ಪ್ರಸ್ತುತ ನಡೆಯುತ್ತಿರುವ ಮಹಾಕುಂಭ ಮೇಳದಲ್ಲಿ ಜನರ ಆಕರ್ಷಣಾ ಕೇಂದ್ರವಾಗಿರುವ ಐಐಟಿ ಬಾಬಾ, ಕಳೆದ ಹಲವು ದಿನಗಳಿಂದ ಜಾಲತಾಣಗಳಲ್ಲಿ ಸಿಕ್ಕಾಪಟ್ಟೆ ವೈರಲ್ ಆಗಿದ್ದಾರೆ. ಅಪಾರ ಜ್ಞಾನ, ವಿದ್ಯೆಯಲ್ಲಿ ಪಂಡಿತರಾಗಿರುವ ಅಭಯ್ ಸಿಂಗ್ (ಐಐಟಿ ಬಾಬಾ), ಹೆಚ್ಚಿನ ಸಂಬಳದ ಉದ್ಯೋಗವನ್ನೆಲ್ಲ ಬಿಟ್ಟು, ಇದೀಗ ಆಧ್ಯಾತ್ಮದತ್ತ ಮುಖ ಮಾಡಿದ್ದಾರೆ. ಸದ್ಯ ಇದೇ ಈಗ ಹೆತ್ತವರ ಕಣ್ಣೀರಿಗೆ ಕಾರಣವಾಗಿದೆ. ಮಹಾಕುಂಭ ಮೇಳದಲ್ಲಿ ಭಕ್ತಾಧಿಗಳ ಗಮನ ಸೆಳೆಯುತ್ತಿರುವ ಬಾಬಾ, ತನ್ನ ಬಳಿ ಬರುವ ಜನರಿಗೆ ಹಲವು ಉಪಯುಕ್ತ ವಿಷಯಗಳನ್ನು ತಿಳಿಸುತ್ತ ಆಚರಣೆಯ ಭಾಗವಾಗಿದ್ದಾರೆ. ಪುತ್ರನ ಅನುಪಸ್ಥಿತಿಯಿಂದ ಕಂಗಾಲಾದ ಅಭಯ್ ತಂದೆ, ನಿಮ್ಮ ತಾಯಿಯನ್ನು ನೋಡಿಕೊಳ್ಳಬೇಕು. ಮನೆಯ ಜವಾಬ್ದಾರಿ ನಿನ್ನ ಮೇಲಿದೆ. ದಯವಿಟ್ಟು ಮನೆಗೆ ಹಿಂತಿರುಗಿ ಬಾ ಎಂದು ಮನವಿ ಮಾಡಿಕೊಂಡಿದ್ದಾರೆ.
