ಕರೊನಾದಿಂದ ಅತಂತ್ರವಾಯ್ತು ಈ ನವದಂಪತಿಯ ಜೀವನ; ರಾತ್ರಿ ಮನೆಗೆ ಬಂದಾಗ ಕಾದಿತ್ತು ಶಾಕ್​..!

ಬೆಂಗಳೂರು: ಕರೊನಾ ಸೋಂಕಿನಿಂದಾಗಿ ಈ ನವದಂಪತಿಯ ಜೀವನ ಅತಂತ್ರ ಆಗಿದೆ. ಮನೆ ಮಾಲೀಕನ ದರ್ಪದಿಂದಾಗಿ ರಾತ್ರಿಯಿಡೀ ಒದ್ದಾಡುವಂತಾಯಿತು.

ರಂಗ ಮತ್ತು ಪವಿತ್ರಾ ಒಂದು ತಿಂಗಳ ಹಿಂದಷ್ಟೇ ಮದುವೆಯಾಗಿದ್ದರು. ರಂಗ ಕ್ಯಾಬ್​ ಚಾಲಕನಾಗಿದ್ದ. ಆದರೆ ಈಗ ಲಾಕ್​ಡೌನ್ ಪರಿಸ್ಥಿತಿ ಇದ್ದುದರಿಂದ ಆತನಿಗೆ ಕೆಲಸ ಇರಲಿಲ್ಲ. ಕೈಯಲ್ಲಿ ಹಣವೂ ಇರಲಿಲ್ಲ.

ಬದಲಗುಂಟೆಯಲ್ಲಿ ಮನೆ ಮಾಡಿದ್ದ ಈ ನವವಿವಾಹಿತರು, ಊಟಕ್ಕಾಗಿ ಬೇರೆಯವರ ಮನೆಯಲ್ಲಿ ಉಳಿದುಕೊಂಡಿದ್ದರು. ಆದರೆ ನಿನ್ನೆ ರಾತ್ರಿ ಸುಮಾರು 11 ಗಂಟೆ ಹೊತ್ತಿಗೆ ಬಗಲಗುಂಟೆಯ ತಮ್ಮ ಬಾಡಿಗೆ ಮನೆಗೆ ಬಂದ ಅವರಿಗೆ ಶಾಕ್​ ಕಾದಿತ್ತು.

ಮನೆ ಮಾಲೀಕ ಶಿವಣ್ಣ ಗೇಟ್​ ಬಳಿಯೇ ದಂಪತಿಯನ್ನು ಅಡ್ಡ ಹಾಕಿದ. ನೀವು ಊರೆಲ್ಲ ಸುತ್ತಾಡಿ ಬಂದಿದ್ದೀರಿ. ಮೊದಲು ಮೆಡಿಕಲ್​ ರಿಪೋರ್ಟ್​ ತನ್ನಿ. ಇಲ್ಲದಿದ್ದರೆ ಯಾವ ಕಾರಣಕ್ಕೂ ಮನೆಯೊಳಗೆ ಬಿಟ್ಟುಕೊಳ್ಳುವುದಿಲ್ಲ ಎಂದು ಹೇಳಿ, ಗೇಟಿಗೆ ಬೀಗ ಹಾಕಿ ದಂಪತಿಯನ್ನು ಹೊರಗೇ ನಿಲ್ಲಿಸಿದ್ದಾನೆ.

ವಿಧಿಯಿಲ್ಲದೆ ಆ ಜೋಡಿ ರಾತ್ರಿಯೆಲ್ಲ ಕಾರಿನಲ್ಲೇ ಉಳಿದುಕೊಂಡಿದೆ. (ದಿಗ್ವಿಜಯ ನ್ಯೂಸ್​)

https://www.vijayavani.net/a-young-man-who-sexually-abused-a-young-woman/