Nose breathing health benefits: ಮುಖದ ಅಂದವನ್ನು ಹೆಚ್ಚಿಸುವ ಮೂಗು, ಮಹಿಳೆಯರಿಗೆ ಮೂಗುಬೊಟ್ಟು ಧರಿಸಿ ಚೆಂದ ಹೆಚ್ಚಿಸಿಕೊಳ್ಳುವ ಅಂಗವೂ ಹೌದು. ಆದರೆ ಮೂಗಿನ ಕೆಲಸ ಕೇವಲ ಉಸಿರಾಟಕ್ಕೆ ಮಾತ್ರ ಸೀಮಿತವಲ್ಲ; ಇದು ನಮ್ಮ ಶ್ವಾಸಕೋಶವನ್ನು ಕಾಯುವ ನಿಸರ್ಗದ ಸ್ವಯಂಚಾಲಿತ ರಕ್ಷಣಾ ಕವಚ. ದೇಹದ ಒಳಗೆ ಇದು ಹೇಗೆಲ್ಲ ಕೆಲಸ ಮಾಡುತ್ತದೆ ಎಂಬ ಸಂಪೂರ್ಣ ಮಾಹಿತಿ ಇಲ್ಲಿದೆ.
1. ಧೂಳು ತಡೆಯುವ ಫಿಲ್ಟರ್
ಮೂಗಿನ ಒಳಗಡೆ ಇರುವ ಸಣ್ಣ ಸಣ್ಣ ಕೂದಲುಗಳನ್ನು 'ವೈಬ್ರಿಸೆ' ಅಂತೀವಿ. ನಾವು ಉಸಿರು ತೆಗೆದುಕೊಂಡಾಗ ಗಾಳಿಯಲ್ಲಿರೋ ಧೂಳು, ಮರಳು ಮತ್ತು ದೊಡ್ಡ ಕಸದ ಕಣಗಳು ನೇರವಾಗಿ ಶ್ವಾಸಕೋಶದೊಳಗೆ ಹೋಗದಂತೆ ಇವು ಅಲ್ಲೇ ತಡೆದು ಫಿಲ್ಟರ್ ಮಾಡುತ್ತವೆ.
2. ಜಿಗುಟಾದ ಲೋಳೆ ಮತ್ತು ಸೀಲಿಯಾ ಸಿಸ್ಟಮ್
ಮೂಗಿನ ಒಳಭಾಗದಲ್ಲಿ ಸದಾ ಒಂದು ತರಹದ ಜಿಗುಟಾದ ದ್ರವ (ಲೋಳೆ) ಇರುತ್ತೆ. ಇದರ ಜತೆ 'ಸೀಲಿಯಾ' ಅನ್ನುವ ಸೂಕ್ಷ್ಮ ರೋಮಗಳಿರುತ್ತವೆ. ಗಾಳಿಯಲ್ಲಿರೋ ಬ್ಯಾಕ್ಟೀರಿಯಾ, ವೈರಸ್‌ಗಳು ಈ ಲೋಳೆಗೆ ಅಂಟಿಕೊಳ್ಳುತ್ತವೆ. ಸೀಲಿಯಾಗಳು ಈ ಲೋಳೆಯನ್ನು ಗಂಟಲಿನ ಕಡೆಗೆ ತಳ್ಳುತ್ತವೆ. ಅಲ್ಲಿಂದ ಅದು ಹೊಟ್ಟೆಗೆ ಸೇರಿ, ಹೊಟ್ಟೆಯಲ್ಲಿರುವ ಆಮ್ಲದಿಂದ ಸಂಪೂರ್ಣವಾಗಿ ನಾಶವಾಗುತ್ತೆ.
