ನಾಗ್ಪುರದಲ್ಲಿ ಆರ್‌ಎಸ್‌ಎಸ್​​​ನಿಂದ ವಿಜಯದಶಮಿ ಉತ್ಸವ: ಈ ಬಾರಿ ಮುಖ್ಯ ಅತಿಥಿ ಯಾರು ಗೊತ್ತಾ?

ನಾಗ್ಪುರ: ಈ ಬಾರಿ ವಿಜಯದಶಮಿ (ದಸರಾ) ಹಬ್ಬವನ್ನು ಮಹಾರಾಷ್ಟ್ರದ ನಾಗ್ಪುರದಲ್ಲಿರುವ ಆರ್‌ಎಸ್‌ಎಸ್ ಪ್ರಧಾನ ಕಚೇರಿಯಲ್ಲಿ ವಿಜೃಂಭಣೆಯಿಂದ ಆಚರಿಸಲಾಗುವುದು. ಗಾಯಕ ಮತ್ತು ಸಂಗೀತಗಾರ ಶಂಕರ್ ಮಹಾದೇವನ್ ಈ ವರ್ಷದ ಸಮಾರಂಭದಲ್ಲಿ ಮುಖ್ಯ ಅತಿಥಿಯಾಗಿ ಭಾಗವಹಿಸಲಿದ್ದಾರೆ. ಆರೆಸ್ಸೆಸ್ ಮುಖ್ಯಸ್ಥ ಮೋಹನ್ ಭಾಗವತ್ ಅವರ ಉಪಸ್ಥಿತಿಯಲ್ಲಿ ಅಕ್ಟೋಬರ್ 24 ರಂದು ನಾಗ್ಪುರದಲ್ಲಿ ಸಮಾರಂಭ ನಡೆಯಲಿದೆ. ಈ ಕಾರ್ಯಕ್ರಮದಲ್ಲಿ ಶಂಕರ್ ಮಹದೇವನ್ ವಿಶೇಷ ಪ್ರದರ್ಶನ ನೀಡುವರು.

ಕಳೆದ ವರ್ಷ ಮುಖ್ಯ ಅತಿಥಿಯಾಗಿದ್ದ ಸಂತೋಷ್ ಯಾದವ್
ಕಳೆದ ವರ್ಷ ಆರ್‌ಎಸ್‌ಎಸ್‌ನ ವಿಜಯದಶಮಿ ಉತ್ಸವದಲ್ಲಿ ಮಹಿಳೆಯೊಬ್ಬರು ಮುಖ್ಯ ಅತಿಥಿಯಾಗಿ ಭಾಗವಹಿಸಿದ್ದರು. ಈ ಕಾರ್ಯಕ್ರಮಕ್ಕೆ ಮೊದಲ ಬಾರಿಗೆ ಪರ್ವತಾರೋಹಿ ಸಂತೋಷ್ ಯಾದವ್ ಅವರನ್ನೂ ಸಂಘ ಆಹ್ವಾನಿಸಿತ್ತು. ಸಂಘವು 1925 ರಲ್ಲಿ ಪ್ರಾರಂಭವಾದಾಗಿನಿಂದ ಪ್ರತಿ ವರ್ಷ ನಾಗ್ಪುರದಲ್ಲಿ ದಸರಾ ಕಾರ್ಯಕ್ರಮ ಆಯೋಜಿಸಲಾಗುತ್ತಿದೆ. ಇದು ನಾಗಪುರದಲ್ಲಿ 98ನೇ ಆರ್‌ಎಸ್‌ಎಸ್‌ನ 'ವಿಜಯದಶಮಿ ಉತ್ಸವ' ಆಗಲಿದೆ.

ಸಂತೋಷ್ ಯಾದವ್ ಯಾರು?
ಸಂತೋಷ್ ಯಾದವ್ ಎರಡು ಬಾರಿ ಮೌಂಟ್ ಎವರೆಸ್ಟ್ ಏರಿದ ಮೊದಲ ಮಹಿಳೆ. ಸಂತೋಷ್ 1992 ರಲ್ಲಿ ಮೊದಲ ಬಾರಿಗೆ ಮತ್ತು 1993 ರಲ್ಲಿ ಎರಡನೇ ಬಾರಿಗೆ ಎವರೆಸ್ಟ್ ಶಿಖರವನ್ನು ಏರಿದರು. ಈ ಮೂಲಕ ವಿಶ್ವ ದಾಖಲೆಯನ್ನೂ ನಿರ್ಮಿಸಿದ್ದಾರೆ. ಕಾಂಗ್‌ಸಂಗ್‌ನಿಂದ ಮೌಂಟ್ ಎವರೆಸ್ಟ್ ಏರಿದ ವಿಶ್ವದ ಮೊದಲ ಮಹಿಳೆ ಎಂಬ ಹೆಗ್ಗಳಿಕೆಗೂ ಸಂತೋಷ್ ಪಾತ್ರರಾಗಿದ್ದಾರೆ.

1968 ರಲ್ಲಿ ಹರಿಯಾಣದ ರೇವಾನಿ ಜಿಲ್ಲೆಯಲ್ಲಿ ಜನಿಸಿದ ಸಂತೋಷ್ ಯಾದವ್ ಅವರು ವಾಸಿಸುವ ಪ್ರದೇಶದಲ್ಲಿ ಹೆಣ್ಣುಮಕ್ಕಳ ಶಿಕ್ಷಣಕ್ಕೆ ಹೆಚ್ಚಿನ ಗಮನ ನೀಡಲಿಲ್ಲ, ಆದರೆ ಸಂತೋಷ್ ಅವರ ಕುಟುಂಬವು ಆಕೆಗೆ ಶಿಕ್ಷಣ ನೀಡಿತು. ಹೆಚ್ಚಿನ ವಿದ್ಯಾಭ್ಯಾಸಕ್ಕಾಗಿ ಸಂತೋಷ್ ಅವರನ್ನು ಜೈಪುರಕ್ಕೆ ಕಳುಹಿಸಲಾಯಿತು, ಅಲ್ಲಿ ಅವರು ಮಹಾರಾಣಿ ಕಾಲೇಜಿನಲ್ಲಿ ಹೆಚ್ಚಿನ ಅಧ್ಯಯನ ಮಾಡಿದರು.

https://www.vijayavani.net/asian-games-2023-dipika-pallikal-harinder-sandhu-win-squash-final