ಛತ್ತೀಸ್​ಗಢದಲ್ಲಿ ನಕ್ಸಲರಿಂದ ಬಾಂಬ್​ ಸ್ಫೋಟ: ಕಾನ್​ಸ್ಟೆಬಲ್​, ಬಿಎಸ್​ಎಫ್​ ಯೋಧನಿಗೆ ಗಾಯ

ರಾಯ್​ಪುರ್​: ಭಾನುವಾರ ರಾತ್ರಿ ಛತ್ತೀಸ್​ಗಢ್​ನ ಎರಡು ಜಿಲ್ಲೆಗಳಲ್ಲಿ ನಕ್ಸಲರು ಬಾಂಬ್​ ದಾಳಿ ನಡೆಸಿದ್ದು, ಘಟನೆಯಲ್ಲಿ ಓರ್ವ ಕಾನ್​ಸ್ಟೆಬಲ್, ಮತ್ತೋರ್ವ ಬಿಎಸ್​ಎಫ್​ ಯೋಧ​ ಗಾಯಗೊಂಡಿದ್ದಾಗಿ ವರದಿಯಾಗಿದೆ.

ದಾಂತೇವಾಡ್​ ಮತ್ತು ಕಾಂಕರ್​ ಜಿಲ್ಲೆಗಳಲ್ಲಿ ಸ್ಫೋಟ ಸಂಭವಿಸಿದೆ. ದಾಂತೇವಾಡ್​ನ ಪೊಟಾಲಿ ಗ್ರಾಮದ ಬಳಿ ಪ್ರಷರ್​ ಬಾಂಬ್​ ಸ್ಫೋಟದಿಂದಾಗಿ ಪೊಲೀಸ್​ ಕಾನ್​ಸ್ಟೆಬಲ್​ ಗಾಯಗೊಂಡಿದ್ದಾರೆ ಎಂದು ದಾಂತೇವಾಡ್​ನ ಎಸ್​ಪಿ ಅಭಿಷೇಕ್​ ಪಲ್ಲವ್​ ತಿಳಿಸಿದ್ದಾರೆ.

ಕಾಂಕರ್​ನಲ್ಲಿ ಬಿಎಸ್​​ಎಫ್​ನ ಜವಾನ್​ ರಾತ್ರಿ ವೇಳೆ ಗಸ್ತು ತಿರುಗುತ್ತಿದ್ದಾಗ ಸ್ಫೋಟ ಸಂಭವಿಸಿದೆ. ಗಾಯವಾಗಿರುವ ಇಬ್ಬರನ್ನೂ ಸ್ಥಳೀಯ ಆಸ್ಪತ್ರೆಗೆ ದಾಖಲಿಸಲಾಗಿದ್ದು, ಚಿಕಿತ್ಸೆ ನೀಡಲಾಗುತ್ತಿದೆ ಎಂದು ಅಧಿಕಾರಿಗಳು ಹೇಳಿದ್ದಾರೆ.