ಬ್ಯಾಂಕ್​ಗಳ ಸೇವಾ ಶುಲ್ಕದಲ್ಲಿ ಏರಿಕೆ ಇಲ್ಲ

ನವದೆಹಲಿ: ಜನಧನ, ಮೂಲ ಉಳಿತಾಯ (ಬಿಎಸ್​ಬಿಡಿ) ಬ್ಯಾಂಕ್ ಖಾತೆದಾರರಿಗೆ ಹೆಚ್ಚುವರಿ ಸೇವಾ ಶುಲ್ಕ ವಿಧಿಸಿಲ್ಲ್ಲ ಎಂದು ಹಣಕಾಸು ಸಚಿವಾಲಯ ಹಾಗೂ ಆರ್​ಬಿಐ ಮಂಗಳವಾರ ಸ್ಪಷ್ಟಪಡಿಸಿವೆ.

ಸಾರ್ವಜನಿಕ ವಲಯದ ಬ್ಯಾಂಕ್​ಗಳು ನ.1ರಿಂದ ಸೇವಾ ಶುಲ್ಕ ಹೆಚ್ಚಿಸಿರುವ ಕುರಿತ ವರದಿ ಹಿನ್ನೆಲೆಯಲ್ಲಿ ಈ ಹೇಳಿಕೆ ನೀಡಲಾಗಿದೆ. 41.43 ಕೋಟಿ ಜನಧನ ಖಾತೆ ಸಹಿತ ಒಟ್ಟು 60.64 ಕೋಟಿ ಬಿಎಸ್​ಬಿಡಿ ಖಾತೆಗಳಿವೆ. ಸಾಮಾನ್ಯ ಉಳಿತಾಯ ಖಾತೆ, ಚಾಲ್ತಿ ಖಾತೆ, ನಗದು ಕ್ರೆಡಿಟ್ ಖಾತೆ ಮತ್ತು ಓವರ್​ಡ್ರಾಫ್ಟ್ ಖಾತೆಗಳಿಗೆ ಸಂಬಂಧಿಸಿ ಯಾವುದೇ ಸೇವಾ ಶುಲ್ಕ ಹೆಚ್ಚಿಸಿಲ್ಲ.

ತಿಂಗಳಿಗೆ ಮೂರು ಸಾರಿ ಹಣ ಜಮಾ, ವಿತ್​ಡ್ರಾವಲ್​ಗೆ ಯಾವುದೇ ಶುಲ್ಕವಿಲ್ಲ. ನಾಲ್ಕನೇ ವಹಿವಾಟಿಗೆ ಶುಲ್ಕ ತೆರಬೇಕು ಎಂದು ಹೇಳಲಾಗಿತ್ತು. ಬ್ಯಾಂಕ್ ಆಫ್ ಬರೋಡಾ ಇದನ್ನು ನ.1ರಿಂದ ಜಾರಿಗೆ ತಂದಿತ್ತು. ಆದರೆ, ಕೋವಿಡ್ ಹಿನ್ನೆಲೆಯಲ್ಲಿ ಬದಲಾವಣೆಗಳನ್ನು ವಾಪಸ್ ಪಡೆಯಲು ಅದು ನಿರ್ಧರಿಸಿದೆ.