ಬಾಕ್ಸ್​ಆಫೀಸ್​ನಲ್ಲಿ ಕಾಂತಾರ V/S ಸನ್ನಿ ಸಂಸ್ಕಾರಿ ಕಿ ತುಳಸಿ ಕುಮಾರಿ ಪೈಪೋಟಿ! ನೆಟ್ಟಿಗರು ಏನಂದ್ರು ಗೊತ್ತಾ? Kantara

Kantara : ಈಗಾಗಲೇ ಕಾಂತಾರ ಚಾಪ್ಟರ್​ 2 ಬಿಡುಗಡೆಯಾಗಿ ದೇಶಾದ್ಯಂತ ಸಂಚಲನ ಮೂಡಿಸಿದ್ದು, ನಿಮಗೆಲ್ಲರಿಗೂ ಗೊತ್ತೇ ಇದೆ. ಇದೀಗ ಅಧ್ಯಾಯ 1 ತೆರೆಗೆ ಅಪ್ಪಳಿಸಲು ಸಜ್ಜಾಗಿದೆ. ಇದೇ ವರ್ಷ ಅಕ್ಟೋಬರ್​ 2 ರಂದು ದೇಶಾದ್ಯಂತ ಬೆಳ್ಳಿತೆರೆಯ ಮೇಲೆ ರಿಷಭ್​ ಶೆಟ್ಟಿ ನಿರ್ದೇಶಿಸಿ, ನಟಿಸಿರುವ ಕಾಂತಾರ ಚಾಪ್ಟರ್​ 1 ಸಿನಿ ಪ್ರೇಕ್ಷಕರನ್ನು ರಂಜಿಸಲಿದೆ.

ಇದನ್ನೂ ಓದಿ:  ಮದುವೆ ದಿನವೇ ಆಯಾಸ, ತಲೆಸುತ್ತು! ಮೊದಲ ರಾತ್ರಿಯೇ ಪತ್ನಿಗೆ ಗರ್ಭಧಾರಣೆ ಕಿಟ್​ ಬಳಸು ಎಂದ ಪತಿ.. Pregnancy Test Kit

ಇದು ಕನ್ನಡ ಸಿನಿಮಾ ಆದರೆ, ಹಿಂದಿ ಸೇರಿದಂತೆ ಬೇರೆ ಭಾಷೆಗಳಿಗೆ ಸಿನಿಮಾ ಡಬ್​ ಆಗುವುದರಿಂದ ಬ್ಲಾಕ್​ಬಸ್ಟರ್​ ಆಗಿ ಪರಿವರ್ತನೆಯಾಗುವುದು ಖಚಿತ ಎಂದು ಅಭಿಮಾನಿಗಳು ಅನಿಸಿಕೆ ವ್ಯಕ್ತಪಡಿಸುತ್ತಿದ್ದಾರೆ. ಇದೇ ವೇಳೆಗೆ ವರುಣ್ ಧವನ್​ ಹಾಗೂ ಜಾಹ್ನವಿ ಕಪೂರ್​ ಅಭಿನಯಿಸಿದ ಸನ್ನಿ ಸಂಸ್ಕಾರಿ ಕಿ ತುಳಸಿ ಕುಮಾರಿ ಚಿತ್ರವು ಕೂಡ ಅವತ್ತೆ ಬಿಡುಗಡೆಯಾಗುವುದರಿಂದ ಕಾಂತಾರ ಚಿತ್ರಕ್ಕೂ ಈ ಸಿನಿಮಾ ನಡುವೆ ಪೈಪೋಟಿ ನಡೆಯಲಿದೆ ಎಂದು ಸುದ್ದಿಯಾಗುತ್ತಿದೆ.

ಇನ್ನು ಚಿತ್ರತಂಡ ವರುಣ್ ಧವನ್​ ಹಾಗೂ ಜಾಹ್ನವಿ ಕಪೂರ್​ ಇರುವ ಪೋಸ್ಟರ್​ ಬಿಡುಗಡೆ ಮಾಡಿದ್ದು, ಅಕ್ಟೋಬರ್ 2ರಂದು ಚಿತ್ರ ಬಿಡುಗಡೆಯಾಗುತ್ತದೆ ಎಂದು ತಿಳಿಸಿದ್ದಾರೆ. ಇನ್ನು ಇವರ ಅಭಿಮಾನಿಗಳು ಸಿನಿಮಾ ನೋಡಲು ಉತ್ಸುಕರಾಗಿದ್ದು, ಸನ್ನಿ ಸಂಸ್ಕಾರಿ ಕಿ ತುಳಸಿ ಕುಮಾರಿ ಚಿತ್ರದಲ್ಲಿ ಯಾವುದೇ ಅಡತಡೆಯಾಗಬಾರದು ಎಂದು ನೆಟ್ಟಿಗರು ಪೋಸ್ಟ್​ಗೆ ಕಮೆಂಟ್​ ಮಾಡಿದ್ದಾರೆ.

ಸನ್ನಿ ಸಂಸ್ಕಾರಿ ಕಿ ತುಳಸಿ ಕುಮಾರಿ ಚಿತ್ರಕ್ಕೆ ನೆಟ್ಟಿಗರು ಪ್ರತಿಕ್ರಿಯಿಸಿದ್ದು, ಕಾಂತಾರ ಸಿನಿಮಾ ಅಂದೇ ಬಿಡುಗಡೆಯಾಗುತ್ತಿರುವುದರಿಂದ ಘರ್ಷಣೆಯಾಗುತ್ತದೆ. ಒಂದೇ ಸಿನಿಮಾ ಬಿಡುಗಡೆ ಮಾಡಿ ಎಂದು ಅಭಿಪ್ರಾಯ ತಿಳಿಸಿದ್ದಾರೆ. ಇನ್ನೊಬ್ಬ ಈ ಸಿನಿಮಾ ಕಾಂತಾರದೊಂದಿಗೆ ಪೈಪೋಟಿ ಬೀಳಲಿದೆ ಎಂದು ಅಭಿಪ್ರಾಯ ವ್ಯಕ್ತಪಡಿಸಿದ್ದಾನೆ. (ಏಜೆನ್ಸೀಸ್​)

https://www.vijayavani.net/when-it-rains-do-you-feel-like-lying-down-and-sleeping-warmly