ಉಪವಾಸದಿಂದ ಎಷ್ಟೊಂದು ಉಪಯೋಗ!; ದೇವರ ಓಲೈಕೆ, ಆರೋಗ್ಯದ ಆರೈಕೆ, ಇಚ್ಛಾಶಕ್ತಿ ಗಳಿಕೆ

| ವಿಲಾಸ ಮೇಲಗಿರಿ

ಉಪವಾಸ ಎಂಬ ಪದಕ್ಕೆ ಭಾರತದಲ್ಲಿ ಅದರದ್ದೇ ಆದ ವೈಶಿಷ್ಟ್ಯವಿದೆ. ಸಾಮಾಜಿಕ, ರಾಜಕೀಯವಾಗಿ ನಡೆಯುವ ಉಪವಾಸಗಳು ಒಂದು ಬಗೆಯಲ್ಲಿ ಪ್ರಭಾವ ಬೀರಿದರೆ, ಧಾರ್ವಿುಕವಾಗಿ ನಡೆಯುವ ಉಪವಾಸ ನಮ್ಮನ್ನು ದೇವರಿಗೆ ಹತ್ತಿರವಾಗಿಸುತ್ತದೆ ಎಂಬ ನಂಬಿಕೆ ಜನರಲ್ಲಿದೆ. ಉಪವಾಸ ಮಾಡುವುದು ಸನಾತನ ಕಾಲದಿಂದಲೂ ಭಾರತೀಯರಲ್ಲಿ ರೂಢಿಯಲ್ಲಿದೆ. ಹಿಂದು, ಮುಸ್ಲಿಂ, ಜೈನ, ಕ್ರೖೆಸ್ತ, ಪಾರ್ಸಿ ಎಲ್ಲ ಧರ್ಮದಲ್ಲೂ ಉಪವಾಸ ತನ್ನದೇ ಆದ ಮಹತ್ವ ಹೊಂದಿದೆ. ಹಬ್ಬ ಹರಿದಿನಗಳಲ್ಲಿ ಮತ್ತು ತಿಥಿಗಳನ್ನಾಚರಿಸುವಾಗ ಉಪವಾಸ ಮಾಡುವುದು ನಡೆದುಕೊಂಡು ಬಂದಿದೆ. ಆದರೆ ಉಪವಾಸ ವ್ರತದ ಫಲವನ್ನು ಕರುಣಿಸುವುದು ಮಾತ್ರವಲ್ಲ, ಬದಲಾಗಿ ವೈಜ್ಞಾನಿಕವಾಗಿ ನಮ್ಮ ದೇಹ ಮತ್ತು ಮನಸ್ಸನ್ನು ಕೂಡ ನಿಯಂತ್ರಿಸುತ್ತದೆ ಎಂಬುದು ವಿಶೇಷ.

ಹಿಂದುಗಳಂತೂ ವರ್ಷದುದ್ದಕ್ಕೂ ಒಂದಲ್ಲ ಒಂದು ಹಬ್ಬ, ವ್ರತ ಆಚರಿಸುತ್ತಾರೆ. ಆ ಆಚರಣೆಗಳಲ್ಲೇ ಸಡಗರ ಸಂಭ್ರಮ ಕಾಣುತ್ತಾರೆ. ಆದರೆ ಶಿವರಾತ್ರಿ ಶಿವಭಕ್ತರ ಪಾಲಿಗೆ ಮಂಗಳಕರ ರಾತ್ರಿ. ಹಗಲು ಉಪವಾಸವಿದ್ದು, ರಾತ್ರಿ ಜಾಗರಣೆ ಮಾಡಿ, ಶಿವನ ಕೃಪೆ ಬಯಸುವ ಶುಭದಿನ. ಆ ದಿನ ಮಠ, ಮಂದಿರ ಅಷ್ಟೇ ಅಲ್ಲ, ಮನೆ-ಮನೆಗಳಲ್ಲಿ ಭಜನೆಗಳು, ದೇವರ ಆರಾಧನೆಗಳು ನಡೆಯುತ್ತವೆ. ಈ ಹಬ್ಬದಂದು ಇಡೀ ದಿನ ಉಪವಾಸವಿದ್ದು, ಇಡೀ ರಾತ್ರಿ ಜಾಗರಣೆ ನಿಯಮ ಪಾಲಿಸುತ್ತಾರೆ. ಇದು ದೈಹಿಕ, ಮಾನಸಿಕ ಸಮತೋಲನಕ್ಕೆ ಸಹಕಾರಿಯಾಗಿದೆ. ಉಪವಾಸವು ದೇಹ ಮತ್ತು ಮನಸ್ಸಿನ ಹತೋಟಿಗೆ ಉಪಯುಕ್ತವಾಗಿದೆ. ಒಂದು ದಿನ ಊಟ ಬಿಟ್ಟರೆ ಅದರಿಂದ ಆರೋಗ್ಯಕ್ಕೆ ಹಲವು ಪ್ರಯೋಜನಗಳಿವೆ. ಜೀರ್ಣಾಂಗಗಳಿಗೆ ವಿಶ್ರಾಂತಿ ದೊರೆಯುತ್ತದೆ. ಜೀರ್ಣಕ್ರಿಯೆ ಸಮಸ್ಯೆಗಳು ದೂರವಾಗುತ್ತವೆ. ಧಾರ್ವಿುಕವಾಗಿ ಆತ್ಮಶುದ್ಧಿ, ಆತ್ಮಶಕ್ತಿ ಲಭಿಸುತ್ತದೆ. ಉಪವಾಸದಿಂದ ಇತರರ ಹಸಿವಿನ ಸಂಕಟ ಅರ್ಥ ಮಾಡಿಕೊಳ್ಳಲು ಸಹಕಾರಿಯಾಗುತ್ತದೆ.

ಶಿವರಾತ್ರಿಯಲ್ಲಿ ಅಡಗಿದೆ ವಿಜ್ಞಾನ: ಶಿವರಾತ್ರಿ ಬರೀ ಹಬ್ಬವಷ್ಟೇ ಅಲ್ಲ. ಅದರಲ್ಲಿ ವಿಜ್ಞಾನವು ಅಡಗಿದೆ. ಈ ಸಂದರ್ಭದಲ್ಲಿ ಹವಾಮಾನ ವೈಪರೀತ್ಯದಿಂದ ಉಸಿರಾಟ ತೊಂದರೆ ಕಾಣಿಸಿಕೊಳ್ಳುವುದು ಸಾಮಾನ್ಯ. ಕೆಮ್ಮು, ನೆಗಡಿ, ಶೀತ ಮಾಮೂಲು. ಇಂತಹ ಸಂದರ್ಭದಲ್ಲಿ ದೇಹ ಸಮತೋಲನದಲ್ಲಿಡಲು ಉಪವಾಸ ಮಾಡಬೇಕಾಗುತ್ತದೆ. ದೇಹದ ಉಷ್ಣ ಹೆಚ್ಚಿಸಲು ಜಾಗರಣೆ ಸಹಕಾರಿಯಾಗುತ್ತದೆ. ಶಿವನ ಪೂಜೆಗೆ ಉಪಯೋಗಿ ಸುವ ಬಿಲ್ವ ಪತ್ರೆಯಿಂದ ಪ್ರಾಣವಾಯು ಹೊರ ಬರುತ್ತದೆ. ಲಿಂಗಾಷ್ಟಕ, ಓಂಕಾರ ಪಠಣಗಳಿಂದ ಶ್ವಾಸಕಾಂಗಗಳಿಗೆ ವ್ಯಾಯಾಮ ಸಿಗುತ್ತದೆ. ಆದ್ದರಿಂದ ಉಪವಾಸ ಅನೇಕ ಪ್ರಯೋಜನಗಳನ್ನು ಉಂಟು ಮಾಡುತ್ತದೆ.

ಉಪವಾಸ ಒಂದು ಶ್ರೇಷ್ಠ ಔಷಧ: ಲಂಘನಂ ಪರಮೌಷಧಂ ಎಂಬುದು ಸಂಸ್ಕೃತದಲ್ಲಿ ಉಲ್ಲೇಖವಾಗಿದೆ. ಉಪವಾಸವು ಒಂದು ಶ್ರೇಷ್ಠ ಔಷಧ ಎಂದು ಅದರ ಅರ್ಥ. ಪ್ರಾಚೀನ ಭಾರತೀಯರು ಉಪವಾಸವನ್ನು ಧಾರ್ವಿುಕ ಆಚರಣೆಯಾಗಿ ಆಚರಿಸುತ್ತಿದ್ದರು. ಋಷಿಗಳು, ಸಂತರು ಉಪವಾಸಕ್ಕೆ ಹೆಚ್ಚು ಆದ್ಯತೆ ನೀಡುತ್ತಿದ್ದರು. ಅನೇಕ ಧರ್ಮಗಳಲ್ಲಿ ಧಾರ್ವಿುಕ ಆಚರಣೆಯ ಒಂದು ಭಾಗವಾಗಿ ಉಪವಾಸವನ್ನು ಆಚರಿಸಲಾಗುತ್ತದೆ. ದೇಹ, ಮನಸ್ಸು, ಬುದ್ಧಿ ಶುದ್ಧೀಕರಿಸಲು ಶಿವರಾತ್ರಿ ಸಹಕಾರಿಯಾಗಲಿದೆ. ಹಾಗಾಗಿ ಶಿವರಾತ್ರಿಯನ್ನು ಶರೀರ ಶುದ್ಧೀಕರಣ ಮಾಡುವ ದಿನ ಎಂದು ಪರಿಗಣಿಸಲಾಗುತ್ತಿದೆ.

ಏನನ್ನು ತಿನ್ನಬೇಕು? ಏನನ್ನು ತಿನ್ನಬಾರದು?

ಯಾರು ಬೇಕಾದರೂ ಉಪವಾಸ ಮಾಡಬಹುದು. ಈ ಸಮಯದಲ್ಲಿ ಕೆಲವರು ಇಡೀ ದಿನ ಒಂದು ಲೋಟ ನೀರೂ ಕುಡಿಯದೆ ಉಪವಾಸ ಆಚರಿಸುತ್ತಾರೆ. ಅಂತಹವರ ಆರೋಗ್ಯದಲ್ಲಿ ಏರುಪೇರಾಗುವ ಸಾಧ್ಯತೆ ಇರುತ್ತದೆ. ಈ ಬಗ್ಗೆ ಜಾಗ್ರತೆವಹಿಸಬೇಕು.

• ಧಾನ್ಯ ಬಳಸಿ ಮಾಡಿದ ಆಹಾರ ಪದಾರ್ಥಗಳನ್ನು ಉಪವಾಸದ ದಿನ ಸೇವಿಸಬಾರದು.
• ಉಪವಾಸದ ವೇಳೆ ಆಲೂಗಡ್ಡೆ ಬಳಸಿ ಮಾಡಿದ ಡೀಪ್ ಫ್ರೈ ಆಹಾರ ಪದಾರ್ಥ ತಿನ್ನಬಾರದು. ಇದರಿಂದ ಗ್ಯಾಸ್ಟ್ರಿಕ್, ಹೊಟ್ಟೆ ಉಬ್ಬರದ ಸಮಸ್ಯೆ ಬರಬಹುದು.
• ಎಣ್ಣೆಯಿಂದ ಕರಿದ ತಿಂಡಿ, ಕುರುಕಲು ತುಂಡಿ, ಮಸಾಲೆ ಆಹಾರ ತಿನ್ನುವುದು ಸೂಕ್ತವಲ್ಲ.
• ಕಲ್ಲಂಗಡಿ, ಕಿತ್ತಲೆ ಹಣ್ಣು, ತಾಜಾ ಹಣ್ಣಿನ ಜ್ಯೂಸ್, ಹಣ್ಣಿನ ಸಾಲಡ್, ಮಿಲ್ಕ್ ಶೇಕ್ ಸೇವಿಸಬಹುದು. ಬಾದಾಮಿ, ಅಕ್ರೋಟು, ಖರ್ಜೂರ, ಗೋಡಂಬಿ, ದ್ರಾಕ್ಷಿ ಬಳಸಬಹುದು.
• ಅಸ್ವಸ್ಥತೆಯಿಂದ ಬಳಲುವವರು , ಔಷಧೋಪಚಾರದಲ್ಲಿ ಇರುವವರು ಉಪವಾಸ ಮಾಡಬೇಕಾದಲ್ಲಿ ವೈದ್ಯರನ್ನು ಸಂರ್ಪಸುವುದು ಸೂಕ್ತ.

ಉಪಯೋಗ

• ಏಕಾಗ್ರತೆ ವೃದ್ಧಿ, ಶರೀರ ಶುದ್ಧಿ
• ತೂಕ ನಷ್ಟಕ್ಕೆ ಸಹಾಯ
• ಆಲೋಚನೆ ಮತ್ತು ಸ್ಮರಣ ಶಕ್ತಿ ಸುಧಾರಣೆ
• ದೈಹಿಕ ಕಾರ್ಯಕ್ಷಮತೆ ಬಲವರ್ಧನೆ
• ಅಂಗಾಂಶದ ಆರೋಗ್ಯಕ್ಕೆ ಚೇತನ
• ಮಧುಮೇಹ ಮತ್ತು ಬೊಜ್ಜು ಅಪಾಯ ಕಡಿಮೆ
• ಆಯುಷ್ಯ ಹೆಚ್ಚಳ ಸಹಕಾರಿ
• ಹೃದಯ ಆರೋಗ್ಯ ಸಂರಕ್ಷಣೆ

https://www.vijayavani.net/covishield-shouldnt-have-been-rolled-out-dr-aseem-malhotra/

https://www.vijayavani.net/chinese-sperm-banks-are-appealing-to-college-students-to-donate-sperm/