ಗುರುವಾರ ವಿಜಯವಾಣಿ ಆಯೋಜಿಸಿದ್ದ ಫೋನ್ ಇನ್ ಮತ್ತು ಸಂವಾದ ಕಾರ್ಯಕ್ರಮದಲ್ಲಿ ಕಾರ್ವಿುಕ ಸಚಿವ ಶಿವರಾಮ ಹೆಬ್ಬಾರ್ ಪಾಲ್ಗೊಂಡು, ಶ್ರಮಿಕವರ್ಗದಲ್ಲಿ ವಿಶ್ವಾಸ ತುಂಬಿದ್ದಾರೆ, ಅವರಿಗಾಗಿ ಇರುವ ಸೌಲಭ್ಯಗಳನ್ನು ಪರಿಣಾಮಕಾರಿಯಾಗಿ ತಲುಪಿಸಲಾಗುವುದು ಎಂದು ಆಶ್ವಾಸನೆ ನೀಡಿದ್ದಾರೆ. ಅಲ್ಲದೆ, ಅಸಂಘಟಿತ ಕಾರ್ವಿುಕರಿಗಾಗಿ ಐದು ಹೊಸ ಮಂಡಳಿ ಸ್ಥಾಪಿಸಲು ಮುಂದಾಗಿದ್ದಾರೆ. ‘ಗಾರ್ವೆಂಟ್ ನೌಕರರು, ಕೃಷಿ ಕಾರ್ವಿುಕರು, ಚಾಲಕರು ಹಾಗೂ ಹೊರಗುತ್ತಿಗೆ ನೌಕರರ ಕಲ್ಯಾಣಕ್ಕಾಗಿ ಮಂಡಳಿ ಸ್ಥಾಪಿಸುವುದಕ್ಕೆ ಪ್ರಸ್ತಾವನೆ ಸಿದ್ಧವಾಗಿದೆ. ಮನೆಗೆಲಸದವರ ಕಲ್ಯಾಣ ಮಂಡಳಿ ಸ್ಥಾಪನೆ ವಿಚಾರ ಪರಿಶೀಲನೆಯಲ್ಲಿದೆ’ ಎಂದು ಸಚಿವರು ತಿಳಿಸಿದ್ದು, ಕಾರ್ವಿುಕ ಇಲಾಖೆಯಡಿಯಲ್ಲೇ ನಿಗಮವೊಂದನ್ನು ಸ್ಥಾಪಿಸಿ, ಅಸಂಘಟಿತ ಕಾರ್ವಿುಕರ ಹಿತಕ್ಕಾಗಿ ಪ್ರತ್ಯೇಕ ನಿಧಿ ತೆರೆಯುವ ಚಿಂತನೆಯೂ ಇದೆ. ಈ ಬಗ್ಗೆ ಮುಖ್ಯಮಂತ್ರಿಗಳೊಡನೆ ಚರ್ಚೆ ನಡೆಸುವ ಮಾತನ್ನೂ ಕಾರ್ವಿುಕ ಸಚಿವರು ಆಡಿದ್ದಾರೆ.
