ಹಾವುಗಳು ಹಿಂದಕ್ಕೆ ತೆವಳಲು ಸಾಧ್ಯವಿಲ್ಲ ಏಕೆ ಗೊತ್ತಾ? ಇಲ್ಲಿದೆ ನೋಡಿ ಅಚ್ಚರಿಯ ಕಾರಣ! Snakes

Snakes : ಹಾವುಗಳನ್ನು ಕಂಡರೆ ಹೆದರಿ ಓಡುವವರೇ ಹೆಚ್ಚು. ತುಂಬಾ ಅಪಾಯಕಾರಿ ಜೀವಿಗಳಲ್ಲಿ ಹಾವುಗಳು ( Snakes ) ಕೂಡ ಒಂದು. ಈ ಜೀವಿ ಶತಮಾನಗಳಿಂದ ಜನರ ಜೀವಕ್ಕೆ ಬೆದರಿಕೆಯಾಗಿದ್ದು, ಪ್ರಾಚೀನ ಕಾಲದಿಂದಲೂ ಜಗತ್ತಿನಲ್ಲಿ ವಾಸಿಸುತ್ತಿರುವ ಜೀವಿಯಾಗಿದೆ. ಈ ಭೂಮಿಯ ಮೇಲೆ ಸುಮಾರು 3000 ಜಾತಿಯ ಹಾವುಗಳು ವಾಸಿಸುತ್ತಿವೆ. ಆದರೆ, ಎಲ್ಲ ಹಾವುಗಳು ವಿಷಕಾರಿಯಲ್ಲ. ಕೆಲವೊಂದು ಸೌಮ್ಯ ಸ್ವಭಾವಾದ ಹಾವುಗಳಿವೆ. ಕೆಲವು ಹಾವುಗಳು ಜೀವಕ್ಕೆ ಮಾರಕವಾಗುವ ವಿಷವನ್ನು ಹೊಂದಿರುತ್ತವೆ.

ಹಾವುಗಳ ಬಗ್ಗೆ ಮಾನವ ತಿಳಿದುಕೊಳ್ಳಬೇಕಾದ ಸಾಕಷ್ಟು ಸಂಗತಿಗಳಿವೆ. ಅವುಗಳಲ್ಲಿ ಒಂದು ವಿಚಾರವನ್ನು ನಾವೀಗ ತಿಳಿದುಕೊಳ್ಳೋಣ. ನಿಮಗೆ ಗೊತ್ತಾ ಹಾವುಗಳು ಹಿಂದಕ್ಕೆ ಚಲಿಸಲು ಸಾಧ್ಯವಿಲ್ಲ? ಇತರೆ ಜೀವಿಗಳು ಹಿಂದಕ್ಕೆ ಚಲಿಸಬಹುದಾದರೂ, ಹಾವುಗಳು ಮಾತ್ರ ಈ ವಿಚಾರದಲ್ಲಿ ಭಿನ್ನವಾಗಿವೆ. ಅವುಗಳ ದೇಹವು ಹಿಂದಕ್ಕೆ ಚಲಿಸುವ ರೀತಿ ವಿನ್ಯಾಸಗೊಂಡಿಲ್ಲ. ಇದರ ಹಿಂದಿರುವ ಒಂದು ಪ್ರಮುಖ ಕಾರಣವೆಂದರೆ ಹಾವಿನ ಅಂಗರಚನಾಶಾಸ್ತ್ರ ಮತ್ತು ಚಲಿಸುವ ವಿಧಾನವಾಗಿದೆ.

ನೀವು ಎಂದಾದರೂ ಹಾವಿನ ಕೆಳಭಾಗವನ್ನು ಹತ್ತಿರದಿಂದ ನೋಡಿದ್ದರೆ, ಅವುಗಳ ಹೊಟ್ಟೆಯ ಕೆಳಭಾಗದಲ್ಲಿ ದೊಡ್ಡದಾದ ಪೊರೆಗಳನ್ನು ನೀವು ಗಮನಿಸಬಹುದು. ಇವುಗಳನ್ನು ವೆಂಟ್ರಲ್ ಸ್ಕೇಲ್ಸ್​ ಎಂದು ಕರೆಯಲಾಗುತ್ತದೆ. ಈ ಪೊರೆ​ ಹಾವಿನ ಹಿಂಭಾಗದಲ್ಲಿ ನೆಲೆಗೊಂಡಿವೆ ಮತ್ತು ಅದು ಮುಂದಕ್ಕೆ ತೆವಳಲು ಸಹಾಯ ಮಾಡುತ್ತವೆ. ಆದಾಗ್ಯೂ, ಹಿಂದಕ್ಕೆ ತೆವಳುವಾಗ, ಈ ಪೊರೆಗಳು​ ತಡೆಗೋಡೆಯಾಗಿ ಕಾರ್ಯನಿರ್ವಹಿಸುತ್ತವೆ ಮತ್ತು ಅದು ಹಿಂದಕ್ಕೆ ಚಲಿಸದಂತೆ ತಡೆಯುತ್ತವೆ.

ಇದನ್ನೂ ಓದಿ: ಸಿದ್ದಾಪುರದಲ್ಲಿ ಸೆ*ಕ್ಸ್‌ ಸ್ಕ್ಯಾಂಡಲ್‌..? ವಿಡಿಯೋ ಮಾಡಿ ಯುವಕ ಆತ್ಮ*ಹತ್ಯೆ

ಆದರೆ, ಅಪರೂಪದ ಸಂದರ್ಭಗಳಲ್ಲಿ, ವಿಶೇಷವಾಗಿ ಬಿಗಿಯಾದ ಸ್ಥಳಗಳಲ್ಲಿ ಸಿಕ್ಕಿಹಾಕಿಕೊಂಡಾಗ, ಹಾವುಗಳು ಸ್ವಲ್ಪ ಮಟ್ಟಿಗೆ ಹಿಂದಕ್ಕೆ ಚಲಿಸಬಹುದು. ಆದರೆ ಚಲನೆ ನಿಧಾನವಾಗಿರುವುದರಿಂದ ಕಷ್ಟವಾಗುತ್ತದೆ. ಹೆಚ್ಚಿನ ಹಾವುಗಳಿಗೆ, ಹಿಂದಕ್ಕೆ ಜಾರುವುದು ಕಷ್ಟಕರ ಮಾತ್ರವಲ್ಲ, ಅದು ಶಕ್ತಿಯ ವ್ಯರ್ಥವೂ ಆಗಿದೆ.

ಆದಾಗ್ಯೂ, ಹಲ್ಲಿಗಳಂತಹ ಕಾಲುಗಳನ್ನು ಹೊಂದಿರುವ ಸರೀಸೃಪಗಳು ಅಗತ್ಯವಿದ್ದಾಗ ಹಿಂದಕ್ಕೆ ಚಲಿಸಬಹುದು. ಅದೇ ರೀತಿ, ಮೊಸಳೆಗಳು ಮತ್ತು ಅಲಿಗೇಟರ್‌ಗಳು ತಮ್ಮ ಅಂಗಗಳನ್ನು ಬಳಸಿಕೊಂಡು ಹಿಂದಕ್ಕೆ ನಡೆಯಬಹುದು. ಕೆಲವು ಇರುವೆಗಳು ಮತ್ತು ಜೇಡಗಳು ಹಿಂದಕ್ಕೆ ಚಲಿಸುವ ಸಾಮರ್ಥ್ಯವನ್ನು ಹೊಂದಿವೆ. ಆದರೆ, ಹಾವು ಮಾತ್ರ ಹಿಂದಕ್ಕೆ ಚಲಿಸಲು ಸಾಧ್ಯವಾಗುವುದಿಲ್ಲ. (ಏಜೆನ್ಸೀಸ್​)

https://www.vijayavani.net/king-cobras-found-near-mt-everest-heres-why-experts-are-worried

https://www.vijayavani.net/sensation-in-the-meghalaya-honeymoon-case-i-killed-myself-sonam-confesses-to-the-crime