ಶ್ರೀಕೃಷ್ಣನ ಉಪನಯನ

‘ಉಪನಯನ ಎಂದರೆ ಸುಮ್ಮನೇ ಯಾವುದೋ ಹಗ್ಗ ಹಾಕಿಕೊಳ್ಳುವುದು(ಜನಿವಾರ) ಎಂದು ಅರ್ಥವಲ್ಲ. ಏಕೆಂದರೆ, ಇಷ್ಟು ದಿವಸ ಸಣ್ಣ ಹುಡುಗನಾಗಿದ್ದಾಗ ಏನೂ ಜವಾಬ್ದಾರಿ ಇರಲಿಲ್ಲ. ಈಗ ದೊಡ್ಡವ ಆದ ಮೇಲೆ ಜವಾಬ್ದಾರಿ ಬರುತ್ತದೆ. ಕೀಲಿಕೈ ಸಿಗಿಸಿಕೊಳ್ಳಲಿಕ್ಕೆ ಏನೋ ಒಂದು ಬೇಕಲ್ಲ ಅದಕ್ಕೆ ಒಂದು ಹಗ್ಗ ಕಟ್ಟುವುದು ಎಂದು ಕೆಲವರು ತಿಳಿದುಕೊಂಡಿರುತ್ತಾರೆ. ಅದು ತಪ್ಪು.‘ಉಪ’ ಅಂದರೆ ಹತ್ತಿರ ಎಂದರ್ಥ. ಗುರುಗಳ ಹತ್ತಿರ ಕಳಿಸಬೇಕು. ಮಗನನ್ನು ಗುರುಗಳ ಹತ್ತಿರ ಕಳಿಸುವುದು ನಿಜವಾದ ಉಪನಯನ. ಅಥವಾ ಉಪನಯನ ಎಂದರೆ ಅವನನ್ನು ಇದ್ದ ಅವಸ್ಥೆಗಿಂತಲೂ ಬಹಳ ಮೇಲೆ ಕರೆದುಕೊಂಡು ಹೋಗುವ ಸಂಸ್ಕಾರ. ಭಗವಂತನ ಜ್ಞಾನವನ್ನು ಮಾಡಿಕೊಡುವ ಶಾಸ್ತ್ರಗಳ ಅಧ್ಯಯನಕ್ಕಾಗಿ ಅವನನ್ನು ಕರೆದುಕೊಂಡು ಹೋಗುವುದೇ ಉಪನಯನ. ಅಂತಹ ಉಪನಯನ ವನ್ನು ಮಾಡಬೇಕಾದರೆ ಬ್ರಹ್ಮಚರ್ಯ ಅತ್ಯಗತ್ಯ. ಕಾಮದ ನಾಶ ಮುಖ್ಯ ಎನ್ನುವುದನ್ನು ಬಿಂಬಿಸಲೆಂದೇ ಕಂಸನ ಸಂಹಾರ ಮಾಡಿ ಕೃಷ್ಣ ಪರಮಾತ್ಮ ತಾನು ಉಪನಯನವನ್ನು ಬಲರಾಮದೇವರ ಜೊತೆಗೆ ಮಾಡಿಕೊಂಡಿದ್ದಾನೆ.