ಕೇವಲ 15 ದಿನಗಳಲ್ಲಿ 9 ಲಕ್ಷ ಜನರು ಕಾಣೆಯಾಗಿದ್ದಾರೆ! ಮಸ್ಕ್​​ಗೆ ದೂರು ನೀಡಿದ ಬಾಲಿವುಡ್ ಸ್ಟಾರ್ ನಟ Anupam Kher

ಮುಂಬೈ: ಸಾಮಾಜಿಕ ಮಾಧ್ಯಮದಲ್ಲಿ ತಮ್ಮ ಅಭಿಮಾನಿಗಳೊಂದಿಗೆ ಯಾವಾಗಲೂ ಸಂಪರ್ಕದಲ್ಲಿರುವ ಹಿರಿಯ ಬಾಲಿವುಡ್ ನಟ ಅನುಪಮ್ ಖೇರ್ (Anupam Kher) ತಮ್ಮ ಖಾತೆಯಿಂದ ಅಪಾರ ಸಂಖ್ಯೆಯ ಅನುಯಾಯಿಗಳು ಕಣ್ಮರೆಯಾಗುತ್ತಿರುವುದನ್ನು ಗಮನಿಸಿ ನೇರವಾಗಿ ಎಕ್ಸ್ ಸಿಇಒ ಎಲೋನ್ ಮಸ್ಕ್ ಅವರಿಗೆ ದೂರು ನೀಡಿದ್ದಾರೆ,

ಕೋಟ್ಯಂತರ ಬಳಕೆದಾರರನ್ನು ಹೊಂದಿರುವ ಜನಪ್ರಿಯ ಮೈಕ್ರೋ-ಬ್ಲಾಗಿಂಗ್ ಪ್ಲಾಟ್‌ಫಾರ್ಮ್ 'ಎಕ್ಸ್' (ಹಿಂದೆ ಟ್ವಿಟರ್) ನಲ್ಲಿ ಅನುಪಮ್ ಖೇರ್ ಕೇವಲ 15 ದಿನಗಳಲ್ಲಿ ಲಕ್ಷಾಂತರ ಅನುಯಾಯಿಗಳನ್ನು ಕಳೆದುಕೊಂಡಿದ್ದೇನೆ ಎಂದು ಅವರು ಬಹಿರಂಗಪಡಿಸಿದರು. ಅವರು ಇಷ್ಟೊಂದು ದೊಡ್ಡ ಸಂಖ್ಯೆಯ ಅನುಯಾಯಿಗಳನ್ನು ಏಕೆ ಕಳೆದುಕೊಂಡರು? ಇದರ ಹಿಂದೆ ತಾಂತ್ರಿಕ ದೋಷವಿದೆಯೇ? ಅಥವಾ ಬೇರೆ ಏನಾದರೂ ಕಾರಣವಿದೆಯೇ? ಮಸ್ಕ್ ಅವರನ್ನು ಅವರು ಪ್ರಶ್ನಿಸಿದ್ದು ಚರ್ಚೆಯ ವಿಷಯವಾಗಿದೆ.

ಸಾಮಾಜಿಕ ಮಾಧ್ಯಮದಲ್ಲಿ ತುಂಬಾ ಸಕ್ರಿಯರಾಗಿರುವ ಅನುಪಮ್ ಖೇರ್ ತಮ್ಮ ಟ್ವಿಟರ್ ಖಾತೆಯಲ್ಲಿ ಈ ಅಸಾಮಾನ್ಯ ದೋಷವನ್ನು ಗಮನಿಸಿದರು ಮತ್ತು ತಕ್ಷಣವೇ ಎಕ್ಸ್ ಮುಖ್ಯಸ್ಥ ಎಲೋನ್ ಮಸ್ಕ್ ಅವರಿಗೆ ಟ್ವೀಟ್ ಮಾಡಿದರು.

ಅನುಪಮ್ ಖೇರ್ ಅವರ ಟ್ವೀಟ್‌ನಲ್ಲಿ "ಇದು ದೂರು ಅಲ್ಲ, ಕೇವಲ ಟಿಪ್ಪಣಿ" ಎಂದು ಹೇಳಲಾಗಿದ್ದರೂ, ಒಂಬತ್ತು ಲಕ್ಷಕ್ಕೂ ಹೆಚ್ಚು ಅನುಯಾಯಿಗಳನ್ನು ಕಳೆದುಕೊಳ್ಳುವುದು ಒಬ್ಬ ಸೆಲೆಬ್ರಿಟಿಗೆ ಪ್ರಮುಖ ತಾಂತ್ರಿಕ ಸಮಸ್ಯೆಯಾಗಿದೆ. ಎಲೋನ್ ಮಸ್ಕ್ ಅಥವಾ ಎಕ್ಸ್ ತಾಂತ್ರಿಕ ತಂಡ ಇದಕ್ಕೆ ಹೇಗೆ ಪ್ರತಿಕ್ರಿಯಿಸುತ್ತದೆ ಮತ್ತು ಅನುಯಾಯಿಗಳ ನಷ್ಟಕ್ಕೆ ನಿಜವಾದ ಕಾರಣವನ್ನು ಅವರು ಬಹಿರಂಗಪಡಿಸುತ್ತಾರೆಯೇ? ಎನ್ನುವುದನ್ನು ಕಾದು ನೋಡಬೇಕಿದೆ.

"ಇತ್ತೀಚಿನ ವರದಿಗಳ ಆಧಾರದ ಮೇಲೆ, ಎಕ್ಸ್ ಪ್ಲಾಟ್‌ಫಾರ್ಮ್‌ನ ದೃಢೀಕರಣವನ್ನು ಹೆಚ್ಚಿಸಲು ಲಕ್ಷಾಂತರ ನಕಲಿ, ಬಾಟ್ ಮತ್ತು ನಿಷ್ಕ್ರಿಯ ಖಾತೆಗಳನ್ನು ಶುದ್ಧೀಕರಿಸುತ್ತಿದೆ. ಇದು ಜಸ್ಟಿನ್ ಬೀಬರ್ (20 ಮಿಲಿಯನ್ ನಷ್ಟ) ಮತ್ತು ರೊನಾಲ್ಡೊ (9 ಮಿಲಿಯನ್) ನಂತಹ ಸೆಲೆಬ್ರಿಟಿಗಳು ಸೇರಿದಂತೆ ಅನೇಕರಿಗೆ ಅನುಯಾಯಿಗಳ ಸಂಖ್ಯೆಯಲ್ಲಿ ಇಳಿಕೆಗೆ ಕಾರಣವಾಗಿದೆ. ಅನುಪಮ್ ಖೇರ್ ಅವರ ಕುಸಿತವು ಈ ಶುದ್ಧೀಕರಣದಿಂದ ಉಂಟಾಗಿದೆ, ವೈಯಕ್ತಿಕ ಸಮಸ್ಯೆಗಳಿಂದಲ್ಲ," ಎಂದು ಗ್ರೋಕ್ ಅವರ ಉತ್ತರದಲ್ಲಿ ಹೇಳಲಾಗಿದೆ.