"ರೆಕಾರ್ಡ್ ಬ್ರೇಕರ್"ಒಂದಲ್ಲ.. ಎರಡಲ್ಲ..ಒಂದೇ ದಿನದಲ್ಲಿ 15 ಗಿನ್ನಿಸ್ ದಾಖಲೆ ಮಾಡಿದ

ಅಮೆರಿಕಾ:  ಈಗಾಗಲೇ ದಾಖಲೆಗಳ ಸರಮಾಲೆಯನ್ನೇ ಮುರಿದು ಫೇಮಸ್ ಆಗಿರುವ ಅಮೆರಿಕದ ಡೇವಿಡ್ ರಶ್ ಮತ್ತೊಮ್ಮೆ ತಮ್ಮ ಸಾಮರ್ಥ್ಯ ತೋರಿದ್ದಾರೆ. ಒಂದಲ್ಲ.. ಎರಡಲ್ಲ.. ಒಂದೇ ದಿನ 15 ಗಿನ್ನಿಸ್ ದಾಖಲೆಗಳನ್ನು ತಮ್ಮ ಖಾತೆಯಲ್ಲಿ ಹಾಕಿಕೊಂಡಿದ್ದಾರೆ.

ಅಮೆರಿಕದ ಇಡಾಹೋ ಮೂಲದ ಡೇವಿಡ್ ರಶ್ ಇದುವರೆಗೆ 250 ವಿಶ್ವ ದಾಖಲೆಗಳನ್ನು ಮುರಿದಿದ್ದಾರೆ. ಮತ್ತು ಇತ್ತೀಚೆಗೆ ಅವರು ಏಕಕಾಲದಲ್ಲಿ 15 ಗಿನ್ನಿಸ್ ವಿಶ್ವ ದಾಖಲೆಗಳನ್ನು ತಮ್ಮ ಹೆಸರಿನಲ್ಲಿ ಬರೆದಿದ್ದಾರೆ. ಈ ಕ್ರಮದಲ್ಲಿ ಅವರು ಇತ್ತೀಚೆಗೆ ಲಂಡನ್‌ನಲ್ಲಿರುವ ಗಿನ್ನಿಸ್ ವರ್ಲ್ಡ್ ರೆಕಾರ್ಡ್ಸ್ ಕಚೇರಿಗಳಿಗೆ ಭೇಟಿ ನೀಡಿದ್ದರು ಮತ್ತು ಅವರು ಪ್ರಸ್ತುತ ಹೊಂದಿರುವ 180  ಪದಕಗಳನ್ನು ಹರಾಜು ಹಾಕಲು ಹೋಗಿದ್ದರು.

ಲಂಡನ್‌ನಲ್ಲಿರುವ ಗಿನ್ನೆಸ್ ವರ್ಲ್ಡ್ ರೆಕಾರ್ಡ್ಸ್ ಪ್ರಧಾನ ಕಚೇರಿಗೆ ಭೇಟಿ ನೀಡಿದ ಡೇವಿಡ್ ರಶ್ ಅವರು 180 ಪ್ರಶಸ್ತಿಗಳನ್ನು ಹರಾಜು ಹಾಕುತ್ತಿರುವುದಾಗಿ ಘೋಷಿಸಿದರು. ಗಿನ್ನೆಸ್ ವಿಶ್ವ ದಾಖಲೆಯ ಅಧಿಕೃತ ನ್ಯಾಯಾಧೀಶ ವಿಲ್ ಸಿಂಡೆನ್ ಅವರು ಒಂದೇ ದಿನದಲ್ಲಿ 15 ದಾಖಲೆಗಳನ್ನು ಹೇಗೆ ಮುರಿದರು ಎಂಬುದು ಆಶ್ಚರ್ಯಕರವಾಗಿದೆ ಎಂದು ಹೇಳಿದ್ದಾರೆ.

• 30 ಸೆಕೆಂಡ್‌ಗಳಲ್ಲಿ 20 ಟೀ ಶರ್ಟ್‌ಗಳನ್ನು ಧರಿಸಿರುವುದು.
• 30 ಸೆಕೆಂಡ್‌ಗೆ 125 ಸಲ ಬೇಸ್‌ ಬಾಲ್‌ಗಳನ್ನು ಒಂದು ಕೈಯಿಂದ ಇನ್ನೊಂದು ಕೈಗೆ ಬದಲಾಯಿಸಿ ಬ್ಯಾಲೆನ್ಸ್‌ ಮಾಡಿರೋದು.
• ಕಾಗದದಿಂದ ಮಡಚಿದ ವಿಮಾನವನ್ನು 5.12 ಸೆಕೆಂಡ್‌ಗಳಲ್ಲಿ ತಯಾರಿಸಿರುವುದು.
• ಮೂರು ಸೇಬುಗಳನ್ನು 1 ನಿಮಿಷದಲ್ಲಿ 198 ಬಾರಿ ಕಚ್ಚಿರುವುದು.
• ಪರ್ಯಾಯ ಕೈಗಳನ್ನು ಬಳಸಿ ಟೇಬಲ್ ಟೆನ್ನಿಸ್‌ ಬಾಲ್‌ಗಳನ್ನು 2 ಬಾಟಲಿಗಳ ಮೇಲೆ 10 ಬಾರಿ 2.09 ಸೆಕೆಂಡ್‌ನಲ್ಲಿ ನಿಲ್ಲಿಸಿರುವುದು.
• ಹಿಂಭಾಗದಿಂದ ಬಾಸ್ಕೆಟ್‌ ಬಾಲ್‌ನ್ನು 30 ಸೆಕೆಂಡ್‌ನಲ್ಲಿ ಗೋಡೆಗೆ 38 ಸಲ ಬಡಿದಿರುವುದು* 30 ಸೆಕಂಡ್‌ಗಳಲ್ಲಿ ಕೈಗಳನ್ನು ಬಳಸಿ 5.100 ಮಿ.ಲೀ ನೀರನ್ನು ತಳ್ಳಿರುವುದು
• 1 ನಿಮಿಷಕ್ಕೆ 29 ಸಲ ಚಾಪ್‌ಸ್ಟಿಕ್‌ಗಳನ್ನು ಅದರ ಗುರಿಯತ್ತ ಎಸೆದಿರುವುದು,
• ಟೇಬಲ್‌ ಟೆನ್ನಿಸ್‌ ಚೆಂಡುಗಳನ್ನು ಬೌನ್ಸ್‌ ಮಾಡಿ, ಶೇವಿಂಗ್‌ ಫೋಮ್‌ ಹಾಕಿದ ತಲೆ ಮೇಲೆ ಮೇಲೆ ನಿಲ್ಲಿಸಿರುವುದು.
• ಬಾಯಿಯಿಂದ ಟೇಬಲ್ ಟೆನ್ನಿಸ್‌ ಚೆಂಡನ್ನು ಗೋಡೆಗೆ ಪುಟಿಯುವಂತೆ ಮಾಡಿರುವುದು.
• 5.38 ಸೆಕೆಂಡ್‌ನಲ್ಲಿ 10 ಟಾಯ್ಲೆಟ್ ಕಾಗದ ರೋಲ್‌ಗಳನ್ನು ಪೇರಿಸಿರುವುದು.
• ಬೌಲಿಂಗ್ ಚೆಂಡು ಮತ್ತು ಎರಡು ಚೆಂಡುಗಳನ್ನು ಜಗ್ಲಿಂಗ್ ಹಿಡಿತದಲ್ಲಿ ಒಂದು ನಿಮಿಷಕ್ಕೆ 248 ಬಾರಿ ಬ್ಯಾಲೆನ್ಸ್ ಮಾಡಿರೋದು.
• ಸ್ಟ್ರಾ ಮೂಲಕ 1 ಲೀ ನಿಂಬೆಹಣ್ಣು ಪಾನಕವನ್ನು 13.99 ಸೆಕೆಂಡ್‌ಗಳಲ್ಲಿ ಕುಡಿದಿರುವುದು.

https://www.vijayavani.net/is-a-doctor-the-reason-behind-aishwarya-rai-and-abhishek-bachchans-rift