Donald Trump | ವಿಶ್ವಸಂಸ್ಥೆಯ ಸಾಮಾನ್ಯ ಸಭೆಯಲ್ಲಿ ಟ್ರಂಪ್​ಗೆ ಕೈಕೊಟ್ಟ ಎಸ್ಕಲೇಟರ್, ಟೆಲಿಪ್ರೊಂಪ್ಟರ್ !

Donald Trump: ವಿಶ್ವಸಂಸ್ಥೆಯ ಸಾಮಾನ್ಯ ಸಭೆಗೆ ಭೇಟಿ ನೀಡಿದ ವೇಳೆ ವಿಶ್ವಸಂಸ್ಥೆಯ ಪ್ರಧಾನ ಕಚೇರಿಯಲ್ಲಿ ನಡೆದ ಮೂರು ಘಟನೆಗಳ ಕುರಿತಾಗಿ ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ತನಿಖೆಗೆ ಆದೇಶಿಸಿದ್ದಾರೆ.

ಮಂಗಳವಾರ (ಸೆಪ್ಟೆಂಬರ್ 23) ನ್ಯೂಯಾರ್ಕ್ ನಗರದಲ್ಲಿ ನಡೆದ 80 ನೇ ವಿಶ್ವಸಂಸ್ಥೆಯ ಸಾಮಾನ್ಯ ಸಭೆಯಲ್ಲಿ ಭಾಗವಹಿಸಲು ತೆರಳಿದ್ದ ಟ್ರಂಪ್ ಮತ್ತು ಮೆಲಾನಿಯಾ ಟ್ರಂಪ್, ಸ್ಥಗಿತಗೊಂಡ ಎಸ್ಕಲೇಟರ್, ಅಸಮರ್ಪಕ ಟೆಲಿಪ್ರೊಂಪ್ಟರ್ ಮತ್ತು ಅಸೆಂಬ್ಲಿ ಹಾಲ್‌ನಲ್ಲಿನ ಮೈಕ್​​ ಸಮಸ್ಯೆಗಳು ಕಾಕತಾಳೀಯವಲ್ಲ, ನನ್ನ ಮಹತ್ವವನ್ನು ದುರ್ಬಲಗೊಳಿಸಲು ಮಾಡಿದ ಉದ್ದೇಶಪೂರ್ವಕ ಪ್ರಯತ್ನಗಳೆಂದು ಕಿಡಿಕಾರಿದ್ದಾರೆ

ಬುಧವಾರ ಟ್ರುತ್ ಸೋಶಿಯಲ್‌ನಲ್ಲಿ ಪೋಸ್ಟ್ ಹಂಚಿಕೊಂಡಿರುವ ಟ್ರಂಪ್, ವಿಶ್ವಸಂಸ್ಥೆ ನಾಚಿಕೆಪಡಬೇಕು, ಅಲ್ಲಿ ನಡೆದಿರುವ ಘಟನೆಗಳಿಂದ ತಮಗೆ ಅವಮಾನವಾಗಿದೆ. ಒಂದಲ್ಲ, ಎರಡಲ್ಲ, ಮೂರು ಕೆಟ್ಟ ಘಟನೆಗಳು!" ಎಂದು ಬರೆದಿದ್ದಾರೆ.

ಘಟನೆಗಳ ಹಿನ್ನಲೆ..

• 1. ಮುಖ್ಯ ಭಾಷಣ ಮಹಡಿಗೆ ಹೋಗುವ ವೇಳೆ ಎಸ್ಕಲೇಟರ್ ಮೇಲೆ ನಿಂತ ಸ್ವಲ್ಪ ಸಮಯದ ನಂತರ ಅದು ಕರ್ಕಶ ಶಬ್ದ ಮಾಡುವ ಮೂಲಕ ಬಂದ್​ ಆಯಿತು. ಈ ವೇಳೆ ಇಬ್ಬರು ಬೀಳದಿರುವುದೇ ದೊಡ್ಡದು. ಪ್ರತಿಯೊಬ್ಬರೂ ಹ್ಯಾಂಡ್‌ರೈಲ್ ಅನ್ನು ಬಿಗಿಯಾಗಿ ಹಿಡಿದಿದ್ದೇವೆ ಅಥವಾ ಅದು ನಿಜವಾಗಲೂ ಅಪಾಯದ ಸಂದರ್ಭ, ಇದಕ್ಕೆ ಸಂಬಂಧಪಟ್ಟವರನ್ನು ಬಂಧಿಸಬೇಕು ಎಂದು ಟ್ರಂಪ್​ ಆಗ್ರಹಿಸಿದ್ದಾರೆ.
• 2. 80ನೇ ವಿಶ್ವಸಂಸ್ಥೆಯ ಸಾಮಾನ್ಯ ಸಭೆಯ ಅಧಿವೇಶನದಲ್ಲಿ ಟ್ರಂಪ್​​ ಭಾಷಣ ಆರಂಭಿಸುತ್ತಿದ್ದಂತೆ, ಟೆಲಿಪ್ರಾಂಪ್ಟರ್ ವಿಫಲವಾಯಿತು. ಪ್ರಪಂಚದಾದ್ಯಂತ ಲಕ್ಷಾಂತರ ಜನರು ಮತ್ತು ಸಭಾಂಗಣದಲ್ಲಿ ಪ್ರಮುಖ ನಾಯಕರ ದೂರದರ್ಶನ ಗುಂಪಿನ ಮುಂದೆ ನಾನು ನಿಂತಾಗ, ನನ್ನ ಟೆಲಿಪ್ರಾಂಪ್ಟರ್ ಕೆಲಸ ಮಾಡಲಿಲ್ಲ. ತಕ್ಷಣ ನನ್ನ ಮನಸ್ಸಿಗೆ, 'ವಾವ್, ಮೊದಲು ಎಸ್ಕಲೇಟರ್ ಕಾರ್ಯಕ್ರಮ, ಮತ್ತು ಈಗ ಕೆಟ್ಟ ಟೆಲಿಪ್ರಾಂಪ್ಟರ್. ಇದು ಯಾವ ರೀತಿಯ ಸ್ಥಳ? ಎಂದು ಅನಿಸಿತು ಎಂದಿದ್ದಾರೆ. ಸಭೆಯಲ್ಲಿ ಟ್ರಂಪ್ ಟೆಲಿಪ್ರೊಂಪ್ಟರ್ ಇಲ್ಲದೆ 57 ನಿಮಿಷ ಭಾಷಣ ಮಾಡಿದರು, ಸುಮಾರು 15 ನಿಮಿಷಗಳ ನಂತರ ಮತ್ತೆ ಕಾರ್ಯನಿರ್ವಹಿಸಲು ಪ್ರಾರಂಭಿಸಿತು. ಇದರಲ್ಲಿ ಒಂದೇ ಒಳ್ಳೆಯ ಸುದ್ದಿ ಎಂದರೆ, ಈ ಭಾಷಣಕ್ಕೆ ಅದ್ಭುತ ವಿಮರ್ಶೆಗಳು ಬಂದಿದ್ದು, ಬಹುಶಃ ನಾನು ಮಾಡಿದ್ದನ್ನು ಕೆಲವೇ ಜನರು ಮಾಡಲು ಸಾಧ್ಯ ಎಂಬ ಅಂಶವನ್ನು ಅವರು ಮೆಚ್ಚಿ ಈ ರೀತಿ ಹೇಳಿಕೆಗಳನ್ನು ನೀಡಿರಬಹುದು ಎಂದರು.
• 3. ಟ್ರಂಪ್​​ ಭಾಷಣದ ನಂತರ ವಿಶ್ವಸಂಸ್ಥೆಯ ಸಾಮಾನ್ಯ ಸಭೆಯ ಸಭಾಂಗಣದಲ್ಲಿ ಮೈಕ್​ ವ್ಯವಸ್ಥೆಯು ಆಫ್ ಆಗಿತ್ತು, ಇದರಿಂದಾಗಿ ವಿಶ್ವ ನಾಯಕರು ವ್ಯಾಖ್ಯಾನಕಾರರ ಇಯರ್‌ಪೀಸ್‌ಗಳನ್ನು ಬಳಸದ ಹೊರತು ಅಲ್ಲಿನವರ ಮಾತು ಕೇಳಲು ಸಾಧ್ಯವಾಗಲಿಲ್ಲ. ಈ ಮೂರು ಘಟನೆಗಳು ಅಚಾನಕ್ಕಾಗಿ ನಡೆದಿಲ್ಲ ಎಂದ ಟ್ರಂಪ್, ಇವುಗಳನ್ನು "ವಿಶ್ವಸಂಸ್ಥೆಯಲ್ಲಿ ತ್ರಿವಳಿ ವಿಧ್ವಂಸಕ ಕೃತ್ಯ" ಎಂದು ಕರೆದಿದ್ದಾರೆ. ತಕ್ಷಣವೇ ತನಿಖೆ ಕೈಗೊಳ್ಳುವಂತೆ ವಿಶ್ವಸಂಸ್ಥೆಯ ಪ್ರಧಾನ ಕಾರ್ಯದರ್ಶಿಗೆ ಪತ್ರ ಕಳುಹಿಸಿದ್ದೇನೆ ಮತ್ತು ಎಸ್ಕಲೇಟರ್‌ನಲ್ಲಿರುವ ಎಲ್ಲಾ ಭದ್ರತಾ ಟೇಪ್‌ಗಳನ್ನು ವಿಶೇಷವಾಗಿ ತುರ್ತು ನಿಲುಗಡೆ ಬಟನ್ ಅನ್ನು ಉಳಿಸಬೇಕು ಎಂದು ಕೇಳಿಕೊಂಡಿದ್ದೇನೆ ಎಂದು ಹೇಳಿದರು.(ಏಜೆನ್ಸೀಸ್​​)

https://www.vijayavani.net/national-film-award-jury-member-says-she-hasnt-washed-hands-since-special-handshake-with-king-khan