ವಂದೇ ಭಾರತ್ ಎಕ್ಸ್‌ಪ್ರೆಸ್‌ನ ಎಂಜಿನ್ ವಿಫಲ, ಓಪನ್ ಆಗದ ಸ್ವಯಂಚಾಲಿತ ಬಾಗಿಲು..!

ನವದೆಹಲಿ: ಭೋಪಾಲ್‌ನ ರಾಣಿ ಕಮಲಪತಿಯಿಂದ ಹಜರತ್ ನಿಜಾಮುದ್ದೀನ್‌ಗೆ ತೆರಳುತ್ತಿದ್ದ ವಂದೇ ಭಾರತ್ ಎಕ್ಸ್‌ಪ್ರೆಸ್‌ನ ಎಂಜಿನ್ ಕ್ಯಾಂಟ್ ನಿಲ್ದಾಣದಲ್ಲಿ ವಿಫಲವಾಗಿದೆ. ಇದರಿಂದಾಗಿ ರೈಲು 8 ನಿಮಿಷಗಳ ಕಾಲ ನಿಂತಿತ್ತು. ಎಂಜಿನ್ ವೈಫಲ್ಯದಿಂದ ಸ್ವಯಂಚಾಲಿತ ಬಾಗಿಲು ತೆರೆಯಲಿಲ್ಲ. ಇದರಿಂದಾಗಿ ಪ್ರಯಾಣಿಕರು ಇಳಿಯಲು ಮತ್ತು ಹತ್ತಲು ಬಹಳ ಸಮಯ ಕಾಯಬೇಕಾಯಿತು. ತಾಂತ್ರಿಕ ತಂಡ ಹೇಗೋ ಎಂಜಿನ್ ರಿಪೇರಿ ಮಾಡಿದೆ. ಇದಾದ ನಂತರ ರೈಲು ಹಜರತ್ ನಿಜಾಮುದ್ದೀನ್‌ಗೆ ಹೊರಟಿತು. ಈ ವೇಳೆ ಪ್ರಯಾಣಿಕರು ತೀವ್ರ ತೊಂದರೆ ಅನುಭವಿಸಬೇಕಾಯಿತು.

ಹಲವು ಬಾರಿ ಕಲ್ಲು ತೂರಾಟ

ಇತ್ತೀಚೆಗೆ ಆಗಸ್ಟ್ 28 ರಂದು ಹಜರತ್ ನಿಜಾಮುದ್ದೀನ್‌ನಿಂದ ಭೋಪಾಲ್‌ಗೆ ಹೋಗುವ ವಂದೇ ಭಾರತ್ ಎಕ್ಸ್‌ಪ್ರೆಸ್‌ನಲ್ಲಿ ಓಖ್ಲಾ ಮತ್ತು ರುಂಧಿ ರೈಲು ನಿಲ್ದಾಣಗಳಲ್ಲಿ ಕಲ್ಲು ತೂರಾಟ ನಡೆದಿದೆ. ತನಿಖೆಗೆ ಆದೇಶ ಹೊರಡಿಸಲಾಗಿದ್ದು, ಸಿಸಿಟಿವಿ ಕ್ಯಾಮೆರಾಗಳ ಸಹಾಯದಿಂದ ಆರೋಪಿಗಳನ್ನು ಗುರುತಿಸಲಾಗಿದೆ.

ಈ ಸಂಬಂಧ ಕೋಸಿಕಾಳ ಆರ್‌ಪಿಎಫ್ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ. ಎರಡು ಸ್ಥಳಗಳಲ್ಲಿ ಕಲ್ಲು ತೂರಾಟದಲ್ಲಿ ವಂದೇ ಭಾರತ್ ಎಕ್ಸ್‌ಪ್ರೆಸ್‌ನ ಎರಡು ಬೋಗಿಗಳ ನಾಲ್ಕು ಕಿಟಕಿ ಗಾಜುಗಳು ಒಡೆದಿವೆ. ಈ ಹಿಂದೆಯೂ ಹಲವು ಬಾರಿ ವಂದೇ ಭಾರತ್ ಮೇಲೆ ಕಲ್ಲು ತೂರಾಟ ನಡೆದಿದೆ.

ವಂದೇ ಭಾರತ್ ಏಪ್ರಿಲ್ 1 ರಿಂದ ಹಜರತ್ ನಿಜಾಮುದ್ದೀನ್ ಮತ್ತು ಭೋಪಾಲ್‌ನ ರಾಣಿ ಕಮಲಪತಿ ನಿಲ್ದಾಣದ ನಡುವೆ ಪ್ರಾರಂಭವಾಯಿತು. ಇದರಿಂದ ದೀರ್ಘ ಪ್ರಯಾಣ ಮಾಡುವ ಆಗ್ರಾ ಮತ್ತು ಸುತ್ತಮುತ್ತಲಿನ ಜನರಿಗೆ ಸಾಕಷ್ಟು ಸಹಾಯವಾಯಿತು.

https://www.vijayavani.net/g20-who-will-taste-the-food-before-the-foreign-guests