ಟೀ ಮಾಡುವಾಗ ಈ ಒಂದು ಟ್ರಿಕ್ಸ್​ ಪ್ರಯತ್ನಿಸಿದ್ರೆ ಸಾಕು ಹೋಟೆಲ್‌ಗಳಲ್ಲಿ ಸಿಗುವ ರುಚಿಯೇ ಸಿಗುತ್ತದೆ! Tea

Tea : ಜಗತ್ತಿನ ಬಹುತೇಕ ಜನರ ದಿನ ಆರಂಭವಾಗುವುದೇ ಟೀ ಅಥವಾ ಕಾಫಿಯಿಂದ. ದಿನಕ್ಕೆ ಒಂದು ಕಪ್ ಕಾಫಿ-ಟೀ ಕುಡಿಯಲಿಲ್ಲ ಅಂದ್ರೆ ಆ ದಿನ ಏನೋ ಮಿಸ್​ ಮಾಡಿಕೊಂಡಂತೆ ಜನರು ಚಡಪಡಿಸುತ್ತಾರೆ. ಒಂದು ಹೊತ್ತು ಊಟ ಬೇಕಾದರೂ ಬಿಡುತ್ತೇನೆ ಆದರೆ, ಟೀ-ಕಾಫಿ ಬಿಡುವುದಿಲ್ಲ ಎಂದು ಹೇಳುವ ಜನರು ಕೂಡ ನಮ್ಮ ನಡುವೆ ಇದ್ದಾರೆ. ದಿನಕ್ಕೊಂದು ಟೀ ಕುಡಿಯದಿದ್ದರೂ ಸುಸ್ತು, ಚಡಪಡಿಕೆ ಹಾಗೂ ತಲೆ ನೋವು ಅನುಭವಿಸುವವರೂ ಇದ್ದಾರೆ. ಅಷ್ಟೊಂದು ಜನಪ್ರಿಯವಾಗಿದೆ ಈ ಪಾನೀಯ.

ಚಹಾ ತಯಾರಿಸುವುದು ತುಂಬಾ ಸುಲಭವಾದರೂ, ಅನೇಕ ಜನರು ವಿಭಿನ್ನ ರೀತಿಯಲ್ಲಿ ಚಹಾ ತಯಾರಿಸುತ್ತಾರೆ. ಕೆಲವರು ಕೇವಲ ಹಾಲು ಬಳಸಿ, ನೀರನ್ನೇ ಹಾಕದೇ ಚಹಾ ತಯಾರಿಸುತ್ತಾರೆ. ಇನ್ನು ಕೆಲವರು ನೀರನ್ನು ಕುದಿಸಿ, ಚಹಾ ಪುಡಿ ಮತ್ತು ಸಕ್ಕರೆ ಸೇರಿಸಿ, ನಂತರ ಕುದಿಯುವ ಹಾಲನ್ನು ಸುರಿಯುತ್ತಾರೆ. ಆದರೆ, ಬಹುತೇಕರಿಗೆ ಹೋಟೆಲ್​ಗಳಲ್ಲಿ ಕೊಡುವ ಚಹಾ ಟೇಸ್ಟ್​ ಇಷ್ಟವಾಗುತ್ತದೆ. ಹೀಗಾಗಿ ಆ ರೀತಿ ಮಾಡುವುದು ಹೇಗೆ ಎಂದು ಕೇಳಿರುವುದೂ ಉಂಟು. ಈ ಒಂದು ಟ್ರಿಕ್ಸ್​ ಬಳಸಿದರೆ ಹೋಟೆಲ್​ ಶೈಲಿಯಲ್ಲೇ ಚಹಾ ತಯಾರಿಸಬಹುದು.

ಅಗತ್ಯ ವಸ್ತುಗಳು

ಹಾಲು

ಸಕ್ಕರೆ

ನೀರು

ಚಹಾ ಪುಡಿ

ಇದನ್ನೂ ಓದಿ: ಒಬ್ಬರನ್ನು ಯಾಕೆ… ಮಕ್ಕಳ ಕಳ್ಳಿ ಆರೋಪಕ್ಕೆ ಖಡಕ್ ತಿರುಗೇಟು ನೀಡಿದ BiggBoss ಸ್ಫರ್ಧಿ ಮೋಕ್ಷಿತಾ

ತಯಾರಿಸುವುದು ಹೇಗೆ?

ಒಂದು ಕಪ್ ಪೂರ್ಣ ಕೊಬ್ಬಿನ ಹಾಲನ್ನು ತೆಗೆದುಕೊಂಡು ಅದಕ್ಕೆ ಒಂದು ಕಪ್ ನೀರು ಸೇರಿಸಿ. (ನಿಮ್ಮ ಅಗತ್ಯಕ್ಕೆ ಅನುಗುಣವಾಗಿ ನೀರು ಮತ್ತು ಹಾಲಿನ ಪ್ರಮಾಣವನ್ನು ಹೆಚ್ಚಿಸಬಹುದು ಅಥವಾ ಕಡಿಮೆ ಮಾಡಬಹುದು. ಆದರೆ ಎರಡೂ ಸಮಾನವಾಗಿರಬೇಕು.) ಅದನ್ನು ಕುದಿಸಿ. ನೀವು ಏಲಕ್ಕಿಯೊಂದಿಗೆ ಚಹಾ ಮಾಡಲು ಬಯಸಿದರೆ, ಈ ಸಮಯದಲ್ಲಿ ನೀವು ಒಂದು ಅಥವಾ ಎರಡು ಏಲಕ್ಕಿ ಕಾಳುಗಳು ಅಥವಾ ಏಲಕ್ಕಿ ಪುಡಿಯನ್ನು ಸೇರಿಸಬಹುದು. ಬಳಿಕ ಸಾಕಷ್ಟು ಸಕ್ಕರೆ ಸೇರಿಸಿ ಅದನ್ನು ಬೆರೆಸಿ. ಹಾಲು ಸ್ವಲ್ಪ ಕುದಿಯಲು ಪ್ರಾರಂಭಿಸಿದಾಗ, ಎರಡು ಚಮಚ ಚಹಾ ಪುಡಿಯನ್ನು ಸೇರಿಸಿ. ನೀವು ತುಂಬಾ ಸ್ಟ್ರಾಂಗ್​ ಚಹಾವನ್ನು ಬಯಸಿದರೆ, ನೀವು ಸ್ವಲ್ಪ ಹೆಚ್ಚು ಚಹಾ ಪುಡಿಯನ್ನು ಸೇರಿಸಬಹುದು. ಈ ಹಂತದಲ್ಲಿ ಒಲೆಯ ಬೆಂಕಿ ಮಧ್ಯಮ ಉರಿಯಲ್ಲಿರಬೇಕು.

ಚಹಾ ಪುಡಿ ನುಣ್ಣಗಿದ್ದರೆ, ಅದನ್ನು 15 ರಿಂದ 20 ಸೆಕೆಂಡುಗಳ ಕಾಲ ಕುದಿಸಿ. ಅದು ದೊಡ್ಡದಾಗಿದ್ದರೆ, ಅದನ್ನು ಸ್ವಲ್ಪ ಹೆಚ್ಚು ಕುದಿಸಿ. ಆದರೆ, ಅದನ್ನು ದೀರ್ಘಕಾಲ ಕುದಿಸುವುದು ಒಳ್ಳೆಯದಲ್ಲ. ಇದು ಚಹಾದ ರುಚಿಯನ್ನು ಬದಲಾಯಿಸುತ್ತದೆ. ನಂತರ ಅದನ್ನು ತಕ್ಷಣ ಸೋಸಿ. ಈಗ, ನೀವು ಚಹಾ ಅಂಗಡಿಯಲ್ಲಿ ಮಾಡುವಂತೆ ಚೆನ್ನಾಗಿ ಅಲ್ಲಾಡಿಸಿ. ಬಿಸಿ ಬಿಸಿಯಾಗಿ ಕುಡಿಯಿರಿ. (ಏಜೆನ್ಸೀಸ್​)

https://www.vijayavani.net/cabinet-approves-ordinance-to-crack-down-on-microfinance-lending-and-harassment

https://www.vijayavani.net/the-situation-in-the-industry-is-not-good-actor-vishal-key-comments