ಪ್ರವಾಸಿಗರೇ ಎಚ್ಚರ; ಇನ್ಮುಂದೆ ಈ ನಗರದಲ್ಲಿ ಸೆಲ್ಫಿ ತೆಗೆದರೆ ಬೀಳಲಿದೆ 24 ಸಾವಿರ ರೂ. ದಂಡ!

ಇಟಲಿ: ಪ್ರವಾಸ ಪ್ರಿಯರ ನೆಚ್ಚಿನ ದೇಶಗಳಲ್ಲಿ ಇಟಿಲಿಯೂ ಒಂದು. ಇಲ್ಲಿಗೆ ದೇಶ-ವಿದೇಶಗಳಿಂದ ಸಾಕಷ್ಟು ಸಂಖ್ಯೆಯಲ್ಲಿ ಪ್ರವಾಸಿಗರು ಬರುತ್ತಾರೆ. ಸಮುದ್ರ ಕಿನಾರೆ, ಹಳೆಯ ಕಾಲದ ಕಟ್ಟಡಗಳು ಇಲ್ಲಿನ ವೈಶಿಷ್ಟ್ಯ. ಇವುಗಳನ್ನು ಕಣ್ತುಂಬಿಕೊಳ್ಳಲು ಪ್ರವಾಸಿಗರು ಇಷ್ಟ ಪಡುವ ಪ್ರವಾಸಿಗರು ಸೆಲ್ಫಿ ತೆಗೆಯುವುದು ಸಾಮಾನ್ಯ.

ಇದನ್ನೂ ಓದಿ: VIDEO | ಮಕ್ಕಳನ್ನು ಕಡ್ಡಾಯವಾಗಿ ಶಾಲೆಗೆ ಕಳುಹಿಸುವಂತೆ ವಿನಂತಿಸಿದ ಪೊಲೀಸ್; ಅಧಿಕಾರಿಯ ಕಾರ್ಯಕ್ಕೆ ಸಿಎಂ ಶ್ಲಾಘನೆ

ಇದೀಗ ಇಟಲಿ ದೇಶದ ರಿವೇರಿಯಾದಲ್ಲಿ ಪ್ರವಾಸಿಗರಿಗಾಗಿ ಹೊಸ ಕಾನೂನೊಂದನ್ನು ಜಾರಿಗೊಳಿಸಿದೆ. ಇಟಲಿಯ ಅತ್ಯಂತ ವರ್ಣರಂಜಿತ ಪಟ್ಟಣಗಳಲ್ಲಿ ಒಂದಾದ ಪೋರ್ಟೊಫಿನೊ ಪಟ್ಟಣದಲ್ಲಿ ಪ್ರವಾಸಿಗರು ಫೋಟೋ, ಸೆಲ್ಫಿ ತೆಗೆಯುವುದನ್ನು ನಿರ್ಬಂಧಿಸಿದೆ. ಇದಕ್ಕಾಗಿ ನೋ-ವೇಟಿಂಗ್ ಝೋನ್‌ಗಳನ್ನು ಪರಿಚಯಿಸಿದೆ ಎಂದು ಅಂತಾರಾಷ್ಟ್ರೀಯ ಮಾಧ್ಯಮಗಳು ವರದಿ ಮಾಡಿವೆ.

24,777 ರೂ. ದಂಡ!

ಪ್ರವಾಸಿಗರು ಪೋರ್ಟೊಫಿನೊ ಪಟ್ಟಣದಲ್ಲಿ ಸೆಲ್ಫಿ ತೆಗೆದರೆ 275 ಯೂರೋ(24,777ರೂ.) ದಂಡ ವಿಧಿಸಲಾಗುವುದು ಎಂದು ಸೂಚನೆ ಹೊರಡಿಸಿದೆ. ರಜಾ ದಿನಗಳಲ್ಲಿ ಈ ಪ್ರದೇಶಗಳಲ್ಲಿ ಹೆಚ್ಚಿನ ಸಂಖ್ಯೆಯ ಪ್ರವಾಸಿಗರಿಂದ ದಟ್ಟಣೆ ಉಂಟಾಗುತ್ತಿದೆ. ನಗರದ ಬೀದಿಗಳಲ್ಲಿ ನಿಂತು ಸೆಲ್ಫಿ ತೆಗೆಯುವುದು, ಫೋಟೋಶೂಟ್ ಮಾಡಿಸಿಕೊಳ್ಳುತ್ತಿದ್ದಾರೆ. ಇದರಿಂದ ಸಂಚಾರ ದಟ್ಟಣೆ ಉಂಟಾಗುತ್ತಿದೆ. ಹೀಗಾಗಿ ಸೆಲ್ಫಿ ತೆಗೆದರೆ ದಂಡ ವಿಧಿಸುವ ಕಾನೂನು ಜಾರಿಗೊಳಿಸಲಾಗಿದೆ. ಈ ನಿರ್ಬಂಧ ಬೆಳಗ್ಗೆ 10.30ರಿಂದ ಸಂಜೆ 6ರವರೆಗೆ ಇರಲಿದೆ ಎಂದು ಎಂದು ಪೋರ್ಟೊಫಿನೊದ ಮೇಯರ್ ಮ್ಯಾಟಿಯೊ ವಿಯಾಕಾವಾ ತಿಳಿಸಿರುವುದಾಗಿ ವರದಿಯಾಗಿದೆ. (ಏಜೆನ್ಸೀಸ್)

ಇದನ್ನೂ ಓದಿ: ಕಾನೂನಿಂದ ಬೇರ್ಪಟ್ಟ ಇವರು ನೆಟ್​ಫ್ಲಿಕ್ಸ್​ನಿಂದ ಒಂದಾಗಿದ್ದಾರೆ! ಫೋಟೋ ಜತೆಗೆ ಸಚಿವರ ಶೀರ್ಷಿಕೆಯೂ ವೈರಲ್…

https://www.vijayavani.net/success-story-meet-ips-k-parashuram-government-of-karnataka/

https://www.vijayavani.net/girl-registers-record-setting-8-hour-swim-in-village-pond/