ಈ ಕಾರಣಕ್ಕೆ 6 ತಿಂಗಳು ಕನ್ನಡಿ ನೋಡಿರಲಿಲ್ಲ; ವಿದ್ಯಾ ಬಾಲನ್​ ಬಿಚ್ಚಿಟ್ಟ ರಹಸ್ಯ | Vidya Balan

ಮುಂಬೈ: ಬಾಲಿವುಡ್​ ನಟಿ ವಿದ್ಯಾ ಬಾಲನ್(Vidya Balan) 'ಭೂಲ್ ಭುಲೈಯಾ 3' ಸಿನಿಮಾದ ಪ್ರಚಾರದಲ್ಲಿ ಬಿಜಿ ಇದ್ದಾರೆ. ಬಿರುಸಿನ ಪ್ರಚಾರದ ನಡುವೆ ಇತ್ತೀಚೆಗೆ ವಿದ್ಯಾ ಬಾಲನ್​​​ ತಮ್ಮ ವೃತ್ತಿಜೀವನದ ಆರಂಭದ ನೋವಿನ ಸಂಗತಿಗಳನ್ನು ಬಹಿರಂಗಪಡಿಸಿದ್ದಾರೆ. ತಮಿಳು ಚಿತ್ರವೊಂದರಲ್ಲಿ ತನ್ನನ್ನು ಬದಲಿಸಿದಾಗ ಆ ನಿರ್ಮಾಪಕರಿಂದ ಅವಹೇಳನಕಾರಿ ಕಾಮೆಂಟ್‌ಗಳನ್ನು ಕೇಳಬೇಕಾಯಿತು. ಆತನ ಮಾತು ನನ್ನ ಇಮೇಜ್ ಕೆಟ್ಟದಾಗಿ ಹಾನಿಗೊಳಗಾಗಲು ಕಾರಣವಾಯಿತು ಎಂದ ಹೇಳಿದ್ದಾರೆ.

ಇದನ್ನು ಓದಿ: ನನ್ನ ಬಳಿ ಕಾರಿಲ್ಲ; ಲಿಫ್ಟ್​​ ಕೇಳಿದ್ದ ರತನ್​ ಟಾಟಾರನ್ನು ನೆನೆದ ಬಿಗ್​ ಬಿ Amitabh Bachchan

ಇತ್ತೀಚಿನ ಸಂದರ್ಶನವೊಂದರಲ್ಲಿ ನಟಿ ವಿದ್ಯಾ ಬಾಲನ್​​​, ತಮ್ಮ ವೃತ್ತಿಜೀವನದ ಆರಂಭಿಕ ದಿನಗಳಲ್ಲಿ ತಮಿಳು ಸಿನಿಮಾದಲ್ಲಿ ಮಾಡಿದ್ದ ಎರಡು ದಿನಗಳ ಶೂಟಿಂಗ್​​ ನಂತರ ನನ್ನನ್ನು ಬದಲಾಯಿಸಲಾಯಿತು. ನಿರ್ಮಾಪಕರನ್ನು ಅವರ ಕಚೇರಿಯಲ್ಲಿ ಭೇಟಿಯಾದಾಗ ನನ್ನ ನಟನೆ ಮತ್ತು ನೃತ್ಯ ಕೌಶಲ್ಯದ ಬಗ್ಗೆ ಕೆಟ್ಟ ಕಾಮೆಂಟ್‌ಗಳು ಕೇಳಿಬಂದವು ಎಂದು ಹೇಳಿದರು.

ನಾನು ತಮಿಳು ಸಿನಿಮಾ ಮಾಡಿದ್ದೆ. ನಾನು ಅದಕ್ಕಾಗಿ ಎರಡು ದಿನಗಳ ಕಾಲ ಶೂಟ್ ಮಾಡಿದ್ದೇನೆ. ನಂತರ ನನ್ನನ್ನು ಬದಲಾಯಿಸಲಾಯಿತು. ಅವರನ್ನು ಮಾತನಾಡಲು ನನ್ನ ಹೆತ್ತವರೊಂದಿಗೆ ಚೆನ್ನೈನಲ್ಲಿರುವ ನಿರ್ಮಾಪಕರ ಕಚೇರಿಗೆ ಹೋಗಿದ್ದೆ. ಅವರು ಚಿತ್ರದ ಕೆಲವು ತುಣುಕುಗಳನ್ನು ನಮಗೆ ತೋರಿಸಿದರು. ಬಳಿಕ ನನ್ನ ಪಾಲಕರಿಗೆ ನೋಡಿ, ಯಾವುದೇ ಕೋನದಿಂದ ಅವರು ನಾಯಕಿಯಂತೆ ಕಾಣುತ್ತಾರೆಯೇ ಎಂದು ಕೇಳಿದರು. ಆಕೆಗೆ ನಟನೆ, ಡ್ಯಾನ್ಸ್ ಗೊತ್ತಿಲ್ಲ ಎಂದು ಹೇಳಿದರು. ನಾನು ಚಿತ್ರಕ್ಕಾಗಿ ಅಷ್ಟೇನೂ ಶೂಟ್ ಮಾಡಿಲ್ಲ, ಮೊದಲು ನನಗೆ ನಟಿಸಲು ಮತ್ತು ನೃತ್ಯ ಮಾಡಲು ಅವಕಾಶ ಮಾಡಿಕೊಡಿ ಎಂದು ನಾನು ಯೋಚಿಸುತ್ತಿದ್ದೆ ಎಂದು ಹೇಳಿದರು.

ಈ ಘಟನೆಯ ನಂತರ ನಾನು ಆರು ತಿಂಗಳು ಕನ್ನಡಿಯಲ್ಲಿ ನನ್ನನ್ನು ನೋಡಿಕೊಂಡಿರಲಿಲ್ಲ. ಏಕೆಂದರೆ ನಾನು ಕೊಳಕು ಎಂದು ಭಾವಿಸಿದ್ದೆ. ಆದ್ದರಿಂದಲೇ ಯಾರನ್ನಾದರೂ ತಿರಸ್ಕರಿಸಲು ಬಯಸಿದರೆ ನೀವು ತಿರಸ್ಕರಿಸಿ,ಆದರೆ ಆಡುವ ಮಾತುಗಳ ಮೇಲೆ ಗಮನ ಇರಲಿ. ಉಪಯೋಗಿಸುವ ಪದಗಳಿಗೆ ಇತರರಿಗೆ ಹಾನಿಯುಂಟು ಮಾಡುವ ಶಕ್ತಿಯನ್ನು ಹೊಂದಿವೆ. ಆ ನಿರ್ಮಾಪಕ ಹೇಳಿದ ಮಾತುಗಳನ್ನು ನಾನು ಎಂದಿಗೂ ಮರೆಯುವುದಿಲ್ಲ. ಜನರಿಗೆ ದಯೆ ತೋರುವುದು ಜೀವನದ ಆರಂಭಿಕ ಪಾಠವಾಗಿದೆ. ಆತನ ಮಾತು ಆರು ತಿಂಗಳ ಕಾಲ ನನ್ನ ಸ್ವಯಂ ಇಮೇಜ್​ ಅನ್ನು ನಾಶಮಾಡಿತ್ತು ಎಂದು ತಿಳಿಸಿದರು.  ಭೂಲ್ ಭುಲೈಯಾ 3 ಸಿನಿಮಾದಲ್ಲಿ ವಿದ್ಯಾಬಾಲನ್​ ಮತ್ತು ಮಾಧುರಿ ದೀಕ್ಷಿತ್, ಕಾರ್ತಿಕ್ ಆರ್ಯನ್ ಕೂಡ ಪ್ರಮುಖ ಪಾತ್ರಗಳಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಈ ದೀಪಾವಳಿಗೆ ಬಿಡುಗಡೆ ಮಾಡಲು ಚಿತ್ರತಂಡ ತಯಾರಿ ನಡೆಸುತ್ತಿದೆ. (ಏಜೆನ್ಸೀಸ್​)

https://www.vijayavani.net/minister-ishwar-khandre-instructs-to-file-a-case-against-those-who-have-illegally-cut-down-trees-for-toxic-shooting