ಆರ್​ಎಸ್​ಎಸ್ ಬಗ್ಗೆ ರಾಜಮೌಳಿ ಸಿನಿಮಾ?

ರಾಷ್ಟ್ರೀಯ ಸ್ವಯಂಸೇವಕ ಸಂಘದ ಬಗ್ಗೆ ರಾಜಮೌಳಿ ಸಿನಿಮಾ ಮಾಡುತ್ತಾರಾ? ಇತ್ತೀಚೆಗಷ್ಟೆ ‘ಆರ್​ಆರ್​ಆರ್’ ನಿರ್ದೇಶಕ ನೀಡಿದ್ದ ಹೇಳಿಕೆ ಹೀಗೊಂದು ಪ್ರಶ್ನೆಗೆ ಕಾರಣವಾಗಿದೆ. ರಾಜಮೌಳಿ ತಂದೆ ವಿಜಯೇಂದ್ರ ಪ್ರಸಾದ್ ಅವರೇ ಮಗನ ಎಲ್ಲ ಸಿನಿಮಾಗಳಿಗೂ ಕಥೆ, ಚಿತ್ರಕಥೆ ಬರೆಯುವುದು ಗೊತ್ತೇ ಇದೆ. ಇದೀಗ ವಿಜಯೇಂದ್ರ ಪ್ರಸಾದ್, ಆರ್​ಎಸ್​ಎಸ್ ಬಗ್ಗೆ ಕಥೆ ಮಾಡಿಕೊಂಡಿದ್ದು, ಅದರ ಬಗ್ಗೆ ರಾಜಮೌಳಿ ಮಾತನಾಡಿದ್ದಾರೆ.

‘ಆರ್​ಎಸ್​ಎಸ್ ಬಗ್ಗೆ ಗೊತ್ತು. ಆದರೆ, ಅದು ಹೇಗೆ ಪ್ರಾರಂಭವಾಯಿತು? ಸಂಘದ ನಂಬಿಕೆಗಳೇನು ಎಂಬುದರ ಬಗ್ಗೆ ಹೆಚ್ಚು ಮಾಹಿತಿ ಇರಲಿಲ್ಲ. ಅಪ್ಪ, ಆರ್​ಎಸ್​ಎಸ್ ಬಗ್ಗೆ ಭಾವನಾತ್ಮಕ ಕಥೆ ಮಾಡಿಕೊಂಡಿದ್ದಾರೆ. ಆ ಕಥೆಯನ್ನು ಓದುವಾಗ ನಾನೂ ಹಲವು ಬಾರಿ ಕಣ್ಣೀರಾಗಿದ್ದೇನೆ. ಕಥೆಯಲ್ಲಿನ ಭಾವನಾತ್ಮಕ ಸನ್ನಿವೇಶಗಳ ಅಷ್ಟು ಚೆನ್ನಾಗಿವೆ. ಆರ್​ಎಸ್​ಎಸ್ ಕುರಿತ ಚಿತ್ರವನ್ನು ನಾನು ನಿರ್ದೇಶಿಸುತ್ತೀನಾ ಎಂಬುದನ್ನು ಈಗಲೇ ಹೇಳಲಾಗುವುದಿಲ್ಲ.

ಏಕೆಂದರೆ, ಅಪ್ಪ ಆ ಕಥೆಯನ್ನು ಬೇರೆ ನಿರ್ದೇಶಕರಿಗೆ, ನಿರ್ವಪಕರಿಗೆ, ತಂಡಕ್ಕೆ ಮಾಡಿದ್ದಾರಾ ಗೊತ್ತಿಲ್ಲ. ನನ್ನ ಬಳಿ ಅದಕ್ಕೆ ಸರಿಯಾದ ಉತ್ತರವಿಲ್ಲ. ಆದರೆ, ಆ ಸಿನಿಮಾ ನಿರ್ದೇಶಿಸಲು ಅವಕಾಶ ಸಿಕ್ಕರೆ ನನಗದು ಗೌರವದ ವಿಷಯ. ಅ ಕಥೆ ಸಮಾಜದ ಮೇಲೆ ನಕಾರಾತ್ಮಕ ಪರಿಣಾಮ ಬೀರುತ್ತಾ, ಸಕಾರಾತ್ಮಕ ಪರಿಣಾಮ ಬೀರುತ್ತಾ ಗೊತ್ತಿಲ್ಲ. ಇದೇ ಮೊದಲ ಬಾರಿಗೆ ಒಂದು ಕಥೆಯ ಬಗ್ಗೆ ನನಗೆ ಆ ಸ್ಪಷ್ಟತೆ ದೊರೆತಿಲ್ಲ’ ಎಂದು ಹೇಳಿಕೊಂಡಿದ್ದಾರೆ ನಿರ್ದೇಶಕ ರಾಜಮೌಳಿ. -ಏಜೆನ್ಸೀಸ್

https://www.vijayavani.net/laddu-distributed-at-temples-by-rowdy-sheeter-sunil/

https://www.vijayavani.net/a-very-special-work-culture-at-softgrid-computers/