ಬೆಂಗಳೂರು: ಡಾ. ವಿಜಯ ಸಂಕೇಶ್ವರ ಜೀವನಾಧಾರಿತ ‘ವಿಜಯಾನಂದ’ ಚಿತ್ರದ ಬಿಡುಗಡೆ ದಿನಾಂಕ ಹತ್ತಿರವಾದಂತೆ, ಜನರ ಕುತೂಹಲ, ನಿರೀಕ್ಷೆಗಳೂ ಇಮ್ಮಡಿಯಾಗಿವೆ. ಕನ್ನಡಿಗರೇ ನಿರ್ವಿುಸಿರುವ ಕನ್ನಡದ ಸಾಧಕನ ಕುರಿತ ಮಟ್ಟ ಮೊದಲ ಪ್ಯಾನ್ ಇಂಡಿಯಾ ಬಯೋಪಿಕ್ ಕಣ್ತುಂಬಿಕೊಳ್ಳಲು ದೇಶಾದ್ಯಂತ ಕಾತರತೆ ಹೆಚ್ಚಿದೆ. ಚಿತ್ರದಲ್ಲಿ ಅನಂತ್ ನಾಗ್, ರವಿಚಂದ್ರನ್, ವಿನಯಾ ಪ್ರಸಾದ್ ಅವರಂತಹ ದಿಗ್ಗಜರು, ನಿಹಾಲ್, ಭರತ್ ಬೋಪಣ್ಣ, ಸಿರಿ ಪ್ರಹ್ಲಾದ್, ಅರ್ಚನಾ ಕೊಟ್ಟಿಗೆ ಅವರಂತಹ ಯುವ ಕಲಾವಿದರು ನಟಿಸಿದ್ದಾರೆ. ಡಾ. ವಿಜಯ ಸಂಕೇಶ್ವರ ತಂದೆ ಬಿ.ಜಿ. ಸಂಕೇಶ್ವರ ಅವರ ಪಾತ್ರದಲ್ಲಿ ಅನಂತ್ ನಾಗ್ ಹಾಗೂ ಅವರ ತಾಯಿ ಚಂದ್ರಮ್ಮನವರ ಪಾತ್ರದಲ್ಲಿ ವಿನಯಾ ಪ್ರಸಾದ್ ಅಭಿನಯಿಸಿದ್ದಾರೆ. ವಿಜಯವಾಣಿ ಜತೆ ತಮ್ಮ ಪಾತ್ರದ ಬಗ್ಗೆ ಮಾತನಾಡಿದ ವಿನಯಾ ಪ್ರಸಾದ್, ‘32 ವರ್ಷಗಳ ಸಿನಿಮಾ ಜೀವನದಲ್ಲಿ ಹಲವಾರು ಚಿತ್ರಗಳಲ್ಲಿ, ಬೇರೆ ಬೇರೆ ಭಾಷೆಗಳಲ್ಲಿ ನಟಿಸಿದ್ದೇನೆ. ಆದರೆ, ಇದುವರೆಗೆ ನನಗೆ ಅತ್ಯಂತ ಖುಷಿ ನೀಡಿದ, ಗೌರವ ತಂದ ಪಾತ್ರ ಮತ್ತು ಸಿನಿಮಾ ಇದು. ಡಾ. ವಿಜಯ ಸಂಕೇಶ್ವರ ಸರ್ ಮತ್ತು ಡಾ. ಆನಂದ ಸಂಕೇಶ್ವರ ಅವರಿಗೆ ಹ್ಯಾಟ್ಸ್ ಆಫ್. ನಾನು ಚಂದ್ರಮ್ಮನವರ ಪಾತ್ರದಲ್ಲಿ ನಟಿಸಿದ್ದೇನೆ. ಇದು ನನ್ನ ಕರಿಯರ್ನ ಮೊದಲ ವಾಸ್ತವದ ಪಾತ್ರ. ಅವರ ಕಿರಿಯ ವಯಸ್ಸಿನ ಪಾತ್ರದಲ್ಲಿ ನನ್ನ ಮಗಳು ಪ್ರಥಮಾ ಪ್ರಸಾದ್ ನಟಿಸಿದ್ದಾಳೆ. ಅವರು 30 ವಯಸ್ಸಿನಿಂದ 70 ವಯಸ್ಸಿನವರೆಗಿನ ಜರ್ನಿ ನನ್ನ ಪಾತ್ರದ ಮೂಲಕ ಹೇಳಿದ್ದೇವೆ. ಬೇರೆ ಬೇರೆ ವಯಸ್ಸಿನಲ್ಲಿ ಬೇರೆ ಬೇರೆ ವೇಷಭೂಷಣದ ಜತೆಗೆ ಅಭಿನಯವೂ ಬದಲಾಗಬೇಕು. ಅವರು ತಲೆ ಮೇಲೆ ಸೆರಗು ಹಾಕಿಕೊಳ್ಳುವುದು, ರೊಟ್ಟಿ ತಟ್ಟುತ್ತಿದ್ದ ರೀತಿ, ಊಟ ಮಾಡುವುದು, ಮಾತನಾಡುವುದು, ಅವರ ಹಾವ ಭಾವ, ಆಗ ಮೇಕಪ್ ಇರಲಿಲ್ಲ. ಕಣ್ಕಪು್ಪ ಹಾಕಿಕೊಳ್ಳುತ್ತಿದ್ದರು. ಹಬ್ಬದ ದಿನಗಳಲ್ಲಿ ಕೆನ್ನೆಗೆ ಅರಿಶಿಣ ಹಚ್ಚಿಕೊಳ್ಳುತ್ತಿದ್ದರು. ಹಣೆಗೆ ಕುಂಕುಮ ಇಟ್ಟುಕೊಳ್ಳುತ್ತಿದ್ದರು. ಹೀಗೆ ಪ್ರತಿಯೊಂದು ವಿಷಯದಲ್ಲು ಅವರ ನಿಜ ಜೀವನಕ್ಕೆ ಹತ್ತಿರವಿರುವಂತೆ ಚಿತ್ರೀಕರಿಸಿದ್ದೇವೆ. ಆ ಜರ್ನಿಯನ್ನು ನಾನು ಬಹಳ ಎಂಜಾಯ್ ಮಾಡಿದ್ದೇನೆ’ ಎನ್ನುತ್ತಾರೆ.
