ಉಪಾಧ್ಯಕ್ಷ ಅಭ್ಯರ್ಥಿಯಾಗಿ ಆಯ್ಕೆಯಾಗಿರುವ 39 ವರ್ಷದ ಜೆಡಿ ವ್ಯಾನ್ಸ್, 1984 ಆಗಸ್ಟ್ 2ರಂದು ಓಹಿಯೋದ ಮಿಡಲ್ಟೌನ್ನಲ್ಲಿ ಜನಿಸಿದರು. ವ್ಯಾನ್ಸ್ ಬಾಲ್ಯ ಜೀವನ ತುಂಬಾ ಕಷ್ಟದಿಂದ ಕೂಡಿತ್ತು. ತಾಯಿ ಮಾದಕ ವ್ಯಸನಿ ಆಗಿದ್ದರಿಂದ ತಂದೆಯ ಆಶ್ರಯದಲ್ಲಿ ಬೆಳೆದರು. ಆದರೆ, ವ್ಯಾನ್ಸ್ ಅವರನ್ನು ಹೆಚ್ಚಾಗಿ ನೋಡಿಕೊಂಡಿದ್ದು, ಅವರ ಅಜ್ಜಿ. ಒಂದೆಡೆ ಆರ್ಥಿಕ ಸಮಸ್ಯೆಗಳು ಕೂಡ ಕುಟುಂಬವನ್ನು ಬಾಧಿಸುತ್ತಿತ್ತು. ಇದೆಲ್ಲವನ್ನು ಹಿಮ್ಮೆಟ್ಟಿಸಿ ವ್ಯಾನ್ಸ್ ಬೆಳೆದು ನಿಂತರು. ವ್ಯಾನ್ಸ್ ಅವರು ಓಹಿಯೋ ಸ್ಟೇಟ್ ಯೂನಿವರ್ಸಿಟಿ ಮತ್ತು ಯೇಲ್ ಲಾ ಸ್ಕೂಲ್ನಲ್ಲಿ ಅಧ್ಯಯನ ಮಾಡಿದರು. ಬಳಿಕ ವ್ಯಾನ್ಸ್ ಸಿಲಿಕಾನ್ ವ್ಯಾಲಿಯಲ್ಲಿ ವೆಂಚರ್ ಕ್ಯಾಪಿಟಲಿಸ್ಟ್ ಆಗಿ ಕೆಲಸ ಮಾಡುವ ಮೂಲಕ ವ್ಯಾಪಾರ ಜಗತ್ತಿಗೆ ಕಾಲಿಟ್ಟರು. ಯೇಲ್ ಲಾ ಸ್ಕೂಲ್ನಲ್ಲಿ ಉಷಾ ಅವರು ವ್ಯಾನ್ಸ್ಗೆ ಸಹಪಾಠಿಯಾಗಿದ್ದರು. ಈ ವೇಳೆ ವ್ಯಾನ್ಸ್ಗೆ ಉಷಾ ಸಾಕಷ್ಟು ಸಹಾಯಗಳನ್ನು ಮಾಡಿದ್ದರು. ಈ ವೇಳೆ ಇಬ್ಬರು ಸಾಕಷ್ಟು ಸಮಯ ಒಟ್ಟಿಗೆ ಕಳೆದಿದ್ದರಿಂದ, ಇಬ್ಬರ ನಡುವೆ ಸ್ನೇಹ ಉಂಟಾಗಿ, ಆ ಸ್ನೇಹ ಪ್ರೀತಿಗೆ ತಿರುಗಿ ಡೇಟಿಂಗ್ ಮಾಡಲು ಪ್ರಾರಂಭಿಸಿದರು. 2014ರಲ್ಲಿ ಇಬ್ಬರು ಮದುವೆಯಾದರು. ದಂಪತಿಗೆ ಐವಾನ್, ವಿವೇಕ್ ಮತ್ತು ಮಿರಾಬೆಲ್ ಎಂಬ ಮೂವರು ಮಕ್ಕಳಿದ್ದಾರೆ.
