ಬುದ್ಧಿವಾದ ಹೇಳಿದ್ದ ಪೊಲೀಸರು:
ದೂರುದಾರ ಮಂಜುನಾಥ್ ದಂಪತಿ ಹಾಗೂ ಪ್ರಣಬ್ ದಂಪತಿ ಕೋಡಿಚಿಕ್ಕನಹಳ್ಳಿಯ ಚೈತನ್ಯ ಪ್ಯಾರಡೈಸ್ ಅಪಾರ್ಟ್ಮೆಂಟ್ನ ಅಕ್ಕಪಕ್ಕದ ಪ್ಲ್ಯಾಟ್ನಲ್ಲಿ ನೆಲೆಸಿದ್ದಾರೆ. ಪ್ರಣಬ್ ದಂಪತಿ ಸುಖಾಸುಮ್ಮನೆ ಮಂಜುನಾಥ್ ದಂಪತಿಗೆ ಕಿರುಕುಳ ನೀಡುತ್ತಿದ್ದರು. ಈ ವಿಚಾರವಾಗಿ ಮಂಜುನಾಥ್ ಎರಡು ಬಾರಿ ಪೊಲೀಸ್ ಠಾಣೆಗೆ ದೂರು ನೀಡಿದ್ದರು. ಈ ವೇಳೆ ಪೊಲೀಸರು ಎರಡೂ ಕುಟುಂಬದವರನ್ನು ಕರೆಸಿ ವಿಚಾರಣೆ ನಡೆಸಿ ಬುದ್ಧಿವಾದ ಹೇಳಿ ಕಳುಹಿಸಿದ್ದರು ಎನ್ನಲಾಗಿದೆ. ಆದರೂ ಪ್ರಣಬ್ ದಂಪತಿ, ಮಂಜುನಾಥ್ ಕುಟುಂಬದ ಬಗ್ಗೆ ದ್ವೇಷಕಾರುತ್ತಿದ್ದರು.
ಮಾ.೨೭ರಂದು ರಾತ್ರಿ ಮಂಜುನಾಥ್ ಫ್ಲ್ಯಾಟ್ ಎದುರಿನ ರಂಗೋಲಿಯನ್ನು ಉದ್ದೇಶಪೂರ್ವಕವಾಗಿ ಅಲಿಸಿದ್ದರು. ಈ ದೃಶ್ಯ ಸಿಸಿ ಕ್ಯಾಮರಾದಲ್ಲಿ ಸೆರೆಯಾಗಿತ್ತು. ಮಾ.೨೮ರಂದು ಉದ್ದೇಶ ಪೂರ್ವಕವಾಗಿ ಪ್ರಣಬ್ ದಂಪತಿ ತಮ್ಮ ಚಪ್ಪಲಿಗಳನ್ನು ಮಂಜುನಾಥ್ ಮನೆ ಎದುರು ಬಿಟ್ಟಿದ್ದರು. ಈ ವೇಳೆ ಮಂಜುನಾಥ್ ದಂಪತಿ ಆ ಚಪ್ಪಲಿಗಳನ್ನು ಪಕ್ಕಕ್ಕೆ ಸರಿಸಿದ್ದರು. ಇದರಿಂದ ಕೋಪಗೊಂಡ ನೇಹಾಕುಮಾರಿ, ಮಂಜುನಾಥ್ ಅವರ ಮನೆ ಎದುರಿನ ರಂಗೋಲಿ ಅಳಿಸಿ ಹಾಕಿ, ಚಪ್ಪಲಿ ಸ್ಟ್ಯಾಂಡ್ಗೆ ಕೈ ನಿಂದ ತಳ್ಳಿ ಉರುಳಿಸಿ ರಂಪಾಟ ಮಾಡಿದ್ದಾರೆ ಎಂದು ದೂರಿನಲ್ಲಿ ಆರೋಪಿಸಲಾಗಿದೆ. ನೇಹಾಕುಮಾರಿಯ ರಂಪಾಟ ಸಿಸಿ ಕ್ಯಾಮರಾದಲ್ಲಿ ಸೆರೆಯಾಗಿದೆ. ಪ್ರಣಬ್-ನೇಹಾ ದಂಪತಿ ವಿನಾಕಾರಣ ನಮ್ಮ ಜತೆಗೆ ಜಗಳ ತೆಗೆದು ಕಿರುಕುಳ ನೀಡುತ್ತಿದ್ದಾರೆ. ಇವರ ವಿರುದ್ಧ ಸೂಕ್ತ ಕಾನೂನು ಕ್ರಮ ಕೈಗೊಳ್ಳುವಂತೆ ದೂರಿನಲ್ಲಿ ಮನವಿ ಮಾಡಿದ್ದಾರೆ. ಈ ದೂರಿನ ಮೇರೆಗೆ ಎನ್ಸಿಆರ್ ದಾಖಲಿಸಲಾಗಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.
