ಉಳಿದ, ಉಚ್ಛಿಷ್ಟ ಭಾಗವೇ ರುದ್ರನಿಗೇಕೆ? ಅದರ ಹಿಂದೆಯೂ ಒಂದು ಕಥೆ, ಎಲ್ಲರಿಗೂ ತಿಳಿದಿದ್ದೇ. ದಕ್ಷಪ್ರಜಾಪತಿ, ಪಾರ್ವತಿಯ ತಂದೆ, ಶಿವನ ಮಾವ. ಸ್ತ್ರೀ- ಪುರುಷ ಸಂಯೋಗದಿಂದ ಉತ್ಪತ್ತಿ ಮಾರ್ಗವನ್ನು ಕಂಡುಹಿಡಿದ ಅವನ ಮೇಲೆ ಬ್ರಹ್ಮದೇವರ ವಿಶೇಷ ಪ್ರೀತಿ. ಆತನ ಒಂದು ಯಜ್ಞಕ್ಕೆ ದೇವತೆಗಳೆಲ್ಲರೂ, ಮಹಾದೇವನೂ ಆಗಮಿಸಿರುತ್ತಾರೆ. ಯಜ್ಞಶಾಲೆಗೆ ದಕ್ಷ ಬಂದೊಡನೆಯೇ ಎಲ್ಲರೂ ಎದ್ದು ನಿಲ್ಲುತ್ತಾರೆ, ಬ್ರಹ್ಮ ಶಿವರನ್ನು ಹೊರತುಪಡಿಸಿ. ಕೋಪಗೊಂಡ ಮಾವ ದಕ್ಷ, ಶಿವನನ್ನು ವಾಚಾಮಗೋಚರವಾಗಿ ಬೈದು, ಇವನಿಗೆ ಇನ್ನುಮೇಲೆ ಯಜ್ಞಗಳಲ್ಲಿ ಪಾಲಿಲ್ಲದೆ ಹೋಗಲಿ ಎಂದು ಶಪಿಸುತ್ತಾನೆ. ಶಿವಗಣಗಳು ಮತ್ತಿತರ ಋಷಿಮುನಿಗಳು ಶಾಪ ಪ್ರತಿಶಾಪಗಳ ಮಧ್ಯೆ ಶಾಂತ ಸ್ವರೂಪನಾದ ಶಿವ ಮೌನವಾಗಿ ಹಿಂದಿರುಗುತ್ತಾನೆ.
