Largest Snake: ಸಣ್ಣ ಪುಟ್ಟ ಹಾವಿನ ಹೆಸರು ಕೇಳುತ್ತಿದ್ದಂತೆ ಕಾಲು ಕಿತ್ತು ಓಡುವವರೇ ಹೆಚ್ಚು. ಇನ್ನೂ ಹೆಬ್ಬಾವು, ಅನಕೊಂಡ ಎದುರಿಗೆ ಬಂದ್ರೆ ಮುಗಿತು ಅವರ ಕತೆ. ಇಂತಹ ಹಾವಿನ ಕಥೆ ಕೇಳುವಾಗ, ಓದುವಾಗ, ಟಿವಿ ಮೊಬೈಲ್ನಲ್ಲಿ ನೋಡುವಾಗಲೇ ಮೈ ಝುಂ ಎನ್ನುತ್ತದೆ, ಇನ್ನೇನಾದ್ರು ಎದುರಿಗೆ ಬಂದ್ರೆ ಮುಗಿತು ಅಷ್ಟೆ. ಆದ್ರೆ ಇದೀಗ ಜಗತ್ತಿನಲ್ಲಿಯೇ ಅತಿ ದೊಡ್ಡ ಅನಕೊಂಡವನ್ನು ಸಂಶೋಧಕರು ಪತ್ತೆಹಚ್ಚಿದ್ದಾರೆ. 26 ಅಡಿ, 500 ಕೆಜಿ ತೂಕವಿದೆ ಈ ಹಾವು ಅಮೆಜಾನ್ ಕಾಡಿನಲ್ಲಿ ಕಂಡುಬಂದಿದೆ. ಇದನ್ನು ನಾರ್ದರ್ನ್ ಗ್ರೀನ್ ಅನಕೊಂಡ (ಯುನೆಕ್ಟೆಸ್ ಅಕಾಯ್ಮಾ) ಎಂದು ಕರೆಯಲಾಗುತ್ತದೆ. ಈ ಹಾವಿನ ತೂಕ ಹಿಂದಿನ ಅತಿದೊಡ್ಡ ಹಾವುಗಳ ದಾಖಲೆಗಳನ್ನು ಮೀರಿಸಿದೆ. ಗ್ರೀನ್ ಅನಕೊಂಡವೇ ಜಗತ್ತಿನಲ್ಲಿಯ ಅತಿದೊಡ್ಡ ಹಾವು ಎಂದು ಹೇಳಲಾಗುತ್ತಿತ್ತು, ಆದರೆ ಇದೀಗ ಪತ್ತೆಯಾಗಿರುವ ಅನಾಕೊಂಡ ಅದನ್ನು ಸುಳ್ಳುಮಾಡಿದೆ.
