ಬೆಂ-ಚೆನ್ನೈ ಕಾರಿಡಾರ್​ನ ಟೋಲ್​ ಶುಲ್ಕ ನಿಗದಿ

ಕೋಲಾರ: ಜರೂರು ಪ್ರಯಾಣಕ್ಕೆ ಅನುಕೂಲವಾಗುವಂತೆ ಮತ್ತು ವ್ಯಾಪಾರ ಉತ್ತೇಜನ ಮುಂದಿಟ್ಟುಕೊಂಡು ನಿರ್ಮಾಣ ಮಾಡಿರುವ ಬೆಂಗಳೂರು-ಚೆನ್ನೈ ಕಾರಿಡಾರ್​ ಅಧಿಕೃತ ಉದ್ಘಾಟನೆಗೂ ಮುನ್ನವೇ ಟೋಲ್​ ಸಂಗ್ರಹಕ್ಕೆ ಅಧಿಸೂಚನೆ ಹೊರಡಿಸಿರುವುದು ವಾಹನ ಮಾಲೀಕರು, ಚಾಲಕರ ಅಸಮಾಧಾನಕ್ಕೆ ಕಾರಣವಾಗಿದೆ.

ಬೆಂಗಳೂರು-ಚೆನ್ನೈ ರಾಷ್ಟ್ರೀಯ ಹೆದ್ದಾರಿಯನ್ನು ಭಾರತೀಯ ಹೆದ್ದಾರಿ ಪ್ರಾಧಿಕಾರದಿಂದ ಜಿಲ್ಲೆಯ ಮಾರ್ಗವಾಗಿ ನಿರ್ಮಾಣ ಮಾಡಲಾಗಿದೆ. ಪ್ರಯೋಗಿಕವಾಗಿ ವಾಹನಗಳ ಸಂಚಾರಕ್ಕೆ ಅನುವು ಮಾಡಿಕೊಟ್ಟಿದ್ದು, ತೆರೆ ಮರೆಯಲ್ಲಿ ಪ್ರಾಧಿಕಾರದ ಅಧಿಕಾರಿಗಳು ವಾಹನಗಳಿಗೆ ಟೋಲ್​ ಶುಲ್ಕ ನಿಗದಿಪಡಿಸಿದ್ದಾರೆ.

ಬೆಂಗಳೂರು ಗ್ರಾಮಾಂತರ ಜಿಲ್ಲೆಯ ಹೋಸಕೋಟೆ ತಾಲೂಕಿನ ಹೆಡಿಗಿನಬೆಲೆ ಆರಂಭಗೊಂಡಂತೆ ಅಗ್ರಹಾರ, ಕೃಷ್ಣಾವರಂ, ಮಾಲೂರು ಮತ್ತು ಕೆಜಿಎ್​ ತಾಲೂಕಿನ ಸುಂದರಪಾಳ್ಯದತನಕ 4 ಟೋಲ್​ ಪ್ಲಾಜಾಗಳಿದ್ದು, ಅಂತರ ಆಧರಿಸಿ ಟೋಲ್​ ಶುಲ್ಕ ವಿಧಿಸಲಾಗಿದೆ.

ಹೊಸಕೋಟೆ ಹೆಡಿಗಿನಬೆಲೆಯಲ್ಲಿ ಟೋಲ್​ ಪ್ಲಾಜಾ ಇದ್ದು, ಇದಾದ ನಂತರ ಕೊನೆಯದಾಗಿ ಕೆಜಿಎಫ್​ ತಾಲೂಕಿನ ಗಡಿ ಸುಂದರಪಾಳ್ಯದ ಸಮೀಪ ಟೋಲ್​ ಪ್ಲಾಜಾ ಇದೆ. ಹೊಸಕೋಟೆಯಿಂದ ಇದೇ ರಸ್ತೆಯಲ್ಲಿ ಮಾಲೂರು ಕಡೆಗೆ ಪ್ರಯಾಣಿಸಬೇಕಾದರೆ ಅಗ್ರಹಾರ ಬಳಿ ಟೋಲ್​ ಸಿಗುತ್ತದೆ.

ಹೊಸಕೋಟೆಯಿಂದ ಕೆಜಿಎಫ್​ಗೆ ತೆರಳುವ ವಾಹನವು ಹೆಡಿಗಿನಬೆಲೆ ಟೋಲ್​ ಪ್ಲಾಜಾದಲ್ಲಿ ಸ್ಕಾ$ನ್​ ಆಗುತ್ತದೆ. ಕಾರು, ಜೀಪು ಚಾಲಕರು ಕೃಷ್ಣಾವರಂ ಟೋಲ್​ ದಾಟಬೇಕಾದರೆ 155 ರೂ. ಸುಂದರಪಾಳ್ಯದ ಟೋಲ್​ ಪ್ಲಾಜಾ ದಾಟಬೇಕಾದರೆ 185 ರೂ. ಶುಲ್ಕ ಪಾವತಿಸಬೇಕು. ಮಾಲೂರು ಕಡೆಗೆ ಪ್ರಯಾಣಿಸುವವರು ಅಗ್ರಹಾರ ಟೋಲ್​ ಪ್ಲಾಜಾದಲ್ಲಿ 65 ರೂ. ಶುಲ್ಕ ಪಾವತಿಸಬೇಕಿದೆ.

ಲಘು ವಾಣಿಜ್ಯ ವಾಹನಗಳು, ಸರಕು ವಾಹನಗಳು, ಮಿನಿ ಬಸ್​ಗಳಿಗೆ ಹೆಡಿಗಿನಬೆಲೆಯಿಂದ ಸುಂದರಪಾಳ್ಯಕ್ಕೆ ಏಕಮುಖ ಪ್ರಯಾಣಕ್ಕೆ 295 ರೂ., ಸುತ್ತುವರಿದ ಪ್ರಯಾಣಕ್ಕೆ 445 ರೂ. ವಿಧಿಸಲಾಗುತ್ತದೆ. ಸುಂದರಪಾಳ್ಯದಿಂದ ಹೆಡಿಗಿನಬೆಲೆಗೆ ಏಕಪ್ರಯಾಣಕ್ಕೆ 305 ರೂ. ಮತ್ತು ಸುತ್ತುವರಿದ ಪ್ರಯಾಣಕ್ಕೆ 455 ರೂ. ಆಗುತ್ತದೆ.

ಇನ್ನು ಟ್ರಕ್​ಗಳು ಮತ್ತು ಬಸ್​ಗಳಂತಹ ದೊಡ್ಡ ವಾಹನಗಳಿಗೆ, ಹೆಡಿಗಿನಬೆಲೆಯಿಂದ ಸೂರ್ಯಪಾಳ್ಯಕ್ಕೆ ಏಕಮುಖ ಪ್ರಯಾಣಕ್ಕೆ 620 ರೂ. ಮತ್ತು ಸುತ್ತುವರಿದ ಪ್ರಯಾಣಕ್ಕೆ 930 ರೂ., ಬಂದ ದಾರಿಯಿಂದ ವಾಪಸ್​ ಹೋಗುವ ವಾಹನಗಳಿಗೆ 635 ರೂ. ಮತ್ತು 955 ರೂ. ಶುಲ್ಕ ನಿಗದಿ ಮಾಡಲಾಗಿದೆ.

ಸದ್ಯಕ್ಕೆ ನಾಲ್ಕು ಪಥದ ಈ ಹೆದ್ದಾರಿಯು ಹೊಸಕೋಟೆಯಿಂದ ಮಾಲೂರು, ಬಂಗಾರಪೇಟೆ, ಬೇತಮಂಗಲ, ಕೆಜಿಎಫ್​ ನಗರ ಸಂಪರ್ಕಿಸುತ್ತದೆ. ನಂತರ ಆಂಧ್ರಪ್ರದೇಶ ಹಾಗೂ ತಮಿಳುನಾಡಿನ ಕೆಲ ನಗರಗಳ ಮೂಲಕ ಹಾದು ಚೆನ್ನೆ$ ತಲುಪುತ್ತದೆ. ಒಟ್ಟು 288 ಕಿ.ಮೀ ಉದ್ದದ ಎಕ್ಸ್​ಪ್ರೆಸ್​ವೇ ಇದಾಗಿದ್ದು, ಕೊನೆಯ ಮೈಲಿ ಸಂಪರ್ಕ ಸುಧಾರಿಸಲು, ಗ್ರಾಮ ಮತ್ತು ಜಿಲ್ಲಾ ರಸ್ತೆಗಳನ್ನು ನವೀಕರಿಸಲು ಹೆದ್ದಾರಿ ಪ್ರಾಧಿಕಾರ ಹಣ ಬಿಡುಗಡೆ ಮಾಡಲಿದೆ ಎಂದು ಪ್ರಾಧಿಕಾರದ ಅಧಿಕಾರಿಗಳು ತಿಳಿಸಿದ್ದಾರೆ.

* ದ್ವಿಚಕ್ರ ಸಂಚಾರಕ್ಕೆ ರ್ನಿಬಂಧ

ಜಿಲ್ಲಾ ವ್ಯಾಪ್ತಿಯಲ್ಲಿ ಹಾದು ಹೋಗಿರುವ ಹೆದ್ದಾರಿಯಲ್ಲಿ ಅಪಘಾತಗಳನ್ನು ತಡೆಗಟ್ಟಲು ಈಗಾಗಲೇ ಪೊಲೀಸ್​ ಅಧಿಕಾರಿಗಳು ಕ್ರಮವಹಿಸಿದ್ದಾರೆ. ಕಾರು, ಬಸ್​, ಲಾರಿ ಸೇರಿ ದೊಡ್ಡ ಗಾತ್ರದ ವಾಹನಗಳ ವೇಗಕ್ಕೆ ದ್ವಿಚಕ್ರ ವಾಹನಗಳು ಹೊಂದಿಕೊಂಡು ಸಂಚರಿಸಲು ಆಗುವುದಿಲ್ಲ. ಆ ವೇಳೆ ಅಪಘಾತ ಸಂಭವಿಸುವ ಸಾಧ್ಯತೆ ಇರುತ್ತದೆ. ಆದ್ದರಿಂದ ಹೆದ್ದಾರಿಯಲ್ಲಿ ದ್ವಿಚಕ್ರವಾಹನಗಳ ಸಂಚಾರ ರ್ನಿಬಂಧಿಸಲಾಗಿದೆ.