ಭೇಟಿಯಾಗೋದು, ಒಟ್ಟಿಗೆ ಓದೋದು, ಆಟ ಆಡೋದು ಹೀಗೆ ಸ್ನೇಹ ತಾನಾಗಿಯೇ ಬೆಳೆದಿರುತ್ತೆ. ಆದ್ರೆ ದೊಡ್ಡವರಾದ್ಮೇಲೆ ಕೆಲಸ, ಮನೆ ಜವಾಬ್ದಾರಿ ಅಂತ ಬ್ಯುಸಿಯಾಗ್ಬಿಡ್ತೀವಿ. ಹೊಸಬರನ್ನ ಮೀಟ್ ಮಾಡೋಕೆ ಟೈಮೇ ಸಿಗಲ್ಲ. ಕೆಲವೊಮ್ಮೆ ಮನಸ್ಸು ಬಿಚ್ಚಿ ಮಾತಾಡೋಕೆ ಯಾರಾದ್ರೂ ಬೇಕು ಅನ್ಸುತ್ತೆ. ಆದ್ರೆ ಹೊಸಬರ ಹತ್ರ ಮಾತು ಶುರು ಮಾಡೋಕೆ ಏನೋ ಒಂದು ಹಿಂಜರಿಕೆ.
ಮಾನಸಿಕ ಆರೋಗ್ಯ ತಜ್ಞರ ಪ್ರಕಾರ, ಸ್ಕೂಲ್‌ ಮತ್ತು ಕಾಲೇಜು ದಿನಗಳಲ್ಲಿ ಒಂದೇ ಕ್ಲಾಸ್‌, ಟ್ಯೂಷನ್‌ ಅಥವಾ ಒಂದೇ ರೀತಿಯ ಆಸಕ್ತಿಗಳ ಮೂಲಕ ಫ್ರೆಂಡ್ಸ್ ಆಗೋಕೆ ಸಾಕಷ್ಟು ಅವಕಾಶಗಳಿರುತ್ತವೆ. ಆದ್ರೆ ಕೆಲಸಕ್ಕೆ ಸೇರಿದ್ಮೇಲೆ ಅಂಥ ಅವಕಾಶಗಳು ಕಡಿಮೆಯಾಗುತ್ತವೆ. ಹೀಗಾಗಿ ಹೊಸ ಸ್ನೇಹಿತರನ್ನು ಮಾಡಿಕೊಳ್ಳಬೇಕಂದ್ರೆ ನಾವೇ ಸ್ವಲ್ಪ ಪ್ರಯತ್ನ ಹಾಕಬೇಕು.
ದೊಡ್ಡವರಾದ ಮೇಲೆ ಫ್ರೆಂಡ್ಸ್ ಮಾಡೋದು ಯಾಕೆ ಕಷ್ಟ? ಇಲ್ಲಿವೆ 3 ಕಾರಣಗಳು
1. ಸಮಯವೇ ಸಿಗಲ್ಲ
ಕೆಲಸ, ಮನೆ ಜವಾಬ್ದಾರಿ ಅಂತ ದಿನವಿಡೀ ಬ್ಯುಸಿ ಇರುತ್ತೇವೆ. ಹೀಗಾಗಿ ಹೊಸಬರನ್ನ ಮೀಟ್ ಮಾಡೋಕೆ, ಅವರ ಜತೆ ಸಮಯ ಕಳೆಯೋಕೆ ಟೈಮ್‌ ಮತ್ತು ಎನರ್ಜಿ ಎರಡೂ ಇರಲ್ಲ.
2. ಅವರು ಏನಂದುಕೊಳ್ತಾರೋ ಅನ್ನೋ ಭಯ!
‘ನಾನೇ ಹೋಗಿ ಮಾತಾಡಿದ್ರೆ ಅವರು ಸರಿಯಾಗಿ ರೆಸ್ಪಾನ್ಸ್ ಮಾಡ್ತಾರಾ?’, ‘ನಾನೇ ಜಾಸ್ತಿ ಆಸಕ್ತಿ ತೋರಿಸಿದ ಹಾಗಾಗುತ್ತಾ?’ ಅನ್ನೋ ಯೋಚನೆಗಳು ಕಾಡುತ್ತವೆ. ಇದೇ ಕಾರಣಕ್ಕೆ ಇಬ್ಬರಿಗೂ ಸ್ನೇಹ ಮಾಡಿಕೊಳ್ಳಬೇಕು ಅನ್ನಿಸಿದ್ರೂ ಯಾರೂ ಮೊದಲು ಮಾತು ಶುರು ಮಾಡಲ್ಲ.
3. ಜೀವನ ಬದಲಾದಂತೆ ಸ್ನೇಹವೂ ಬದಲಾಗುತ್ತೆ!
ಹೊಸ ಊರಿಗೆ ಶಿಫ್ಟ್ ಆಗೋದು, ಕೆಲಸ ಬದಲಾಯಿಸೋದು, ಮದುವೆ ಅಥವಾ ಮಕ್ಕಳ ಜವಾಬ್ದಾರಿ ಹೆಚ್ಚಾಗೋದು ಹೀಗೆ ಜೀವನದಲ್ಲಿ ಬದಲಾವಣೆಗಳಾದಾಗ ಹಳೆಯ ಫ್ರೆಂಡ್ಸ್ ಜತೆಗಿನ ಸಂಪರ್ಕ ಕಡಿಮೆಯಾಗಬಹುದು. ಆಗ ಹೊಸ ಸ್ನೇಹಿತರನ್ನು ಮಾಡಿಕೊಳ್ಳುವ ಅಗತ್ಯ ಎದುರಾಗುತ್ತೆ.
