ಈ ಪ್ರೇಮ ಕಥೆಯ ಜತೆಗೆ ಪಾಲಕರ ವ್ಯಕ್ತಿತ್ವದ ಬದಲಾವಣೆ ಇದೆ. ಅದೆಷ್ಟೇ ಪ್ರೇಮ ಕಥೆಗಳ ಸಿನಿಮಾ ಬಂದರೂ ಏನಾದರೊಂದು ಮ್ಯಾಜಿಕ್ ಇದ್ದರೆ ಆ ಸಿನಿಮಾ ಗೆದ್ದುಬಿಡುತ್ತದೆ. ಈ ಸಿನಿಮಾದಲ್ಲಿ ವಿಜಯ್ ದೇವರಕೊಂಡ ಮತ್ತು ಸಮಂತಾ ನಡುವಿನ ಕೆಮಿಸ್ಟ್ರಿ ಹೈಲೈಟ್. ಸುದೀರ್ಘ ಎನಿಸುವ ಸಿನಿಮಾ ವಿಜಯ್, ಸಮಂತಾ ಅಭಿನಯ, ವೆನ್ನೆಲ ಕಿಶೋರ್ ಹಾಗೂ ಅಲಿ ಹಾಸ್ಯದಿಂದ ನೋಡಿಸಿಕೊಳ್ಳುತ್ತದೆ. ಸಚಿನ್, ಮುರಳಿ, ರೋಹಿಣಿ, ಲಕ್ಷ್ಮೀ ಎಲ್ಲರೂ ತಮ್ಮ ಪಾತ್ರಗಳಿಗೆ ಜೀವ ನೀಡಿದ್ದಾರೆ. ಸಮಂತಾ ಮುಖದಲ್ಲಿ ಮುಂಚೆ ಇದ್ದ ಮುಗ್ಧತೆ, ಹೊಳಪು ಮರೆಯಾದಂತೆ ಕಾಣುತ್ತದೆ. ಕೆಲವು ಸನ್ನಿವೇಶಗಳಲ್ಲಿ ಕತ್ತರಿ ಹಾಕಬಹುದಿತ್ತು. ಪ್ರೇಮ ಕಥೆಯನ್ನು ಇಚ್ಛಿಸುವವರು ನೋಡಬಹುದಾದ ಸಿನಿಮಾ.
