Morning Habits: ದಿನವನ್ನು ಹೇಗೆ ಶುರು ಮಾಡುತ್ತೇವೆ ಅನ್ನೋದು ನಮ್ಮ ದೇಹದ ಚಟುವಟಿಕೆ ಹಾಗೂ ಮನಸ್ಥಿತಿಯ ಮೇಲೂ ಪರಿಣಾಮ ಬೀರುತ್ತದೆ. ಬೆಳಗ್ಗೆ ಎದ್ದ ತಕ್ಷಣ ಕೆಲವು ಸರಳ ಅಭ್ಯಾಸಗಳನ್ನು ರೂಢಿಸಿಕೊಳ್ಳುವುದರಿಂದ ದಿನವನ್ನು ಚುರುಕಾಗಿ ಹಾಗೂ ನೆಮ್ಮದಿಯಿಂದ ಆರಂಭಿಸಲು ಸಹಾಯವಾಗಬಹುದು.
ಒಂದು ಲೋಟ ನೀರಿನಿಂದ ದಿನ ಶುರು ಮಾಡಿ
ಎದ್ದ ತಕ್ಷಣ ಒಂದು ಲೋಟ ನೀರು ಕುಡಿಯುವ ಅಭ್ಯಾಸ ಮಾಡಿಕೊಳ್ಳಿ. ರಾತ್ರಿ ನಿದ್ರೆಯ ಬಳಿಕ ದೇಹಕ್ಕೆ ನೀರಿನ ಅಗತ್ಯವಿರುತ್ತದೆ. ಬೆಳಗ್ಗೆ ನೀರು ಕುಡಿಯುವುದರಿಂದ ದೇಹ ಹೈಡ್ರೇಟ್ ಆಗಿರಲು ಸಹಾಯವಾಗುತ್ತದೆ.
ಲಘು ಸ್ಟ್ರೆಚಿಂಗ್ ಮಾಡಿ
ಹಾಸಿಗೆಯಿಂದ ಎದ್ದ ಬಳಿಕ ಕೈ-ಕಾಲು ಹಾಗೂ ದೇಹವನ್ನು ನಿಧಾನವಾಗಿ ಸ್ಟ್ರೆಚ್ ಮಾಡಿ. ಕೆಲ ನಿಮಿಷಗಳ ಲಘು ವ್ಯಾಯಾಮ ಅಥವಾ ಸ್ಟ್ರೆಚಿಂಗ್ ಮಾಡುವುದರಿಂದ ದೇಹ ಚುರುಕಾಗಲು ಸಹಾಯವಾಗಬಹುದು.
