ರಾಜ್ಯಪಾಲರನ್ನು ಭೇಟಿ ಮಾಡಿ ಘಟನೆ ಬಗ್ಗೆ ವರದಿ ನೀಡಿದ ಸ್ಪೀಕರ್

ಬೆಂಗಳೂರು: ಹತ್ತು ಶಾಸಕರ ಅಮಾನತು ಪ್ರಕರಣ ಸಂಬಂಧ ವಿಧಾನಸಭೆ ಸ್ಪೀಕರ್ ಯು.ಟಿ.ಖಾದರ್ ಗುರುವಾರ ರಾಜಭವನಕ್ಕೆ ತೆರಳಿ ಇಡೀ ಘಟನೆ ಕುರಿತು ವರದಿ ಸಲ್ಲಿಸಿದರು.

ಬೆಳಗ್ಗೆ ರಾಜ್ಯಪಾಲರನ್ನು ಭೇಟಿ‌ ಮಾಡಿದ ಖಾದರ್, ವಿಸ್ತೃತ ವರದಿಯನ್ನು ನೀಡಿದರು. ಬಿಜೆಪಿ ಶಾಸಕರು ರಾಜಭವನಕ್ಕೆ ತೆರಳುವ ಮೊದಲೇ ಸ್ಪೀಕರ್ ಭೇಟಿ ನೀಡಿದ್ದು ವಿಶೇಷವಾಗಿತ್ತು.

ಸ್ಪೀಕರ್ ಪೀಠಕ್ಕೆ ಅಪಚಾರ ಎಸಗಿದ ಹಿನ್ನೆಲೆಯಲ್ಲಿ ಹತ್ತು ಶಾಸಕರನ್ನು ಅಮಾನತುಗೊಳಿಸಲಾಗಿದೆ. ಕ್ರಮ ಕೈಗೊಳ್ಳುವುದು ಅನಿವಾರ್ಯವಾಗಿತ್ತು ಎಂದು ವರದಿಯಲ್ಲಿ ವಿವರಿಸಿದ್ದು, ನಿಯಮಾವಳಿ ಪ್ರಕಾರ ತಮಗಿರುವ ಪರಮಾಧಿಕಾರ ಬಳಸಲಾಗಿದೆ ಎಂದು ತಿಳಿಸಲಾಗಿದೆ.

ಇಂತಹ ಘಟನೆ ನಡೆಯಬಾರದಿತ್ತು, ಬಹಳ‌ಬೇಸರ ತರಿಸಿದೆ.‌ ಸುಗಮ‌ ಕಲಾಪದ ದೃಷ್ಟಿಯಿಂದ ಇಂತಹ ಕ್ರಮ ಅನಿವಾರ್ಯವಾಗಿತ್ತೆಂದು ವಿವರಿಸಿದರು.