ನಡುರಸ್ತೆಯಲ್ಲೇ ಕಿತ್ತಾಡಿಕೊಂಡ ಇಬ್ಬರು ಪೊಲೀಸರು: ಇದಕ್ಕೆಲ್ಲ ಕಾರಣ ಈ ಮಹಿಳೆ! Constables Clash

Constables Clash : ಆಂಧ್ರ ಪ್ರದೇಶದ ವಿಜಯವಾಡದ ಅಜಿತ್‌ಸಿಂಗ್‌ನಗರ ಪೊಲೀಸ್ ಠಾಣೆ ವ್ಯಾಪ್ತಿಯಲ್ಲಿ ಬುಧವಾರ (ಸೆ.03) ಮುಂಜಾನೆ ಸಂಚಾರಿ ಕಾನ್‌ಸ್ಟೆಬಲ್ ಒಬ್ಬರು ರಸ್ತೆಯಲ್ಲಿ ಮಹಿಳೆಯೊಂದಿಗೆ ಜಗಳವಾಡಿದ್ದಾರೆ. ಈ ವೇಳೆ ಅವರನ್ನು ತಡೆಯಲು ಯತ್ನಿಸಿದ ಕರ್ತವ್ಯನಿರತ ಕಾನ್‌ಸ್ಟೆಬಲ್‌ ಜೊತೆಯು ಸಂಚಾರಿ ಕಾನ್‌ಸ್ಟೆಬಲ್ ಕಿತ್ತಾಡಿಕೊಂಡಿದ್ದಾರೆ. ಇದಕ್ಕೆ ಸಂಬಂಧಿಸಿದ ವಿಡಿಯೋ ವೈರಲ್​ ಆದ ಬೆನ್ನಲ್ಲೇ ಪೊಲೀಸ್ ಆಯುಕ್ತರು ಇಬ್ಬರು ಕಾನ್‌ಸ್ಟೆಬಲ್‌ಗಳನ್ನು ಅಮಾನತುಗೊಳಿಸಿದ್ದಾರೆ.

ನಾಲ್ಕನೇ ನಗರ ಸಂಚಾರ ಪೊಲೀಸ್ ಠಾಣೆಯಲ್ಲಿ ಕಾನ್‌ಸ್ಟೆಬಲ್ ಆಗಿರುವ ಶ್ರೀನಿವಾಸ್ ನಾಯಕ್, ಸಿಂಗ್‌ನಗರ ದಬಕೋಟ್ಲು ಕೇಂದ್ರದ ಬಳಿ ವಾಸಿಸುತ್ತಿದ್ದಾರೆ. ಬುಧವಾರ ಬೆಳಗ್ಗೆ ಸಿಂಗ್‌ನಗರದ ಪಸುಪ ತೋಟದ ಮಧುರಾನಗರದ ಮಹಿಳೆಯೊಂದಿಗೆ ಯಾವುದೋ ಒಂದು ಮಾತಿಗೆ ರಸ್ತೆಯಲ್ಲಿ ಜಗಳವಾಡಿದ್ದರು. ಇದನ್ನು ತಿಳಿದ ಸಿಂಗ್‌ನಗರದ ಕಾನ್‌ಸ್ಟೆಬಲ್ ಕೋಟೇಶ್ವರ ರಾವ್, ಅವರನ್ನು ತಡೆದು, ರಸ್ತೆಯಲ್ಲಿ ಏಕೆ ಜಗಳವಾಡುತ್ತಿದ್ದೀರಿ ಎಂದು ಪ್ರಶ್ನಿಸಿದರು.

ಇದನ್ನೂ ಓದಿ: ಈ 3 ರಾಶಿಯವರು ತಮ್ಮ ಜೀವನದುದ್ದಕ್ಕೂ ಕಷ್ಟ ಮತ್ತು ಹೋರಾಟಗಳನ್ನು ಎದುರಿಸುತ್ತಾರಂತೆ! Zodiac Signs

ಈ ವೇಳೆ, ಶ್ರೀನಿವಾಸ್ ನಾಯಕ್ ಉತ್ತರಿಸಿ, ಅವರು ನಮ್ಮ ಸಂಬಂಧಿಕರು ಮತ್ತು ನಾನು ಟ್ರಾಫಿಕ್ ಕಾನ್‌ಸ್ಟೆಬಲ್ ಎಂದು ಹೇಳಿದಾಗ ಕೋಟೇಶ್ವರ ರಾವ್ ಅಲ್ಲಿಂದ ಹೊರಟುಹೋದರು. ಸ್ವಲ್ಪ ಸಮಯದ ನಂತರ, ಅವರಿಬ್ಬರೂ ಸಿಂಗ್‌ನಗರ ರೈತುಬಜಾರ್‌ಗೆ ಹೋದರು ಮತ್ತು ಅಲ್ಲಿಯೂ ಅದೇ ರೀತಿ ಜಗಳವಾಡುತ್ತಿದ್ದರು. ಆಗಲೂ ಕೋಟೇಶ್ವರ ರಾವ್ ಅವರನ್ನು ತಡೆಯಲು ಪ್ರಯತ್ನಿಸಿದರು. ಇದು ಶ್ರೀನಿವಾಸ್ ನಾಯಕ್ ಮತ್ತು ಕೋಟೇಶ್ವರ ರಾವ್ ನಡುವೆ ವಾಗ್ವಾದಕ್ಕೆ ಕಾರಣವಾಯಿತು.

ಶ್ರೀನಿವಾಸ್ ನಾಯಕ್ ಅವರನ್ನು ಪೊಲೀಸ್ ಠಾಣೆಗೆ ಕರೆತರುತ್ತಿದ್ದಾಗ, ಮಹಿಳೆ ಕರ್ತವ್ಯದಲ್ಲಿದ್ದ ಕೋಟೇಶ್ವರ ರಾವ್ ಅವರ ಶರ್ಟ್ ಹಿಡಿದು ಎಳೆದಾಡಿದರು. ಈ ವಿಡಿಯೋಗಳು ಸಾಮಾಜಿಕ ಮಾಧ್ಯಮಗಳಲ್ಲಿ ವೈರಲ್ ಆಗಿ, ಪೊಲೀಸ್ ಆಯುಕ್ತ ರಾಜಶೇಖರ ಬಾಬು ಅವರ ಗಮನಕ್ಕೆ ಬಂದಿತು. ಕರ್ತವ್ಯ ನಿರ್ವಹಣೆಯಲ್ಲಿ ನಿರ್ಲಕ್ಷ್ಯ ವಹಿಸಿದ್ದಕ್ಕಾಗಿ ಇಬ್ಬರು ಕಾನ್‌ಸ್ಟೆಬಲ್‌ಗಳನ್ನು ಅಮಾನತುಗೊಳಿಸಿದರು.

https://www.vijayavani.net/what-is-the-date-of-birth-of-people-who-live-as-uncrowned-kings-dont-make-a-fuss-about-them

https://www.vijayavani.net/sheena-bora-murder-case-key-witness-vidhie-mukerjea-alleges-forged-statement-in-cbi-chargesheet