ರಕ್ತ ಪರಿಚಲನೆ ಸುಗಮವಾಗಲು ಸಹಾಯಕ ವಜ್ರ ಮುದ್ರೆ

ವಜ್ರ ಮುದ್ರೆಯನ್ನು ಅಭ್ಯಾಸ ಮಾಡಲು ಈ ಹಂತಗಳನ್ನು ಅನುಸರಿಸಿ: ಸ್ಥಿರವಾದ ಕುಳಿತು ಕೊಳ್ಳುವ ಭಂಗಿಯನ್ನು ಹುಡುಕಿ ಮತ್ತು ಕೈಗಳನ್ನು ತೊಡೆಯ ಮೇಲೆ ಅಥವಾ ಮೊಣಕಾಲುಗಳ ಮೇಲೆ ಇರಿಸಿ. ಅಂಗೈಗಳನ್ನು ಮೇಲಕ್ಕೆ ಇರಿಸಿ. ನಮ್ಮ ದೇಹವನ್ನು ವಜ್ರದಂತೆ ಕಾಪಾಡುವ ಮುದ್ರೆ ಇದಾಗಿದೆ. ಬೆರಳುಗಳ ಸುಸ್ಥಿತಿಗೆ ಈ ಮುದ್ರೆ ಸಹಕಾರಿ ಎಂದು ಹೇಳಲಾಗುತ್ತದೆ. ತೋರು ಬೆರಳಿನ ವಾಯು ತತ್ವವನ್ನು ಹೊರಗಿಟ್ಟು, ಉಳಿದ ಆಕಾರ, ಪೃಥ್ವಿ ವರುಣ ತತ್ವಗಳು ಅಗ್ನಿಯೊಂದಿಗೆ ಜೊತೆ ಸೇರುತ್ತವೆ.

ವಿಧಾನ: ಈ ಮುದ್ರೆ ಮಾಡುವಾಗ ತೋರು ಬೆರಳನ್ನು ನೇರವಾಗಿರಿಸಿಕೊಳ್ಳಿ. ಉಳಿದ ಮಧ್ಯದ ಬೆರಳು, ಉಂಗುರ ಬೆರಳು, ಕಿರು ಬೆರಳಿನ ಅಗ್ರ ಭಾಗಕ್ಕೆ ಹೆಬ್ಬೆರಳು ರ್ಸ³ಸಿ. ಇಲ್ಲಿ ಮುಖ್ಯವಾಗಿ ಹೆಬ್ಬೆರಳಿನ ತುದಿಯನ್ನು ಉಳಿದ ಮೂರು ಬೆರಳುಗಳ ತುದಿಗೆ ಮೃದುವಾಗಿ ರ್ಸ³ಸಿ. ತೋರು ಬೆರಳನ್ನು ನೀಳವಾಗಿ ಇರಿಸಿ. ದಿನಕ್ಕೆ ಮೂರು ಬಾರಿ ಕನಿಷ್ಠ ಐದು ನಿಮಿಷಗಳ ಕಾಲ ಈ ಮುದ್ರೆಯನ್ನು ಅಭ್ಯಾಸ ಮಾಡಿ. ಎರಡೂ ಕೈಯಲ್ಲಿ ಅಭ್ಯಾಸ ಮಾಡಿ. ಅಧಿಕ ರಕ್ತದೊತ್ತಡ ಇರುವವರು ಇದನ್ನು ಅಭ್ಯಾಸ ಮಾಡಬಾರದು. ವಜ್ರ ಮುದ್ರೆಯನ್ನು ಉರಿಯುತ್ತಿರುವ ಥಂಡರ್ಬೇಲ್​ನ ಗೆಸ್ಚರ್ ಎಂದೂ ಕರೆಯಲಾಗುತ್ತದೆ.

ಪ್ರಯೋಜನವೇನು?: ಕಡಿಮೆ ರಕ್ತದೊ ತ್ತಡ ನಿಯಂತ್ರಣವಾಗುತ್ತದೆ. ರಕ್ತ ಪರಿಚಲನೆ ದೇಹದಲ್ಲಿ ಸುಗಮವಾಗಲು ಈ ಮುದ್ರೆ ಸಹಕಾರಿ. ಈ ಮುದ್ರೆಯ ಅಭ್ಯಾಸದಿಂದ ನಿರುತ್ಸಾಹ, ತಲೆಸುತ್ತುವಿಕೆ, ಆಯಾಸ, ನಿಯಂತ್ರಣವಾಗುತ್ತದೆ. ಕಡಿಮೆ ರಕ್ತದೊತ್ತಡದ ಲಕ್ಷಣಗಳಾದ ತಲೆತಿರುಗುವಿಕೆ ಮತ್ತು ಆಯಾಸವನ್ನು ಕಡಿಮೆ ಮಾಡಲು ವಜ್ರ ಮುದ್ರೆಯನ್ನು ಬಳಸಬಹುದು. ಅದೇ ಸಮಯದಲ್ಲಿ ರಕ್ತ ಪರಿಚಲನೆಯನ್ನು ಉತ್ತೇಜಿಸುತ್ತದೆ. ನಿಯಮಿತವಾಗಿ ಅಭ್ಯಾಸ ಮಾಡುವಾಗ, ರೋಗನಿರೋಧಕ ಶಕ್ತಿಯನ್ನು ಹೆಚ್ಚಿಸಲು, ಜ್ಞಾಪಕ ಶಕ್ತಿಯನ್ನು ಹೆಚ್ಚಿಸಲು ಮತ್ತು ಮನಸ್ಸನ್ನು ಚುರುಕುಗೊಳಿಸಲು ಸಹಾಯ ಮಾಡುತ್ತದೆ. ಹೊಟ್ಟೆ , ಗುಲ್ಮ, ಮೇದೋಜ್ಜೀರಕ ಗ್ರಂಥಿ ಮತ್ತು ಹೃದಯಕ್ಕೆ ಸಂಬಂಧಿಸಿದ ಭೂಮಿಯ ಅಂಶದಲ್ಲಿನ ದೌರ್ಬಲ್ಯದಿಂದ ರಕ್ತಪರಿಚಲನೆಯ ತೊಂದರೆಗಳು ಉದ್ಭವಿಸುತ್ತವೆ. ವಜ್ರ ಮುದ್ರೆಯು ಎಲ್ಲಾ ಅಂಶಗಳಿಗೆ ಸಮತೋಲನವನ್ನು ಹೊಂದಿದೆ. ಏಕೆಂದರೆ ಇದು ಪಂಚ ಮಹಾಭೂತಗಳನ್ನು ಸಂಕೇತಿಸುತ್ತದೆ. ಕಿರುಬೆರಳು (ನೀರಿನ ಸಂಕೇತ), ಉಂಗುರ ಬೆರಳು (ಭೂಮಿಯ ಸಂಕೇತ), ಮಧ್ಯದ ಬೆರಳು, (ಗಾಳಿಯ ಸಂಕೇತ) ಮತ್ತು ಹೆಬ್ಬೆರಳು (ಬೆಂಕಿಯ ಸಂಕೇತ) ಒಳಗೊಂಡಿರುತ್ತದೆ. ಈ ಅಭ್ಯಾಸದ ಮೂಲಕ ಈ ಅಂಶಗಳ ಸಂಯೋಜನೆಯಾಗುವುದರಿಂದ ವಜ್ರ ನಾಡಿಯನ್ನು ಬಲಪಡಿಸಲು ಸಹಾಯ ಮಾಡುತ್ತದೆ.

ಮುದ್ರೆಗಳನ್ನು ಯಾರೂ ಬೇಕಾದರೂ ಯಾವಾಗ ಬೇಕಾದರೂ ಅಭ್ಯಾಸ ಮಾಡಬಹುದು. ಮುದ್ರೆಗಳನ್ನು ಗುರುಮುಖೇನವೇ ಕಲಿತು ಅಭ್ಯಾಸ ನಡೆಸಿ. ನಮ್ಮ ಕೈಬೆರಳುಗಳನ್ನು ಹಾಗೂ ಹಸ್ತಗಳನ್ನು ಉಪಯೋಗಿಸಿಕೊಂಡು ವಾತ, ಪಿತ್ತ ಕಫವನ್ನು ನಿಗ್ರಹಿಸಬಹುದು ಎಂದು ಮುದ್ರಾ ಶಾಸ್ತ್ರದಲ್ಲಿ ಹೇಳಿದೆ. ಈ ಪಂಚತತ್ವಗಳು ಅಗ್ನಿ, ವಾಯು, ಆಕಾಶ, ಭೂಮಿ, ವರುಣ, ಇದರಲ್ಲಿ ಏನಾದರೂ ಕೊರತೆಯಾದರೆ ವ್ಯಕ್ತಿಗೆ ಕಾಯಿಲೆಗಳು ಬರುತ್ತದೆ. ಪಂಚಭೂತಗಳು 365 ದಿನವೂ ಸಮತೋಲನದಲ್ಲಿ ಇರಬೇಕು. ಅದಕ್ಕೋಸ್ಕರ ನಮ್ಮ ಆರೋಗ್ಯಕ್ಕೆ ಜ್ಞಾನಿಗಳು ಶಾಸ್ತ್ರದಲ್ಲಿ ತಿಳಿಸಿದಂತೆ ಕೈ ಬೆರಳುಗಳ ವ್ಯವಸ್ಥಿತ ಚಲನೆಯಲ್ಲಿ ಮುದ್ರೆಗಳನ್ನು ಮಾಡಿ.