ಇದರ ಜತೆಗೆ, ಐಸಿಯು ಬೆಡ್ಗಳ ಕೊರತೆ, ಚಿಕಿತ್ಸೆಗೆ ಆಕ್ಸಿಜನ್ ಸಮಸ್ಯೆ ಮುಂತಾದವು ಸಹ ಬಾಧಿಸುತ್ತಿವೆ. ಇದರಿಂದಾಗಿ ಸೋಂಕಿತರು ಮತ್ತು ಕುಟುಂಬಿಕರು ತೊಂದರೆ ಎದುರಿಸಬೇಕಾಗಿದೆ. ಜನರಿಗೆ ಸರಿಯಾದ ಮಾಹಿತಿ ನೀಡುವ ವ್ಯವಸ್ಥೆ ಕೂಡ ಆಗಬೇಕಿದೆ. ಈ ನಡುವೆ, ಕೆಲವರು ಈ ಸನ್ನಿವೇಶವನ್ನೇ ದುರುಪಯೋಗ ಪಡಿಸಿಕೊಂಡು ಹಣಮಾಡುವ ಕೃತ್ಯಕ್ಕೆ ಮುಂದಾಗಿರುವುದು ಅಮಾನವೀಯ, ಅಕ್ಷಮ್ಯ. ಕರೊನಾ ಸೋಂಕಿತರ ಚಿಕಿತ್ಸೆಯಲ್ಲಿ ರೆಮ್ೆಸಿವಿರ್ ಔಷಧ ಮಹತ್ವದ ಪಾತ್ರ ವಹಿಸುತ್ತದೆ. ಇದರ ಬೆಲೆ ಕೂಡ ಹೆಚ್ಚು. ಕೆಲವು ಕಡೆಗಳಲ್ಲಿ ಈ ಔಷಧ ಸೂಕ್ತ ಪ್ರಮಾಣದಲ್ಲಿ ದೊರೆಯುತ್ತಿಲ್ಲ. ಈ ಪರಿಸ್ಥಿತಿಯನ್ನು ಕೆಲವರು ಲಾಭಕ್ಕೆ ಬಳಸಿಕೊಳ್ಳುತ್ತಿರುವುದು ದುರಂತವೇ ಸರಿ.
