‘ಅಂಬಾನಿ’ ಮದುವೆಗೆ ಖರ್ಚು ಮಾಡಿದ ಕೋಟಿಗಟ್ಟಲೆ ಹಣ ಯಾರದ್ದು? ಪ್ರಧಾನಿ ಮೋದಿ ವಿರುದ್ಧ ರಾಹುಲ್​​ ಗಾಂಧಿ ಟೀಕೆ | Rahul Gandhi

ಚಂಡೀಗಢ : ಉದ್ಯಮಿ ಮುಖೇಶ್ ಅಂಬಾನಿ ತಮ್ಮ ಮಗನ ಮದುವೆಗೆ ಕೋಟಿಗಟ್ಟಲೆ ಖರ್ಚು ಮಾಡಿದ್ದಾರೆ. ಆದರೆ ರೈತರು ಸಾಲದ ಸುಳಿಯಲ್ಲಿ ಮುಳುಗಿದ ನಂತರವೇ ಮದುವೆಯಾಗಬಹುದು. ಇಂತಹ ರಚನೆಯನ್ನು ಪ್ರಧಾನಿ ಮೋದಿ ಮಾಡಿದ್ದಾರೆ ಎಂದು ಕಾಂಗ್ರೆಸ್ ನಾಯಕ ರಾಹುಲ್​ ಗಾಂಧಿ(Rahul Gandhi) ವಾಗ್ದಾಳಿ ನಡೆಸಿದರು.

ಇದನ್ನು ಓದಿ: ದೇವಸ್ಥಾನವಿರಲಿ, ದರ್ಗಾವೇ ಆಗಿರಲಿ..; ಬುಲ್ಡೋಜರ್​ ಕ್ರಮಕ್ಕೆ ಸುಪ್ರೀಂ ಹೇಳಿದ್ದು ಹೀಗೆ.. | Bulldozer Action

ಹರಿಯಾಣ ಚುನಾವಣೆ 2024ಕ್ಕೆ ಮುನ್ನ ಬಹದ್ದೂರ್‌ಗಢದಲ್ಲಿ ರೋಡ್‌ಶೋ ನಡೆಸಿ ಸಾರ್ವಜನಿಕ ಸಭೆಯಲ್ಲಿ ಮಂಗಳವಾರ (ಅಕ್ಟೋಬರ್​ 1) ಮಾತನಾಡಿದ ರಾಹುಲ್​ ಗಾಂಧಿ, ನೀವು ಎಂದಾದರೂ ಅಂಬಾನಿ ಮದುವೆಯನ್ನು ನೋಡಿದ್ದೀರಾ?, ಅಂಬಾನಿ ಮದುವೆಗೆ ಕೋಟಿಗಟ್ಟಲೆ ಖರ್ಚು ಮಾಡಿದ್ದಾರೆ. ಇದು ಯಾರ ಹಣ, ಇದು ನಿಮ್ಮ(ಸಾಮಾನ್ಯ ಜನರ) ಹಣ, ನಿಮ್ಮ ಮಕ್ಕಳ ಮದುವೆಗೆ ಬ್ಯಾಂಕ್‌ನಿಂದ ಸಾಲ ತೆಗೆದುಕೊಳ್ಳುತ್ತೀರಿ. ಇದನ್ನು ಪ್ರಧಾನಿ ಮೋದಿ ಸೃಷ್ಟಿಸಿದ್ದಾರೆ ಎಂದು ಹೇಳಿದರು.

ರೈತರ ಮಕ್ಕಳು ಸಾಲದ ಸುಳಿಯಲ್ಲಿ ಮದುವೆಯಾಗುವ ಸ್ಥಿತಿ ಇದ್ದರೆ, ಆಯ್ಕೆಯಾದ 25 ಮಂದಿಯ ಮದುವೆಗೆ ಸಾವಿರಾರು ಕೋಟಿ ರೂಪಾಯಿಗಳನ್ನು ಖರ್ಚು ಮಾಡಬಹುದು. ಇದು ಸಂವಿಧಾನದ ಮೇಲಿನ ದಾಳಿಯಲ್ಲದಿದ್ದರೆ ಮತ್ತೇನು ಎಂದು ಪ್ರಶ್ನಿಸಿದರು.

ನೀವು ಎಂದಾದರೂ ಮಾಧ್ಯಮಗಳಲ್ಲಿ ರೈತನ ಮುಖವನ್ನು ನೋಡಿದ್ದೀರಾ? ಕೂಲಿಕಾರ ಅಥವಾ ಬಡ ಕುಶಲಕರ್ಮಿಗಳ ಮುಖವನ್ನು ನೀವು ನೋಡಿದ್ದೀರಾ? ಈ ದೇಶದಲ್ಲಿ ಕೋಟ್ಯಾಧಿಪತಿಗಳು ಮತ್ತು ನರೇಂದ್ರ ಮೋದಿ ಮಾತ್ರ ಇದ್ದಾರೆಯೇ? ಮಾಧ್ಯಮಗಳಲ್ಲಿ ಬಡವರು ಮದುವೆಯಾಗುವುದನ್ನು ನೋಡಿದ್ದೀರಾ ಎಂದು ರಾಹುಲ್ ಗಾಂಧಿ ಹೇಳಿದ್ದಾರೆ. ಇನ್ನು ಅಗ್ನಿವೀರ್​ ಯೋಜನೆ ಕುರಿತು ಮಾತನಾಡಿದ ಅವರು, ಹುತಾತ್ಮ ಯೋಧರ ಕುಟುಂಬಗಳಿಂದ ಪಿಂಚಣಿ ಮತ್ತು ಇತರ ಸೌಲಭ್ಯಗಳನ್ನು ಕಸಿದುಕೊಳ್ಳಲು ಈ ಯೋಜನೆಯನ್ನು ಪ್ರಾರಂಭಿಸಲಾಗಿದೆ ಎಂದು ಕಿಡಿಕಾರಿದರು.(ಏಜೆನ್ಸೀಸ್​)

https://www.vijayavani.net/frozen-bodies-of-4-soldiers-killed-in-1968-iaf-plane-crash-recovered-in-himachal-pradesh