ಸಮಾಜ ಹೋಗುತ್ತಿರುವ ಮಾರ್ಗವನ್ನು ತಡೆದು, ಅದಕ್ಕೊಂದು ಆಕಾರ ನೀಡಲು ನಕ್ಸಲಿಸಂ ಒಂದೇ ಮಾರ್ಗ ಎಂದು ಅಂದುಕೊಂಡಿದ್ದೆ ಎಂದು ವಿಜಯನಗರಂ ಜಿಲ್ಲೆಯ ಕೊಟ್ಟವಲಸ ಮಂಡಲದ ಮಂಗಳಪಾಳೇಮ್ ಗ್ರಾಮದಲ್ಲಿ ಶನಿವಾರ ಶ್ರೀ ಗುರುದೇವ ಚಾರಿಟಬಲ್ ಟ್ರಸ್ಟ್ ಆಯೋಜಿಸಿದ್ದ ಕಾರ್ಯಕ್ರಮದಲ್ಲಿ ಭಾಗವಹಿಸಿ ರಂಗಾ ರಾವ್ ಮಾತನಾಡಿದರು. ಜಾತಿ, ಹಣ ಮತ್ತು ಭ್ರಷ್ಟಾಚಾರದಂತಹ ಭೂತಗಳು ಭಾರತದಲ್ಲಿ ಹೆಚ್ಚಾಗಿವೆ. ಇಡೀ ದೇಶವನ್ನು ನಿರ್ಗತಿಕ ಹಾದಿಗೆ ಕೊಂಡೊಯ್ಯುತ್ತಿವೆ ಎಂದಿರುವ ಅವರು ತಮ್ಮ ಹಿಂದಿನ ಘಟನೆಯನ್ನು ಮೆಲಕು ಹಾಕಿದ್ದಾರೆ. ಕೃಷ್ಣ ಜಿಲ್ಲೆಯ ಒಂದು ಸಣ್ಣ ಹಳ್ಳಿಯವರಾಗಿರುವ ರಂಗಾ ರಾವ್, ತಮ್ಮ ಇಂಟರ್ನ್ಶಿಪ್ ದಿನಗಳಲ್ಲಿ ವೈದ್ಯರನ್ನು ಭೇಟಿಯಾಗಿ ನಕ್ಸಲರನ್ನು ಸೇರಲು ಕೇಳಿಕೊಂಡಿದ್ದರಂತೆ. ಆದರೆ, ತಮ್ಮ ನಿರ್ಧಾರ ತಪ್ಪು ಎಂಬುದು ವೈದ್ಯರ ಹೇಳಿದ ಮಾತಿನಿಂದಲೇ ಗೊತ್ತಾಗಿತ್ತಂತೆ.
