ಆದರೆ, ಈ ದೇಶದ ಅತ್ಯಂತ ಹಳೆಯ ರಾಜಕೀಯ ಪಕ್ಷ ಕಾಂಗ್ರೆಸ್ ಸಾವರ್ಕರ್ರನ್ನು ದ್ವೇಷಿಸಲು ಯಾವುದೇ ಕಾರಣ ಇರಲಿಲ್ಲ. ಸ್ವಾತಂತ್ರ್ಯ ಹೋರಾಟದ ಚರಿತ್ರೆಯಲ್ಲಿ ಸಾರ್ವಕರ್ ಹೆಸರು ಮುನ್ನಲೆಗೆ ಬರದಂತೆ ಕಾಂಗ್ರೆಸ್ ನೋಡಿಕೊಂಡಿತು. ಸಾವರ್ಕರ್ ಅವರನ್ನು ಕಾಂಗ್ರೆಸ್ ಮತ್ತು ಆ ಪಕ್ಷದ ನಾಯಕರು ಪದೇಪದೆ ಅವಮಾನಿಸುವ ಮೂಲಕ ಈ ದೇಶದ ಕ್ರಾಂತಿಕಾರಿ ಸ್ವಾತಂತ್ರ್ಯ ಆಂದೋಲನವನ್ನು, ಧೀರೋದಾತ್ತ ಹೋರಾಟವನ್ನು, ಸಾವರ್ಕರ್ ಹಾದಿಯಲ್ಲಿ ಸಾಗಿದ ಲಕ್ಷೋಪಲಕ್ಷ ದೇಶಭಕ್ತರನ್ನು ಅವಮಾನಿಸಿಕೊಂಡು ಬಂತು. ಇದು ದೇಶದ ದೊಡ್ಡ ದೌರ್ಭಾಗ್ಯ. ಕಾಂಗ್ರೆಸ್ನಲ್ಲಿ ಸಾವರ್ಕರ್ ಬಗ್ಗೆ ಅವಹಳೇನಕಾರಿ ಮಾತುಗಳನ್ನು ಆಡಿದ್ದರಲ್ಲಿ ರಾಹುಲ್ ಗಾಂಧಿ ಮೊದಲಿಗರೇನಲ್ಲ. ಇದಕ್ಕೂ ಮೊದಲು ಮಾಜಿ ಕೇಂದ್ರ ಸಚಿವ, ಕಾಂಗ್ರೆಸ್ ಹಿರಿಯ ನಾಯಕ ಮಣಿಶಂಕರ್ ಅಯ್ಯರ್, ಪಿ.ಚಿದಂಬರಂ ಸೇರಿದಂತೆ ಹಲವರು ಸಾವರ್ಕರ್ ಹೋರಾಟವನ್ನು ಅವಮಾನಿಸುತ್ತಲೇ ಬಂದಿದ್ದಾರೆ. ಆದರೆ, ಈ ಬಾರಿ ದೇಶದ ಸವೋಚ್ಚ ನ್ಯಾಯಾಲಯವೇ ’ಸ್ವಾತಂತ್ರ್ಯ ಹೋರಾಟಗಾರರ ಬಗ್ಗೆ ಅವಹೇಳನಕಾರಿ ಮಾತುಗಳನ್ನು ಸಹಿಸುವುದಿಲ್ಲ’ ಎಂದು ಖಡಕ್ ಆಗಿ ಹೇಳಿದೆ.
