ಜಾನ್ವಿ ಕಪೂರ್ ಧರಿಸಿದ್ದ ಉಂಗುರ ಯಾರದ್ದು…? ವದಂತಿಗಳ ನಡುವೆ ಹೊರಬಿದ್ದ ಸತ್ಯ!

ಮುಂಬೈ: ಬಾಲಿವುಡ್ ನಟಿ ಜಾನ್ವಿ ಕಪೂರ್ ಇತ್ತೀಚೆಗೆ ತಿರುಪತಿಯ ವೆಂಕಟೇಶ್ವರ ದೇವಸ್ಥಾನಕ್ಕೆ ಭೇಟಿ ನೀಡಿದ್ದರು. ದೇವಸ್ಥಾನಕ್ಕೆ ರೂಮರ್​​ ಬಾಯ್ ಫ್ರೆಂಡ್ ಶಿಖರ್ ಪಹಾಡಿಯಾ ಅವರೊಂದಿಗೆ ಜಾನ್ವಿ ಭೇಟಿ ನೀಡಿದ್ದು, ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ಪೋಸ್ಟ್ ಮಾಡಿದ ಕೆಲವೇ ನಿಮಿಷಗಳಲ್ಲಿ ವೈರಲ್ ಆಗಿದೆ. ಅಂದಹಾಗೆ ಜಾನ್ವಿ ಉಂಗುರ ಬೆರಳಿನಲ್ಲಿದ್ದ ಉಂಗುರವನ್ನು ನೋಡಿದ ಅಭಿಮಾನಿಗಳು ಅವರ ನಿಶ್ಚಿತಾರ್ಥದ ಬಗ್ಗೆ ವದಂತಿಗಳನ್ನು ಹಬ್ಬಿಸಲು ಪ್ರಾರಂಭಿಸಿದರು. ಆದರೆ, ಇದರ ಸತ್ಯಾಸತ್ಯತೆ ಏನು ಎಂಬುದು ಈಗ ಬಹಿರಂಗವಾಗಿದೆ.

ವರದಿಯ ಪ್ರಕಾರ, ಆಗಸ್ಟ್ 13 ದಿವಂಗತ ನಟಿ ಶ್ರೀದೇವಿ ಅವರ ಜನ್ಮದಿನವಾಗಿತ್ತು. ಆ ದಿನ, ಜಾನ್ವಿ ತನ್ನ ತಾಯಿಯನ್ನು ನೆನಪಿಸಿಕೊಂಡು ಸಾಮಾಜಿಕ ಮಾಧ್ಯಮದಲ್ಲಿ ಮುದ್ದಾದ ಪೋಸ್ಟ್ ಅನ್ನು ಹಂಚಿಕೊಂಡಿದ್ದರು. ಆದರೆ ದೇವಸ್ಥಾನಕ್ಕೆ ಹೋಗಲು ಸಾಧ್ಯವಾಗಲಿಲ್ಲ. ಈಗ ಕೆಲವು ದಿನಗಳ ನಂತರ ಈ ಸಂಬಂಧ ದೇವಸ್ಥಾನಕ್ಕೆ ಹೋಗಿದ್ದರು.

ಉಂಗುರದ ಸತ್ಯವೇನು?
ಇದರೊಂದಿಗೆ ಜಾನ್ವಿ ಯಾರ ಉಂಗುರವನ್ನು ಧರಿಸಿದ್ದಾರೆ ಎಂಬ ಅಂಶವೂ ಬಹಿರಂಗವಾಗಿದೆ. ಇದು ನಿಜವಾಗಿಯೂ ಶ್ರೀದೇವಿ ಅವರಿಗೆ ಸೇರಿದ್ದ ಉಂಗುರ. ಜಾನ್ವಿ ತನ್ನ ತಾಯಿಯ ಉಂಗುರವನ್ನು ಧರಿಸಿ ತಿರುಪತಿ ದೇವಸ್ಥಾನದಲ್ಲಿ ದರ್ಶನ ಪಡೆದಿದ್ದಾರೆ. ಜಾನ್ವಿ ಪ್ರತಿ ವರ್ಷ ತಿರುಪತಿ ದೇವಸ್ಥಾನಕ್ಕೆ ಭೇಟಿ ನೀಡುತ್ತಾರೆ. ಆದರೆ ಈ ಬಾರಿ ಅವರು ಭೋಪಾಲ್‌ನಲ್ಲಿ 'ಉಲ್ಜ್' ಚಿತ್ರದ ಶೂಟಿಂಗ್‌ನಲ್ಲಿ ನಿರತರಾಗಿದ್ದರಿಂದ ಹೋಗಲು ಸಾಧ್ಯವಾಗಲಿಲ್ಲ. ಚಿತ್ರೀಕರಣ ಮುಗಿಸಿ ಬಂದ ಬಳಿಕ ದೇವಸ್ಥಾನಕ್ಕೆ ಭೇಟಿ ನೀಡಿದ್ದರು. ಈ ಸಮಯದಲ್ಲಿ ಅವರು ತನ್ನ ತಾಯಿಯ ಉಂಗುರವನ್ನು ಧರಿಸಿದ್ದರು.

ಜಾನ್ವಿ ಮುಂಬರುವ ಚಿತ್ರಗಳು
ಜಾನ್ವಿ ಇತ್ತೀಚೆಗೆ ಕರಣ್ ಜೋಹರ್ ಅವರ ' ರಾಕಿ ಔರ್ ರಾಣಿ ಕಿ ಪ್ರೇಮ್ ಕಹಾನಿ ' ಚಿತ್ರದಲ್ಲಿ ಅತಿಥಿ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದರು . ಈಗ ಅಭಿಮಾನಿಗಳು ಅವರನ್ನು ಅನೇಕ ದೊಡ್ಡ ಚಿತ್ರಗಳಲ್ಲಿ ನೋಡಲಿದ್ದಾರೆ. ಸದ್ಯ ಆಕೆಯ ಕೈಯ್ಯಲ್ಲಿ 'ಮಿಸ್ಟರ್ ಅಂಡ್ ಮಿಸೆಸ್ ಮಾಹಿ', 'ದೇವ್ರಾ', 'ಬಡೆ ಮಿಯಾನ್ ಚೋಟೆ ಮಿಯಾನ್ 2' ಮತ್ತು ಉಲ್ಜ್ ಚಿತ್ರವಿದೆ. 'ಮಿಸ್ಟರ್ ಅಂಡ್ ಮಿಸಸ್ ಮಹಿ' ಚಿತ್ರದಲ್ಲಿ ರಾಜ್‌ಕುಮಾರ್ ರಾವ್ ಎದುರು ಜಾನ್ವಿ ಜೋಡಿಯಾಗಿದ್ದಾರೆ. ದೇವ್ರಾ ಚಿತ್ರದಲ್ಲಿ ಜಾನ್ವಿ ಜೂನಿಯರ್ ಎನ್‌ಟಿಆರ್ ಜೊತೆ ತೆರೆ ಹಂಚಿಕೊಳ್ಳಲಿದ್ದಾರೆ. ಜಾನ್ವಿ ಕಪೂರ್ 'ಉಲ್ಜ್' ಚಿತ್ರದಲ್ಲಿ ಗುಲ್ಶನ್ ದೇವಿಯಾ ಮತ್ತು ರೋಚೆಲ್ ಮ್ಯಾಥ್ಯೂ ಜೊತೆ ಕೆಲಸ ಮಾಡುತ್ತಿದ್ದಾರೆ. 'ಬಡೆ ಮಿಯಾನ್ ಚೋಟೆ ಮಿಯಾನ್ 2' ಬಹುತಾರಾಗಣದ ಚಿತ್ರವಾಗಿದ್ದು, ಜಾನ್ವಿ ಕಪೂರ್ ಜೊತೆಗೆ ಅಕ್ಷಯ್ ಕುಮಾರ್ ಮತ್ತು ಟೈಗರ್ ಶ್ರಾಫ್ ಕಾಣಿಸಿಕೊಳ್ಳಲಿದ್ದಾರೆ.

https://www.vijayavani.net/heavy-rainfall-to-continue-over-andaman-nicobar-northeast-south-peninsular-india-imd