ಸದ್ಯ ಲಾಕ್ಡೌನ್ನಿಂದ ಸಾವಿರಾರು ಕುಟುಂಬಗಳು ಅತಂತ್ರವಾಗಿವೆ. ಆಸರೆಗೆ ಸೂರು, ಹೊಟ್ಟೆಗೆ ಹಿಟ್ಟಿಲ್ಲದೇ ಬದುಕಿನ ಬಂಡಿ ದೂಡಲು ಕಣ್ಣೀರು ಸುರಿಸುತ್ತಿವೆ. ಹಾಗಾಗಿ, ‘ಎಲ್ಲರನ್ನೂ ಒಂದುಗೂಡಿಸಲು ದೇವರೇ ಇಂಥದ್ದೊಂದು ಅವಕಾಶ ಸೃಷ್ಟಿಸಿದ್ದಾನೆ’ ಎಂದು ಭಾವಿಸಬೇಕು. ಜಾತಿ, ಭೇದ ಮರೆತು ಸಂಕಷ್ಟದಲ್ಲಿರುವವರಿಗೆ ನೆರವಾಗಬೇಕು. ಸಮಾಜದ ಹಿತ ಕಾಯುವುದೇ ನಮ್ಮ ಆದ್ಯತೆಯಾಗಬೇಕು. ಕರೊನಾ ಅಬ್ಬರ ನಿಲ್ಲಲಿ. ಮಂದಿರ, ಮಸೀದಿ ಮತ್ತು ಚರ್ಚ್ಗಳ ಬಾಗಿಲು ತೆರೆದು, ಸರ್ವಧರ್ವಿುಯರು ಒಂದಾಗಿ ಬಾಳುವಂತಾಗಲಿ. ಉತ್ತಮ ಮಳೆ ಸುರಿದು, ರೈತರ ಬಾಳು ಹಸನಾಗಲಿ. ದುಡಿಯುವ ಕೈಗಳಿಗೆ ಕೆಲಸ ಸಿಗಲಿ. ಮುಂದಿನ ವರ್ಷ ರಂಜಾನ್ ಹಬ್ಬವನ್ನು ಸಂಭ್ರಮದಿಂದ ಆಚರಿಸುವಂತಾಗಲಿ ಎಂದು ‘ಅಲ್ಲಾಹ್’ನಲ್ಲಿ ಸದಾಕಾಲ ಪ್ರಾರ್ಥಿಸಬೇಕು.
