ಕೇರಳದಲ್ಲಿ ಸದ್ಯ ಈ ಸೋಂಕಿಗೆ ಸಂಬಂಧಿಸಿದ ಎಲ್ಲ ಚಿಕಿತ್ಸೆಯನ್ನೂ ಸರ್ಕಾರವೇ ಉಚಿತವಾಗಿ ಮಾಡುತ್ತಿದೆ. ಸರ್ಕಾರಿ ಆಸ್ಪತ್ರೆ, ಮೆಡಿಕಲ್ ಕಾಲೇಜುಗಳಲ್ಲಿ ಈ ಸೋಂಕಿಗೆ ಚಿಕಿತ್ಸೆ ನೀಡಲಾಗುತ್ತಿದೆ. ಒಂದು ಅಂದಾಜಿನ ಪ್ರಕಾರ, ಪಾಸಿಟಿವ್ ಎಂದು ಗುರುತಿಸಿ ಐಸೋಲೇಟ್ ಮಾಡಿದ ವ್ಯಕ್ತಿಯ ಚಿಕಿತ್ಸೆಗೆ ಸರ್ಕಾರ 20,000 ರೂಪಾಯಿಯಿಂದ 25,000 ರೂಪಾಯಿ ತನಕ ಖರ್ಚು ಮಾಡುತ್ತಿದೆ. ಒಂದೊಮ್ಮೆ ವ್ಯಕ್ತಿಯ ಪರಿಸ್ಥಿತಿ ಗಂಭೀರವಾಗಿ ಐಸಿಯುಗೆ ವರ್ಗಾಯಿಸಿದರೆ ಆಗ ಚಿಕಿತ್ಸೆಯ ವೆಚ್ಚ 50,000 ರೂಪಾಯಿ ಗಡಿ ದಾಟಬಹುದು. ಅಲ್ಲದೆ, ಒಂದೊಮ್ಮೆ ಅವರು ಬೇರೆ ರೋಗಗಳಿಂದಲೂ ಬಳಲುತ್ತಿದ್ದರೆ ಅದರ ವೆಚ್ಚಪ್ರತ್ಯೇಕ. ಅಷ್ಟೇ ಅಲ್ಲ, ರೋಗ ತೀವ್ರತೆ ಹೆಚ್ಚಾಗದೇ ಹೋದರೂ, ರೋಗಿಯನ್ನು 14 ದಿನಗಳ ಬಳಿಕವೇ ಆಸ್ಪತ್ರೆಯಿಂದ ಬಿಡುಗಡೆ ಮಾಡಲಾಗುತ್ತದೆ. ಕೇರಳದಲ್ಲಿನ ಚಿಕಿತ್ಸಾ ಕ್ರಮ ಮತ್ತು ವೆಚ್ಚವನ್ನು ಈ ಕೆಳಗಿನಂತೆ ವಿಂಗಡಿಸಲಾಗಿದೆ.
