ಪ್ರಧಾನಿ, ದೇಶಕ್ಕಾಗಿ ಎರಡು ವರ್ಷ ನಿತ್ಯ ಯಾಗ ಸಂಪನ್ನ

ಉಡುಪಿ/ಪಡುಬಿದ್ರಿ: ಕಾಪು ತಾಲೂಕಿನ ಅಡ್ವೆಯಲ್ಲಿ ಪಲಿಮಾರು ಮಠದ ಯೋಗದೀಪಿಕಾ ಗುರುಕುಲದ ಪ್ರಾಚಾರ್ಯ ವಿದ್ವಾನ್ ಅಡ್ವೆ ಲಕ್ಷ್ಮೀಶಾಚಾರ್ಯ ಅವರು ಎರಡು ವರ್ಷಗಳಿಂದ ಕರೊನಾ ವಿಪತ್ತಿನ ಸಂದರ್ಭ ದೇಶದ ಒಳಿತಿಗಾಗಿ ಪ್ರಾರ್ಥಿಸಿ, ಪ್ರಧಾನಿ ಮೋದಿ ಹೆಸರು ಮತ್ತು ನಕ್ಷತ್ರದಲ್ಲಿ ಸಂಕಲ್ಪದೊಂದಿಗೆ 10 ಬಾರಿ ನಡೆಸಿದ ಸಂಪೂರ್ಣ ಋಗ್ವೇದ ಸಂಹಿತಾ ಯಾಗ ಶುಕ್ರವಾರ ಸಂಪನ್ನಗೊಂಡಿತು.

ಲಕ್ಷ್ಮೀಶಾಚಾರ್ಯರು ಪ್ರಸ್ತುತ ದೇಶದಲ್ಲಿರುವ ಬೆರಳೆಣಿಕೆ ಅಗ್ನಿಹೋತ್ರಿಗಳಲ್ಲಿ ಒಬ್ಬರಾಗಿದ್ದು, ಪ್ರತಿನಿತ್ಯ ಮೂರು ಹೊತ್ತು ಅಗ್ನಿಯ ಉಪಾಸನೆ ಮಾಡುತ್ತಿದ್ದಾರೆ. ಸೀಮಿತ ಆದಾಯ ಹೊಂದಿದ್ದರೂ ಬಹುಪಾಲು ಹಣ ಲೋಕವಿಹಿತ ವೈದಿಕ ಕರ್ತವ್ಯಗಳಿಗೆ ವಿನಿಯೋಗಿಸುತ್ತಿರುವುದು ನಿಸ್ಪ ೃ ರಾಷ್ಟ್ರಭಕ್ತಿಗೆ ಸಾಕ್ಷಿ.

ಲಕ್ಷ್ಮೀಶಾಚಾರ್ಯರು ಜಿಲ್ಲೆಯ ಹತ್ತು ವಿದ್ಯಾರ್ಥಿಗಳಿಗೆ ನಿರಂತರವಾಗಿ ಮೂರು ವರ್ಷ ನಡೆಸಿದ ವೇದ ಪಾಠದ ಮಂಗಳೋತ್ಸವವೂ ಇದೇ ಸಂದರ್ಭ ನಡೆಯಿತು. ಪೇಜಾವರ ಶ್ರೀ ವಿಶ್ವಪ್ರಸನ್ನತೀರ್ಥ ಸ್ವಾಮೀಜಿ, ಪಲಿಮಾರು ಶ್ರೀ ವಿದ್ಯಾಧೀಶ ತೀರ್ಥ ಸ್ವಾಮೀಜಿ, ಕಿರಿಯ ಶ್ರೀ ವಿದ್ಯಾರಾಜೇಶ್ವರ ತೀರ್ಥ ಸ್ವಾಮೀಜಿ, ಇತರರು ಭಾಗವಹಿಸಿದ್ದರು.

https://www.vijayavani.net/a-college-girl-lost-her-life-on-birthday-itself/

https://www.vijayavani.net/man-killed-by-his-mother-sister-and-her-son/