ಪ್ರತಿಯಾಗಿ ಸಿದ್ಧಾರ್ಥ ‘ನೋಡಿ, ನಾನು ನನ್ನ ನೆಲ-ಜಲ-ಜನರಿಗೆ ಎಂದಿಗೂ ಮೋಸ ಮಾಡಲಾರೆ’ ಎಂದು ಹೇಳುತ್ತಾನೆ. ‘ನೀನು ಸನ್ಯಾಸಿಯಾಗುವುದನ್ನು ನಿನ್ನ ತಾಯಿ ತಂದೆ ಒಪ್ಪದಿದ್ದರೆ?’ ಎಂದು ಕೇಳಿದಾಗ, ‘ಅದು ನನ್ನ ಸಮಸ್ಯೆ. ನಾನು ಬಗೆಹರಿಸಿಕೊಳ್ಳುತ್ತೇನೆ’ ಎಂದು ಹೇಳಿ ಹೆಂಡತಿ, ತಾಯಿ-ತಂದೆಯ ಒಪ್ಪಿಗೆ ಪಡೆದು ಸಿದ್ಧಾರ್ಥ ಕಾಡಿಗೆ ತೆರಳುತ್ತಾನೆ. ಇದು ಬಾಬಾಸಾಹೇಬರು ಸಂಶೋಧನೆ ಮಾಡಿ ಹೇಳಿದ ಮಾತು. ಸಿದ್ಧಾರ್ಥ ಹೆಣ, ರೋಗಿ, ವೃದ್ಧನನ್ನು ನೋಡಿ ಕಾಡಿಗೆ ಹೋಗಲಿಲ್ಲ. ಸಿದ್ಧಾರ್ಥ ಕಾಡಿಗೆ ಹೋದ ಮೇಲೆ ಯುದ್ಧ ನಿಲ್ಲುತ್ತದೆ. ಎರಡೂ ಸಂಸ್ಥಾನದವರು ಮಾತುಕತೆ ಮೂಲಕ ನದಿ ನೀರಿನ ಸಮಸ್ಯೆಗೆ ಪರಿಹಾರ ಕಂಡುಕೊಂಡು ಸುಖವಾಗಿರುತ್ತಾರೆ. ಈ ಸುದ್ದಿಯು ಸನ್ಯಾಸಿಗಳ ಮೂಲಕ ಬುದ್ಧನಿಗೆ ತಿಳಿದರೂ ಮರಳಿಬರಲು ಒಪ್ಪುವುದಿಲ್ಲ. ದುಃಖಕ್ಕೆ ಕಾರಣ ಕಂಡು ಹಿಡಿದು ಪಂಚಶೀಲ ತತ್ವಗಳು, ಅಷ್ಟಾಂಗ ಮಾರ್ಗಗಳು, ಚತುರಾರ್ಯ ಸತ್ಯಗಳನ್ನು ಕಂಡುಹಿಡಿದು ಬೋಧಿ ಪಡೆದು ಸಿದ್ಧಾರ್ಥ ಬುದ್ಧನಾದ.
_1777571437925.webp?w=480&auto=format%2Ccompress&fit=max)
