ಕ್ರೂಸ್ ಅವರ ಮೊದಲ ವಿವಾಹ 1987ರ ಮೇ ತಿಂಗಳಲ್ಲಿ ಮಿಮಿ ರೋಜರ್ಸ್ ಅವರೊಂದಿಗೆ ಅದ್ಧೂರಿಯಾಗಿ ನಡೆಯಿತು. ದಂಪತಿಗಳು ಮೂರು ವರ್ಷಗಳ ಕಾಲ ಸಂಸಾರ ಸಾಗಿಸಿ, 1990ರಲ್ಲಿ ಬೇರ್ಪಟ್ಟರು. ಡಿಸೆಂಬರ್ 1990ರಲ್ಲಿ, ಎರಡನೇ ಮದುವೆಗೆ ಮುಂದಾದ ಟಾಮ್, ನಿಕೋಲ್ ಕಿಡ್ಮನ್ ಅವರೊಂದಿಗೆ ಉಂಗುರ ಬದಲಿಸಿಕೊಂಡರು. ಇವರೊಂದಿಗೆ 11 ವರ್ಷಗಳ ಕಾಲ ದಾಂಪತ್ಯ ಜೀವನ ನಡೆಸಿದ ಕ್ರೂಸ್, 2001ರಲ್ಲಿ ವಿಚ್ಛೇದನ ಪಡೆದರು. ಅದಾದ ಬಳಿಕ ಮೂರನೇ ವಿವಾಹವು 2006ರಲ್ಲಿ ಕೇಟೀ ಹೋಮ್ಸ್ ಜತೆಗೆ ನಡೆಯಿತು. ಇವರೊಂದಿಗೂ ಸುಖ ಸಂಸಾರ ಸಾಗಿಸದ ಕ್ರೂಸ್, ಆರು ವರ್ಷಗಳ ಬಳಿಕ ಅಂದರೆ 2012ರಲ್ಲಿ ಡಿವೋರ್ಸ್ ನೀಡಿದರು. ಈ ದಂಪತಿಗಳಿಗೆ ಸುರಿ ಎಂಬ ಮಗಳಿದ್ದಾಳೆ.
