ಮೀನನ್ನು ತಿಂದ ಈ ಮಹಿಳೆ ಕೈ-ಕಾಲು ಎರಡೂ ಕಳೆದುಕೊಂಡಳು: ಆಗಿದ್ದಾದರೂ ಏನು?

ನವದೆಹಲಿ: ಮೀನನ್ನು ತಿಂದ ಮಹಿಳೆಯೊಬ್ಬಳು ಕೈಗಳ ಜತೆಗೆ ಕಾಲುಗಳನ್ನೂ ಕಳೆದುಕೊಂಡ ಅಚ್ಚರಿಯ ಪ್ರಕರಣವೊಂದು ನಡೆದಿದೆ. ಈ ಮಹಿಳೆ ಟಿಲೇಪಿಯಾ ಎಂಬ ಮೀನನ್ನು ತಿಂದ ಬಳಿಕ ಈ ರೀತಿ ಆಗಿದೆ. ಕ್ಯಾಲಿಪೋರ್ನಿಯಾದಲ್ಲಿ ಈ ಘಟನೆ ನಡೆದಿದೆ.

ಇಲ್ಲಿನ 40 ವರ್ಷದ ಲಾರಾ ಬರಾಜಸ್ ಎಂಬ ಮಹಿಳೆ ಇಂಥದ್ದೊಂದು ಸಂಕಷ್ಟಕ್ಕೆ ಒಳಗಾಗಿದ್ದಾಳೆ. ಕೆಲವು ದಿನಗಳ ಹಿಂದೆ ಈ ಮೀನನ್ನು ತಿಂದಿದ್ದ ಈಕೆ ತಿಂಗಳುಗಳ ಕಾಲ ಆಸ್ಪತ್ರೆಯಲ್ಲಿದ್ದು, ಕೊನೆಗೂ ಆಕೆಯ ಕೈ ಹಾಗೂ ಕಾಲುಗಳನ್ನು ಶಸ್ತ್ರಚಿಕಿತ್ಸೆ ಮಾಡಿ ತೆಗೆಯಲಾಗಿದೆ.

ಇದನ್ನೂ ಓದಿ: ಈಕೆಯ ಕೈ ಸ್ಕ್ಯಾನ್ ಮಾಡಿದ್ರೆ ಸಾಕು ಹಣ ಕಳಿಸಿಕೊಡಬಹುದು; ಇದಕ್ಕಿಂತ ‘ಡೈರೆಕ್ಟ್ ಟ್ರಾನ್ಸ್​ಫರ್’​ ಅಸಾಧ್ಯ ಅನಿಸುತ್ತೆ!

ಈಕೆ ತೀವ್ರವಾದ ರೋಗಕ್ಕೆ ಒಳಗಾಗಿದ್ದ ಟಿಲೇಪಿಯಾ ಎಂಬ ಮೀನನ್ನು ಸೇವಿಸಿದ್ದಳು. ಅಲ್ಲದೆ ಅದನ್ನು ಸರಿಯಾಗಿ ಬೇಯಿಸಿರಲಿಲ್ಲ. ಹೀಗಾಗಿ ಅದರಲ್ಲಿನ ಒಂದು ಭಾರಿ ಬ್ಯಾಕ್ಟೀರಿಯಾದಿಂದ ಈಕೆ ಸೋಂಕಿಗೆ ಒಳಗಾಗಿ ತೀವ್ರ ಅಸ್ವಸ್ಥಗೊಂಡಿದ್ದಳು. ಈಕೆ ಇಲ್ಲಿನ ಸ್ಥಳೀಯ ಸ್ಯಾನ್​ಜೋಸ್​​ನ ಮಾರ್ಕೆಟ್​ನಲ್ಲಿ ಮೀನು ಖರೀದಿಸಿದ್ದಳು.

ಇದನ್ನೂ ಓದಿ: ಮಹಿಳೆಯರೇ ಹುಷಾರು: ‘ಶಕ್ತಿ’ ಮೀರಿ ಪ್ರಯಾಣಿಸುವ ಮುನ್ನ ಎಚ್ಚರಿಕೆ ಇರಲಿ..

ಈ ರೋಗಗ್ರಸ್ಥ ಮೀನನ್ನು ತಿಂದ ಬಳಿಕ ಈಕೆಯ ಕೈ ಬೆರಳುಗಳು ಹಾಗೂ ಕಪ್ಪಿಟ್ಟುಕೊಂಡಿವೆ. ಹಾಗೆಯೇ ದೇಹದ ನಾನಾ ಕಡೆ ಕಪ್ಪು ಕಟ್ಟಿದ್ದು, ಬಳಿಕ ಈಕೆ ಕೋಮಾಗೂ ಒಳಗಾಗಿದ್ದಳು. ಕೊನೆಗೂ ಆಸ್ಪತ್ರೆಯಲ್ಲಿ ತಿಂಗಳ ಕಾಲ ಚಿಕಿತ್ಸೆ ಪಡೆದ ಬಳಿಕ ಈಕೆ ಚೇತರಿಸಿಕೊಂಡಿದ್ದು, ಗುರುವಾರ ಕೈ-ಕಾಲುಗಳನ್ನು ಸರ್ಜರಿ ಮೂಲಕ ತೆಗೆಯಲಾಗಿದೆ. -ಏಜೆನ್ಸೀಸ್

https://www.vijayavani.net/raping-a-35-year-old-woman-for-several-years-as-part-of-a-black-magic

https://www.vijayavani.net/defence-ministry-clears-proposal-to-buy-pralay-ballistic-missiles-for-indian-army