ಪತ್ನಿ ಹೆಸರ ಜತೆ ನನ್ನ ಹೆಸರು ಬೇಡ..ನನಗೆ ಇಷ್ಟವಿಲ್ಲ ಎಂದ ವರಲಕ್ಷ್ಮಿ ಶರತ್ ಕುಮಾರ್ ಪತಿ! ಹೀಗೆ ಹೇಳಿದ್ಯಾಕೆ?

ಹೈದ್ರಾಬಾದ್​: ವರಲಕ್ಷ್ಮಿ ಶರತ್ ಕುಮಾರ್ ಇತ್ತೀಚೆಗೆ ಮುಂಬೈನ ನಿಕೋಲಾಯ್ ಸಚ್‌ದೇವ್ ಎಂಬ ಕಲಾವಿದರನ್ನು ಪ್ರೀತಿಸಿ ವಿವಾಹವಾದರು ಎಂದು ತಿಳಿದಿದೆ. ದಂಪತಿ ಥೈಲ್ಯಾಂಡ್‌ನ ಬೀಚ್ ಬಳಿ ಸರಳ ವಿವಾಹ ನಡೆದಿದ್ದು, ಚೆನ್ನೈನಲ್ಲಿ ಆರತಕ್ಷತೆಯನ್ನು ಮಾಡಲಾಯ್ತು. ಇದರಲ್ಲಿ ಎಲ್ಲಾ ಚಿತ್ರರಂಗದ ಅನೇಕ ಸೆಲೆಬ್ರಿಟಿಗಳು ಮತ್ತು ರಾಜಕೀಯ ವ್ಯಕ್ತಿಗಳು ಭಾಗವಹಿಸಿದ್ದರು.  

ನವವಿವಾಹಿತ ಜೋಡಿ ವರಲಕ್ಷ್ಮಿ ಶರತ್ ಕುಮಾರ್ - ನಿಕೊಲಾಯ್ ಸಚ್‌ದೇವ್ ತಮ್ಮ ಮದುವೆಯ ನಂತರ ಚೆನ್ನೈನಲ್ಲಿ ಮೊದಲ ಬಾರಿಗೆ ಮಾಧ್ಯಮ ಸಭೆ ನಡೆಸಿದರು. ಇದರಲ್ಲಿ ಹಿರಿಯ ನಟ ಹಾಗೂ ವರಲಕ್ಷ್ಮಿ ತಂದೆ ಶರತ್ ಕುಮಾರ್ ಕೂಡ ಭಾಗವಹಿಸಿದ್ದರು.  ಈ ಪತ್ರಿಕಾಗೋಷ್ಠಿಯಲ್ಲಿ ವರಲಕ್ಷ್ಮಿ ಅವರ ಪತಿ ನಿಕೊಲಾಯ್ ಸಚ್‌ದೇವ್ ಅವರು ಮೊದಲ ಬಾರಿಗೆ ಮಾಧ್ಯಮಗಳೊಂದಿಗೆ ಮಾತನಾಡಿ ಆಸಕ್ತಿದಾಯಕ ಕಾಮೆಂಟ್‌ಗಳನ್ನು ಮಾಡಿದ್ದಾರೆ.

ವರಲಕ್ಷ್ಮಿ ಅವರ ಪತಿ ನಿಕೊಲಾಯ್ ಸಚ್‌ದೇವ್ ಮಾತನಾಡಿ, ಮದುವೆಯ ನಂತರ ವರಲಕ್ಷ್ಮಿ ತನ್ನ ಹೆಸರನ್ನು ಬದಲಾಯಿಸಲು ಬಯಸಿದ್ದರು. ಶರತ್ ಕುಮಾರ್ ಹೆಸರನ್ನೇ ಇಟ್ಟುಕೊಂಡು ವರಲಕ್ಷ್ಮಿ ಶರತ್ ಕುಮಾರ್ ಸಚ್ ದೇವ್ ಎಂದು ಬದಲಾಯಿಸೋಣ ಎಂದುಕೊಂಡಳು. ಆದರೆ ನನಗೆ ಅದು ಇಷ್ಟವಿಲ್ಲ ಎಂದಿದ್ದಾರೆ.

ಅವರ ಹೆಸರು ವರಲಕ್ಷ್ಮಿ ಶರತ್ ಕುಮಾರ್ ಅಂತಲೇ ಇರಬೇಕು. ಬದಲಾಗಿ ನಾನೇ ಅವಳ ಹೆಸರನ್ನು ತೆಗೆದುಕೊಳ್ಳುತ್ತೇನೆ. ನಾನು ನನ್ನ ಹೆಸರನ್ನು ನಿಕೊಲಾಯ್ ವರಲಕ್ಷ್ಮಿ ಶರತ್ ಕುಮಾರ್ ಸಚ್‌ದೇವ್ ಎಂದು ಬದಲಾಯಿಸುತ್ತೇನೆ. ಶರತ್ ಕುಮಾರ್ ಅವರ ಪರಂಪರೆ, ನನ್ನ ಪತ್ನಿಯ ಪರಂಪರೆ ಮುಂದುವರಿಯಬೇಕು. ನಾನು ನನ್ನ ಹೆಂಡತಿಯನ್ನು ಬೆಂಬಲಿಸುತ್ತೇನೆ ಎಂದಿದ್ದಾರೆ.

ನನ್ನ ಪತ್ನಿ ಸಿನಿಮಾ ಮಾಡುವುದನ್ನು ಮುಂದುವರಿಸುತ್ತಾರೆ. ನಿಮ್ಮ ಪ್ರೀತಿ ಮತ್ತು ಬೆಂಬಲಕ್ಕಾಗಿ ಎಲ್ಲರಿಗೂ ಧನ್ಯವಾದಗಳು. ಅವಳ ಮೊದಲ ಪ್ರೀತಿ ಸಿನಿಮಾ. ನಾನು ಸಿನಿಮಾಗಳ ನಂತರ ಮಾತ್ರ. ಅವರ ನಟನೆ ಬೇರೆಯದೇ ಹಂತದಲ್ಲಿದೆ. ಇಷ್ಟು ವರ್ಷ ಬೆಂಬಲಿಸಿದಂತೆ ಮುಂದೆಯೂ ಇರುತ್ತದೆ ಎಂದಿದ್ದಾರೆ.