ಡಿಜಿಟಲ್ ಕ್ರಿಯೇಟರ್ ನಿಹಾರಾ ಸಚ್ದೇವ ಅಲೋಪೆಸಿಯಾ ಏರಿಯಾಟಾ ಸಮಸ್ಯೆಯಿಂದ ಬಳಲುತ್ತಿದ್ದಾರೆ. ಇದು ಕೂದಲು ಉದುರುವ ಒಂದು ಕಾಯಿಲೆಯಾಗಿದೆ. ಈ ಕಾಯಿಲೆಯಿಂದ ದೇಹದ ಎಲ್ಲಾ ಭಾಗದಲ್ಲಿರುವ ಕೂದಲುಗಳು ಉದುರಿ ಹೋಗುತ್ತವೆ. ಈ ಒಂದು ವಿಚಿತ್ರ ಸಮಸ್ಯೆಯಿಂದ ಬಳಲುತ್ತಿದ್ದ ನಿಹಾರಾ ಸಚ್ದೇವ, ತುಂಬಾ ಚಿಕ್ಕ ವಯಸ್ಸಿನಲ್ಲಿಯೇ ತಮ್ಮ ತಲೆಗೂದಲನ್ನು ಕಳೆದುಕೊಂಡರು. ಆರಂಭದಲ್ಲಿ ಅವರು ವಿಗ್ನ ಮೊರೆ ಹೋದರು. ಆಮೇಲೆ ಈ ಎಲ್ಲಾ ಕೀಳರಿಮೆಯಿಂದ ಆಚೆ ಬಂದು ತನ್ನ ನೈಸರ್ಗಿಕ ಸೌಂದರ್ಯವೇ ನನ್ನ ಅಸಲಿ ಗುರುತು ಎಂದು ನಿರ್ಧರಿಸಿ ತಮ್ಮ ಇಡೀ ತಲೆಯನ್ನೇ ಬೋಳಿಸಿಕೊಂಡರು. ಅವರ ಮದುವೆಯ ದಿನದಂದೂ ಕೂಡ ಅವರು ವಿಗ್ ಧರಿಸದೇ ಬೋಳು ತಲೆಯಲ್ಲಿಯೇ ಮದುವೆಯ ಎಲ್ಲ ವಿಧಿ ವಿಧಾನಗಳಲ್ಲೂ ಭಾಗಿಯಾದರು.
