ಬೆಂಗಳೂರು: ಕನ್ನಡ ರಾಜ್ಯೋತ್ಸವ ಪ್ರಯುಕ್ತ ‘ಅಜೀಂ ಪ್ರೇಮ್‌ಜಿ ವಿಶ್ವವಿದ್ಯಾಲಯ’, ನ.7 ಮತ್ತು 8ರಂದು ದೊಮ್ಮಲೂರಿನ ಬೆಂಗಳೂರು ಅಂತಾರಾಷ್ಟ್ರೀಯ ಕೇಂದ್ರದಲ್ಲಿ ನಾಡಿನ ಸಂಸ್ಕೃತಿ ಬಿಂಬಿಸುವ ‘ಕೃಷ್ಣೆಯಿಂದ ಕಾವೇರಿವರೆಗೆ’ ಎಂಬ ಕಾರ್ಯಕ್ರಮವನ್ನು ಆಯೋಜಿಸಿದೆ.
ಕನ್ನಡ ಅಭಿವೃದ್ಧಿ ಪ್ರಾಧಿಕಾರದ ಅಧ್ಯಕ್ಷ ಡಾ.ಪುರುಷೋತ್ತಮ ಬಿಳಿಮಲೆ, ಹಿರಿಯ ಸಾಹಿತಿ ಬಿ.ಆರ್. ಲಕ್ಷ್ಣಣರಾವ್ ಕಾರ್ಯಕ್ರಮ ಉದ್ಘಾಟಿಸಲಿದ್ದಾರೆ.
ಮೊದಲ ದಿನದಂದು ಪತ್ತೆದಾರಿ ಪ್ರಣವ್ ಜತೆ ಕೇಸಿನ ಜಾಡು ಹಿಡಿಯಿರಿ, ರಾಗ ಮತ್ತು ಅನುರಣನ, ಕಸದಲ್ಲರಳಿದ ಕಥೆಗಳು, ಸಣ್ಣ ದೀಪಗಳು, ದೊಡ್ಡ ಯೋಜನೆಗಳು, ಸಾವಿರ ಕನ್ನಡಿಗಳ ನಡುವಿನೋಲಾಟ, ಸುತ್ತಮುತ್ತ ಗೊತ್ತಾ, ನಮ್ಮ ಜಲ-ನಮ್ಮ ನೆಲ, ನರಕಾಸುರ ವಧೆ, ಸಾಂಪ್ರದಾಯಿಕ ಧಾನ್ಯಗಳು ಮತ್ತು ಬೀಜಗಳು, ಭಾವ ಲಹರಿ, ಬದುಕಿನ ಬಣ್ಣಗಳಿಗೆ ನಗುವಿನ ಹೊಸ ಸ್ಪರ್ಶ ಕಾರ್ಯಕ್ರಮಗಳು ನಡೆಯಲಿವೆ.
2ನೇ ದಿನದಂದು ಅಜೀಂ ಪ್ರೇಮ್‌ಜಿ ವಿಶ್ವವಿದ್ಯಾಲಯದ ಕಥಾವನ ಮಕ್ಕಳ ಪುಸ್ತಕ ಸರಣಿ, ಕರ್ನಾಟಕದ ಕರಕುಶಲ ಕಥೆಗಳು, ಮೈಸೂರು ಮಲ್ಲಿಗೆ, ಕರ್ನಾಟಕದ ನೇಯ್ಗೆಯ ನಿಧಿಗಳು, ಸಾಂಪ್ರದಾಯಿಕ ತಿನಿಸುಗಳು, ಜಗವೆಲ್ಲ ತೊಯ್ದ ಬೆಳಕು-ರಾಜ್, ಜನಪದ ಸಂಗೀತ ಸಂಭ್ರಮ, ಎಐ ಕಾಲದಲ್ಲಿ ಕನ್ನಡಿಗರ ಉದ್ಯಮಶೀಲತೆ, ಪರಂಪರೆಯ ಛಾಯಗ್ರಹಣ ಮತ್ತು ಪ್ರಿಂಟ್‌ಗಳ ಗ್ರಹಿಕೆ, ಗಜಲ್ ಯಾನ ಮಧುರ ಗಾನ, ಮರಳು ಮಾಧುರ್ಯ ಕಾರ್ಯಕ್ರಮಗಳು ಇರಲಿವೆ.
