ಮಾಸ್ಕ್​ ಹಾಕದಿದ್ದರೆ ಲಾಕ್​ಡೌನ್​ ಫಿಕ್ಸ್​! ಖಡಕ್​ ಎಚ್ಚರಿಕೆ ಕೊಟ್ಟ ಮಹಾ ಸಿಎಂ

ಮುಂಬೈ: ಮಜಾರಾಷ್ಟ್ರದಲ್ಲಿ ಕರೊನಾ ಸೋಂಕಿತರ ಸಂಖ್ಯೆ ಹೆಚ್ಚಾಗುತ್ತಿದ್ದಂತೆಯೇ ರಾಜ್ಯದಲ್ಲಿ ಲಾಕ್​ಡೌನ್​ ಮಾಡುವ ಬಗ್ಗೆ ಮುಖ್ಯಮಂತ್ರಿ ಉದ್ಧವ್​ ಠಾಕ್ರೆ ಮಾತನಾಡಿದ್ದಾರೆ. ರಾಜ್ಯದ ಜನರು ಮಾಸ್ಕ್​ ತೊಡದಿದ್ದರೆ ಆ ಸ್ಥಳಗಳಲ್ಲಿ ಲಾಕ್​ಡೌನ್​ ಮಾಡುವುದಾಗಿ ಅವರು ಹೇಳಿದ್ದಾರೆ.

ಜನರು ಮಾಸ್ಕ್​ ಧರಿಸಿ, ಎಲ್ಲ ರೀತಿಯ ಮುನ್ನೆಚ್ಚರಿಕಾ ಕ್ರಮಗಳನ್ನು ತೆಗೆದುಕೊಳ್ಳಬೇಕು. ಒಂದು ವೇಳೆ ಅವರು ಅದರಲ್ಲಿ ವಿಫಲವಾದರೆ ನಾವು ಲಾಕ್​ಡೌನ್​ ಜಾರಿ ಮಾಡಲಿದ್ದೇವೆ. ನಮಗೆ ಅಭಿವೃದ್ಧಿಯನ್ನು ನಿಲ್ಲಿಸುವ ಆಸಕ್ತಿ ಇಲ್ಲ. ಆದರೆ ಜನರು ಅದಕ್ಕೆ ದಾರಿ ಮಾಡಿಕೊಟ್ಟರೆ ನಾವು ಮಾಡಲೇಬೇಕಾಗುತ್ತದೆ. ರಾಜ್ಯಾದ್ಯಂತ ಲಾಕ್​ಡೌನ್​ ಇಲ್ಲ ಆದರೆ ಆಯಾ ಸ್ಥಳಗಳಲ್ಲಿ ಲಾಕ್​ಡೌನ್​ ಜಾರಿ ಮಾಡಲಾಗುವುದು ಎಂದು ಅವರು ತಿಳಿಸಿದ್ದಾರೆ.

ಈಗಾಗಲೇ ಅಮರಾವತಿ ಜಿಲ್ಲೆಯಲ್ಲಿ ಲಾಕ್​ಡೌನ್​ ಜಾರಿ ಮಾಡಲಾಗಿದೆ. ಅದರ ಜತೆಯಲ್ಲಿ ಅಕೋಲಾ, ಬುಲ್ಖಾನಾ, ವಾಶಿಮ್ ಮತ್ತು ಯವತ್ಮಾಲ್ ಜಿಲ್ಲೆಗಳ ಕೆಲ ನಗರಗಳಲ್ಲೂ ಭಾಗಶಃ ಲಾಕ್​ಡೌನ್​ ಅನ್ನು ಘೋಷಣೆ ಮಾಡಲಾಗಿದೆ. ಒಂದು ವೇಳೆ ಜನರು ಲಾಕ್​ಡೌನ್​ ನಿಯಮ ಪಾಲಿಸುವಲ್ಲಿ ವಿಫಲವಾದರೆ ಲಾಕ್​ಡೌನ್​ ವಿಸ್ತರಣೆ ಮಾಡಲಾಗುವುದು ಎಂದು ತಿಳಿಸಲಾಗಿದೆ. (ಏಜೆನ್ಸೀಸ್​)

https://www.vijayavani.net/one-week-lockdown-in-the-amravati-district-from-monday/

https://www.vijayavani.net/19-year-old-woman-superstition-case-in-ramanathapuram-district/