₹ 200 ಕೊಟ್ಟು ಖರೀದಿಸಿದ ಬ್ರೆಡ್​ ಪಕೋಡಾದಲ್ಲಿ ಜಿರಳೆ; ಪ್ರಯಾಣಿಕರು ಮಾಡಿರುವ Video Viral

ಜೈಪುರ: ರಾಜಸ್ಥಾನದ ರಾಜಧಾನಿ ಜೈಪುರದಲ್ಲಿರುವ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದಲ್ಲಿ ಸೆರೆಹಿಡಿದಿರುವ ವಿಡಿಯೋವೊಂದು ಸದ್ಯ ಸಾಮಾಜಿಕ ಜಾಲತಾಣದಲ್ಲಿ ವೈರಲ್​ ಆಗುತ್ತಿದ್ದು(Video Viral) ಚರ್ಚೆಗೆ ಗ್ರಾಸವಾಗಿದೆ. ವಿಡಿಯೋದಲ್ಲಿ ವ್ಯಕ್ತಿಯು ವಿಮಾನ ನಿಲ್ದಾಣದ ಒಳಗೆ ಇರುವ ಕೆಫೆಯನ್ನು ತೋರಿಸುತ್ತಾ, ಇಲ್ಲಿಂದ ಖರೀದಿಸಿದ 200 ರೂಪಾಯಿ ಮೌಲ್ಯದ ಒಂದೇ ಒಂದು ಬ್ರೆಡ್ ಪಕೋಡದಲ್ಲಿ ಜಿರಳೆ ಇದೆ ಎಂದು ಹೇಳಿದ್ದಾರೆ.

ಇದನ್ನು ಓದಿ: ಮಂಗನ ಮೇಲೆ ಮೊಸಳೆ ದಾಳಿ; ಮುಂದೇನಾಯ್ತು ನೀವೇ ನೋಡಿ | Viral Video

ವೈರಲ್​ ವಿಡಿಯೋದಲ್ಲಿ ನಾನು ಈ ಬ್ರೆಡ್​​ ಪಕೋಡವನ್ನು ಖರೀದಿಸಿದ್ದೇನೆ. ಅದರಲ್ಲಿ ಒಂದು ಬೈಟ್​​ ತಿಂದಿದ್ದೇನೆ. ಆದರೆ ಅದರೊಳಗೆ ಈ ಹುಳು ಕಂಡುಬಂದಿದೆ ಎಂದು ಹೇಳುತ್ತಾರೆ. ಇದರಿಂದಾಗಿ ನನಗೆ ವಾಕರಿಕೆ ಉಂಟಾಗುತ್ತಿದೆ. ಇದು ಕೆಫೆ (ಕೆಫೆ ​​2.0), ಈ ಕೀಟವನ್ನು ನೋಡಿ.. ಮತ್ತಷ್ಟು ಪ್ರಯಾಣಿಕರು ನಿಮ್ಮ ಆರೋಗ್ಯವನ್ನು ಕಾಪಾಡಿಕೊಳ್ಳಿ ಎಂದು ಹೇಳುತ್ತಾರೆ. 24 ಸೆಕೆಂಡ್​ ಇರುವ ಈ ಕ್ಲಿಪ್​ನಲ್ಲಿ ಬ್ರೆಡ್​ ಪಕೋಡಾದಲ್ಲಿ ಜಿರಲೆ ಇರುವುದನ್ನು ನೋಡಬಹುದು.

ವ್ಯಕ್ತಿಯ ಹೆಸರು ಡಿಪಿ ಗುರ್ಜರ್ ಎಂದು ಹೇಳಲಾಗಿದೆ. ಈ ಘಟನೆ ಬಗ್ಗೆ ಆತ ಸ್ಥಳೀಯ ಅಧಿಕಾರಿಗಳಿಗೆ ದೂರು ನೀಡಿದ್ದಾರೆ. ಅವರ ಈ ವಿಡಿಯೋ ವಿಮಾನ ನಿಲ್ದಾಣದಲ್ಲಿ ಲಭ್ಯವಿರುವ ಆಹಾರದ ನೈರ್ಮಲ್ಯದ ಬಗ್ಗೆ ಪ್ರಶ್ನೆಗಳನ್ನು ಹುಟ್ಟುಹಾಕಿದೆ. ಆ ವ್ಯಕ್ತಿಯ ಪೋಸ್ಟ್​ಗೆ ಪ್ರತಿಕ್ರಿಯಿಸಿರುವ ಜೈಪುರ ವಿಮಾನ ನಿಲ್ದಾಣವು, ಆತ್ಮೀಯ ಶ್ರೀ ಗುರ್ಜರ್, ನಮಗೆ ಪತ್ರ ಬರೆದಿದ್ದಕ್ಕಾಗಿ ಧನ್ಯವಾದಗಳು. ನಿಮ್ಮ ಸಂಪರ್ಕ ಸಂಖ್ಯೆಯನ್ನು ಬಿಲ್ ರಶೀದಿಯೊಂದಿಗೆ ನೇರ ಸಂದೇಶದ ಮೂಲಕ ಹಂಚಿಕೊಳ್ಳಲು ನಾವು ವಿನಂತಿಸುತ್ತೇವೆ. ಇದರಿಂದ ಸಂಬಂಧಪಟ್ಟ ತಂಡವು ನಿಮ್ಮೊಂದಿಗೆ ಸಂಪರ್ಕ ಸಾಧಿಸಬಹುದು ಎಂದು ಪ್ರತಿಕ್ರಿಯಿಸಿದೆ.(ಏಜೆನ್ಸೀಸ್​​)

https://www.vijayavani.net/viral-post-battle-tank-being-used-as-vegitable-stand-in-damascus-syria-photo-goes-viral